Eid-Al-Adha: ಜೂನ್ 29ರಂದು ಈದ್ ಅಲ್-ಅಧಾಗೆ ಈ ಬ್ಯಾಂಕುಗಳಲ್ಲಿ ರಜೆ

ಈದ್ ಅಲ್-ಅಧಾ ಕಾರಣ ಜೂನ್ 29ರಂದು ಖಾಸಗಿ ಹಾಗೂ ಸಾರ್ವಜನಿಕ ವಲಯದ ಬ್ಯಾಂಕ್‌ಗಳಿಗೆ ರಜೆ ಇರಲಿದೆ. ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (ಆರ್‌ಬಿಐ) ಅಧಿಕೃತ ರಜಾದಿನ ಪಟ್ಟಿಯ ಪ್ರಕಾರವಾಗಿ ಈ ದಿನಗಳು ಬ್ಯಾಂಕ್ ಬಂದ್ ಆಗಲಿದೆ. ದೇಶದ ಅನೇಕ ಭಾಗಗಳಲ್ಲಿ ಬಕ್ರೀದ್ ಅಥವಾ ಈದ್ ಅಲ್-ಅಧಾಗೆ ಬ್ಯಾಂಕುಗಳು ಮುಚ್ಚಲಾಗುತ್ತದೆ.

ಸಾಮಾನ್ಯವಾಗಿ ಖಾಸಗಿ ಹಾಗೂ ಸರ್ಕಾರಿ ಬ್ಯಾಂಕ್‌ ರಾಷ್ಟ್ರೀಯ ರಜಾದಿನ, ಹಬ್ಬಕ್ಕಾಗಿ ರಜೆ ಇದ್ದಾಗ ಹಾಗೂ ಭಾನುವಾರ ಬಂದ್ ಆಗಿರುತ್ತದೆ. ಹಾಗೆಯೇ ದೇಶದಾದ್ಯಂತ ಪ್ರತಿ ತಿಂಗಳು ಎರಡನೇ ಹಾಗೂ ನಾಲ್ಕನೇ ಶನಿವಾರ ಬ್ಯಾಂಕ್ ರಜೆ ಇರಲಿದೆ. ಇನ್ನು ಈ ರಜಾದಿನಗಳ ಮಾತ್ರವಲ್ಲದೇ ಕೆಲವು ರಾಜ್ಯಗಳ ಕೆಲವು ಪ್ರದೇಶಗಳಲ್ಲಿ ಆಚರಣೆ ಮಾಡುವ ಸ್ಥಳೀಯ ಹಬ್ಬದ ಸಂದರ್ಭದಲ್ಲೂ ಬ್ಯಾಂಕ್‌ಗಳು ಬಂದ್ ಆಗಲಿದೆ. ಈ ಸಂದರ್ಭದಲ್ಲಿ ಬ್ಯಾಂಕ್‌ಗಳ ಸ್ಥಳೀಯ , ಬ್ರಾಂಚ್‌ಗಳು ಮಾತ್ರ ಬಂದ್ ಆಗಿರುತ್ತದೆ.

ಈದ್ ಅಲ್-ಅಧಾ ಎಂದರೇನು?

ಬಕ್ರ್‌-ಈದ್‌ (ಬಕ್ರೀದ್) ಅಥವಾ ಈದ್ ಅಲ್-ಅಧಾ ಜಾಗತಿಕವಾಗಿ ಮುಸ್ಲಿಂ ಸಮುದಾಯವು ಆಚರಣೆ ಮಾಡುವ ವಾರ್ಷಿಕ ಹಬ್ಬವಾಗಿದೆ. ಬಂಧುಮಿತ್ರರು ಜೊತೆಯಾಗಿ ಸೇರಿ ಮಾಂಸಹಾರ ಭೋಜನ ಮಾಡುವುದು, ಶುಭಾಶಯವನ್ನು ಹಂಚಿಕೊಳ್ಳುವುದು, ತಕ್ಬೀರ್ ಪಠಣ ಮಾಡುವುದು ಈ ದಿನದ ಪ್ರಮುಖ ಆಚರಣೆಗಳಾಗಿವೆ.

ಯಾವೆಲ್ಲ ರಾಜ್ಯಗಳಲ್ಲಿ ಬ್ಯಾಂಕ್ ಬಂದ್ ಆಗಿರಲಿದೆ?

ಜೂನ್ 29ರಂದು ಈದ್ ಅಲ್-ಅಧಾ ಕಾರಣದಿಂದಾಗಿ ಹಲವಾರು ನಗರಗಳಲ್ಲಿ ಬ್ಯಾಂಕ್ ಬಂದ್ ಆಗಿರುತ್ತದೆ. ಅಗರ್ತಲಾ, ಅಹಮದಾಬಾದ್, ಐಜ್ವಾಲ್, ಬೆಂಗಳೂರು, ಭೋಪಾಲ್, ಚಂಡೀಗಢ, ಚೆನ್ನೈ, ಡೆಹ್ರಾಡೂನ್, ಗುವಾಹಟಿ, ಹೈದರಾಬಾದ್ - ಆಂಧ್ರಪ್ರದೇಶ, ಹೈದರಾಬಾದ್ - ತೆಲಂಗಾಣ, ಇಂಫಾಲ್ ಮೊದಲಾದ ನಗರಗಳಲ್ಲಿ ಬ್ಯಾಂಕ್ ಬಂದ್ ಆಗಿರುತ್ತದೆ.

ಜೈಪುರ, ಜಮ್ಮು, ಕಾನ್ಪುರ, ಕೋಲ್ಕತ್ತಾ, ಲಕ್ನೋ, ದೆಹಲಿ, ಪಾಟ್ನಾ, ಪಣಜಿ, ಶಿಲ್ಲಾಂಗ್, ರಾಂಚಿ, ಶಿಮ್ಲಾ ಮತ್ತು ಶ್ರೀನಗರದಲ್ಲಿಯೂ ಜೂನ್ 29ರಂದು ಈದ್ ಅಲ್-ಅಧಾ ಆಚರಣೆಗೆ ಬ್ಯಾಂಕ್ ಅನ್ನು ಬಂದ್ ಮಾಡಲಾಗುತ್ತದೆ. ಆದ್ದರಿಂದ, ಬಕ್ರೀದ್ ಸಂದರ್ಭದಲ್ಲಿ ಈ ನಗರಗಳಲ್ಲಿ ಯಾವುದೇ ಬ್ಯಾಂಕಿಂಗ್ ವಹಿವಾಟು ನಡೆಸಲು ಸಾಧ್ಯವಾಗುವುದಿಲ್ಲ.

ಯಾವೆಲ್ಲ ನಗರಗಳಲ್ಲಿ ಬ್ಯಾಂಕ್ ಬಂದ್ ಆಗಲ್ಲ?

ಇನ್ನು ಹಲವಾರು ಪ್ರದೇಶಗಳಲ್ಲಿ ಬ್ಯಾಂಕ್‌ಗಳು ಬಂದ್ ಆಗಿರುವುದಿಲ್ಲ. ಬೇಲಾಪುರ, ಭುವನೇಶ್ವರ, ಗ್ಯಾಂಗ್ಟಾಕ್, ಕೊಚ್ಚಿ, ಮುಂಬೈ, ನಾಗ್ಪುರ ಮತ್ತು ತಿರುವನಂತಪುರಂನಲ್ಲಿ ಬ್ಯಾಂಕ್‌ಗಳು ಬಕ್ರೀದ್‌ನಂದು ತೆರೆದಿರುತ್ತದೆ. ಈ ನಗರಗಳಲ್ಲಿನ ಸಾಮಾನ್ಯವಾಗಿಯೇ ಬ್ಯಾಂಕಿಂಗ್ ಸೇವೆಗಳು ಇರುತ್ತದೆ. ಇನ್ನು ಮೇಲೆ ತಿಳಿಸಿದ ನಗರಗಳಲ್ಲಿ ಬ್ಯಾಂಕ್ ಜೂನ್ 29ರಂದು ಬಂದ್ ಆಗಿದ್ದರೂ ಕೂಡಾ ಅಲ್ಲಿ ಎಟಿಎಂ ಸೇವೆಗಳು, ಆನ್‌ಲೈನ್ ಬ್ಯಾಂಕಿಂಗ್ ಸೇವೆಗಳು ಎಂದಿನಂತೆಯೇ ಇರಲಿದೆ.

ಆರ್‌ಬಿಐ ನಿಯಮದ ಪ್ರಕಾರ ರಜಾದಿನಗಳನ್ನು ಮೂರು ವಿಭಾಗವಾಗಿ ವಗೀಕರಿಸಲಾಗಿದೆ. ನೆಗೋಶಬಲ್ ಇನ್ಸ್ಟ್ರುಮೆಂಟ್ಸ್ ಆಕ್ಟ್ ಅಡಿಯಲ್ಲಿ ರಜಾದಿನ, ನೆಗೋಶಿಯೇಬಲ್ ಇನ್ಸ್ಟ್ರುಮೆಂಟ್ಸ್ ಆಕ್ಟ್ ಅಡಿಯಲ್ಲಿ ರಜಾದಿನ ಮತ್ತು ರಿಯಲ್-ಟೈಮ್ ಗ್ರಾಸ್ ಸೆಟಲ್ಮೆಂಟ್ ಹಾಲಿಡೇ, ಬ್ಯಾಂಕ್‌ಗಳು ಖಾತೆಗಳ ಕೊನೆಯ ಹಣಕಾಸು ಲೆಕ್ಕಚಾರ ಅವಧಿ ಮೂರು ರಜಾ ವರ್ಗೀಕರಣವಾಗಿದೆ.

ಜೂನ್ ತಿಂಗಳ ಬ್ಯಾಂಕ್ ರಜಾ ಪಟ್ಟಿ

* ಜೂನ್ 4, 2023: ಭಾನುವಾರ, ವಾರದ ರಜೆ, ದೇಶದಾದ್ಯಂತ ಬ್ಯಾಂಕ್ ರಜೆ
* ಜೂನ್ 10, 2023: ಎರಡನೇ ಶನಿವಾರ, ದೇಶದಾದ್ಯಂತ ಬ್ಯಾಂಕ್ ರಜೆ
* ಜೂನ್ 11, 2023: ಭಾನುವಾರ, ವಾರದ ರಜೆ, ದೇಶದಾದ್ಯಂತ ಬ್ಯಾಂಕ್ ರಜೆ
* ಜೂನ್ 15, 2023: ರಾಜ ಸಂಕ್ರಾಂತಿ ಕಾರಣದಿಂದಾಗಿ ಮಿಜೋರಾಂ ಹಾಗೂ ಒಡಿಶಾದಲ್ಲಿ ಬ್ಯಾಂಕ್‌ ಬಂದ್ ಆಗಿರಲಿದೆ.
* ಜೂನ್ 18, 2023: ಭಾನುವಾರ, ವಾರದ ರಜೆ, ದೇಶದಾದ್ಯಂತ ಬ್ಯಾಂಕ್ ಬಂದ್
* ಜೂನ್ 20, 2023: ರಥ ಯಾತ್ರೆ ಕಾರಣದಿಂದಾಗಿ ಒಡಿಶಾದಲ್ಲಿ ಬ್ಯಾಂಕ್ ಬಂದ್ ಆಗಿರಲಿದೆ.
* ಜೂನ್ 24, 2023: ನಾಲ್ಕನೇ ಶನಿವಾರ, ದೇಶದಾದ್ಯಂತ ಬ್ಯಾಂಕ್ ಬಂದ್
* ಜೂನ್ 25, 2023: ಭಾನುವಾರ, ವಾರದ ರಜೆ, ದೇಶದಾದ್ಯಂತ ಬ್ಯಾಂಕ್ ಬಂದ್
* ಜೂನ್ 26, 2023: ಖರ್ಚಿ ಪೂಜಾ ದಿನ ತ್ರಿಪುರಾದಲ್ಲಿ ಬ್ಯಾಂಕ್ ಬಂದ್ ಆಗಿರಲಿದೆ.
* ಜೂನ್ 28, 2023: ಈದ್-ಉಲ್-ಅದಾ ಕಾರಣದಿಂದಾಗಿ ಕೇರಳ, ಮಹಾರಾಷ್ಟ್ರ, ಜಮ್ಮು- ಕಾಶ್ಮೀರದಲ್ಲಿ ಬ್ಯಾಂಕ್ ಮುಚ್ಚಿರುತ್ತದೆ.
* ಜೂನ್ 29, 2023: ಈದ್-ಉಲ್-ಅದಾ ಹಬ್ಬದ ಕಾರಣ ದೇಶದ ಹಲವಾರು ರಾಜ್ಯಗಳಲ್ಲಿ ಬ್ಯಾಂಕ್ ಬಂದ್ ಆಗಿರುತ್ತದೆ.
* ಜೂನ್ 30, 2023: ರಿಮಾ ಈದ್-ಉಲ್-ಅದಾ ಕಾರಣದಿಂದಾಗಿ ಮಿಜೋರಾಂ, ಒಡಿಶಾದಲ್ಲಿ ಬ್ಯಾಂಕ್ ಬಂದ್ ಆಗಿರುತ್ತದೆ.