Bank Holidays in June 2023: ಜೂನ್‌ ತಿಂಗಳಲ್ಲಿ ಎಷ್ಟು ದಿನ ಬ್ಯಾಂಕ್ ರಜೆ?

ಹಣಕಾಸು ಸಂಸ್ಥೆಗಳು ಅಥವಾ ಬ್ಯಾಂಕ್‌ಗಳು ಜನರ ಜೀವನದಲ್ಲಿ ಪ್ರಮುಖವಾದ ಪಾತ್ರವನ್ನು ವಹಿಸುತ್ತದೆ. ನಾವು ಹಣವನ್ನು ವಿತ್‌ಡ್ರಾ ಮಾಡಲು ಎಟಿಎಂನಂತಹ ಆಯ್ಕೆಗಳು ನಮ್ಮ ಮುಂದೆ ಇದ್ದರೂ ಕೂಡಾ ಕೆಲವೊಂದು ಸಂದರ್ಭದಲ್ಲಿ ನಾವು ಬ್ಯಾಂಕ್‌ಗೆ ಭೇಟಿ ನೀಡಬೇಕಾಗುತ್ತದೆ. ಈ ನಡುವೆ ಆರ್‌ಬಿಐ 2000 ರೂಪಾಯಿ ನೋಟನ್ನು ಕೂಡಾ ಚಲಾವಣೆಯಿಂದ ಹಿಂಪಡೆದಿದೆ.

ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾದ (ಆರ್‌ಬಿಐ) 2000 ರೂಪಾಯಿ ಹಿಂಪಡೆಯುವ ನಿರ್ಧಾರದ ಬಳಿಕ 2000 ರೂಪಾಯಿ ನೋಟನ್ನು ಬದಲಾವಣೆ ಮಾಡಲು ಬ್ಯಾಂಕ್‌ಗೆ ನೀವು ಭೇಟಿ ನೀಡಬೇಕಾಗಬಹುದು. ಸೆಪ್ಟೆಂಬರ್ 30ರವರೆಗೆ ನೋಟು ಬದಲಾವಣೆ ಮಾಡಲು ಅವಕಾಶವಿದೆಯಾದರೂ ನೀವು ಬ್ಯಾಂಕ್‌ಗೆ ಹೋಗುವ ಮುನ್ನ ಬ್ಯಾಂಕ್ ಆ ದಿನ ತೆರೆದಿರುತ್ತದೆಯೆ ಎಂದು ತಿಳಿಯುವುದು ಮುಖ್ಯವಾಗುತ್ತದೆ.

ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (ಆರ್‌ಬಿಐ) ಜೂನ್ ತಿಂಗಳ ಬ್ಯಾಂಕ್ ರಜೆಗಳ ಪಟ್ಟಿ ಬಿಡುಗಡೆ ಮಾಡಿದೆ. ಈ ಪಟ್ಟಿ ಪ್ರಕಾರವಾಗಿ ಭಾರತದಲ್ಲಿ ಜೂನ್ ತಿಂಗಳಿನಲ್ಲಿ ಒಟ್ಟಾಗಿ 12 ದಿನಗಳು ಬ್ಯಾಂಕ್ ರಜೆ ಇರಲಿದೆ. ಇದರಲ್ಲಿ ಹಲವಾರು ಹಬ್ಬಗಳು, ವಾರದ ರಜೆಗಳು ಸೇರಿದೆ. ಬಕ್ರೀದ್, ರಾಜ ಸಂಕ್ರಾಂತಿ ಮೊದಲಾದವುಗಳ ಕಾರಣದಿಂದಾಗಿ ಜೂನ್ ತಿಂಗಳಲ್ಲಿ ಬ್ಯಾಂಕ್‌ಗಳು ಬಂದ್ ಆಗಿರಲಿದೆ.

ಜೂನ್ ತಿಂಗಳ ಬ್ಯಾಂಕ್ ರಜಾ ಪಟ್ಟಿ

* ಜೂನ್ 4, 2023: ಭಾನುವಾರ, ವಾರದ ರಜೆ, ದೇಶದಾದ್ಯಂತ ಬ್ಯಾಂಕ್ ರಜೆ
* ಜೂನ್ 10, 2023: ಎರಡನೇ ಶನಿವಾರ, ದೇಶದಾದ್ಯಂತ ಬ್ಯಾಂಕ್ ರಜೆ
* ಜೂನ್ 11, 2023: ಭಾನುವಾರ, ವಾರದ ರಜೆ, ದೇಶದಾದ್ಯಂತ ಬ್ಯಾಂಕ್ ರಜೆ
* ಜೂನ್ 15, 2023: ರಾಜ ಸಂಕ್ರಾಂತಿ ಕಾರಣದಿಂದಾಗಿ ಮಿಜೋರಾಂ ಹಾಗೂ ಒಡಿಶಾದಲ್ಲಿ ಬ್ಯಾಂಕ್‌ ಬಂದ್ ಆಗಿರಲಿದೆ.
* ಜೂನ್ 18, 2023: ಭಾನುವಾರ, ವಾರದ ರಜೆ, ದೇಶದಾದ್ಯಂತ ಬ್ಯಾಂಕ್ ಬಂದ್
* ಜೂನ್ 20, 2023: ರಥ ಯಾತ್ರೆ ಕಾರಣದಿಂದಾಗಿ ಒಡಿಶಾದಲ್ಲಿ ಬ್ಯಾಂಕ್ ಬಂದ್ ಆಗಿರಲಿದೆ.
* ಜೂನ್ 24, 2023: ನಾಲ್ಕನೇ ಶನಿವಾರ, ದೇಶದಾದ್ಯಂತ ಬ್ಯಾಂಕ್ ಬಂದ್
* ಜೂನ್ 25, 2023: ಭಾನುವಾರ, ವಾರದ ರಜೆ, ದೇಶದಾದ್ಯಂತ ಬ್ಯಾಂಕ್ ಬಂದ್
* ಜೂನ್ 26, 2023: ಖರ್ಚಿ ಪೂಜಾ ದಿನ ತ್ರಿಪುರಾದಲ್ಲಿ ಬ್ಯಾಂಕ್ ಬಂದ್ ಆಗಿರಲಿದೆ.
* ಜೂನ್ 28, 2023: ಈದ್-ಉಲ್-ಅದಾ ಕಾರಣದಿಂದಾಗಿ ಕೇರಳ, ಮಹಾರಾಷ್ಟ್ರ, ಜಮ್ಮು- ಕಾಶ್ಮೀರದಲ್ಲಿ ಬ್ಯಾಂಕ್ ಮುಚ್ಚಿರುತ್ತದೆ.
* ಜೂನ್ 29, 2023: ಈದ್-ಉಲ್-ಅದಾ ಹಬ್ಬದ ಕಾರಣ ದೇಶದ ಹಲವಾರು ರಾಜ್ಯಗಳಲ್ಲಿ ಬ್ಯಾಂಕ್ ಬಂದ್ ಆಗಿರುತ್ತದೆ.
* ಜೂನ್ 30, 2023: ರಿಮಾ ಈದ್-ಉಲ್-ಅದಾ ಕಾರಣದಿಂದಾಗಿ ಮಿಜೋರಾಂ, ಒಡಿಶಾದಲ್ಲಿ ಬ್ಯಾಂಕ್ ಬಂದ್ ಆಗಿರುತ್ತದೆ.

ಕರ್ನಾಟಕದಲ್ಲಿ ಎಷ್ಟು ದಿನ ಬ್ಯಾಂಕ್ ಬಂದ್

* ಜೂನ್ 4, 2023: ಭಾನುವಾರ, ವಾರದ ರಜೆ, ದೇಶದಾದ್ಯಂತ ಬ್ಯಾಂಕ್ ರಜೆ
* ಜೂನ್ 10, 2023: ಎರಡನೇ ಶನಿವಾರ, ದೇಶದಾದ್ಯಂತ ಬ್ಯಾಂಕ್ ರಜೆ
* ಜೂನ್ 11, 2023: ಭಾನುವಾರ, ವಾರದ ರಜೆ, ದೇಶದಾದ್ಯಂತ ಬ್ಯಾಂಕ್ ರಜೆ
* ಜೂನ್ 18, 2023: ಭಾನುವಾರ, ವಾರದ ರಜೆ, ದೇಶದಾದ್ಯಂತ ಬ್ಯಾಂಕ್ ಬಂದ್
* ಜೂನ್ 24, 2023: ನಾಲ್ಕನೇ ಶನಿವಾರ, ದೇಶದಾದ್ಯಂತ ಬ್ಯಾಂಕ್ ಬಂದ್
* ಜೂನ್ 25, 2023: ಭಾನುವಾರ, ವಾರದ ರಜೆ, ದೇಶದಾದ್ಯಂತ ಬ್ಯಾಂಕ್ ಬಂದ್
* ಜೂನ್ 29, 2023: ಈದ್-ಉಲ್-ಅದಾ ಹಬ್ಬದ ಕಾರಣ ದೇಶದ ಹಲವಾರು ರಾಜ್ಯಗಳಲ್ಲಿ ಬ್ಯಾಂಕ್ ಬಂದ್ ಆಗಿರುತ್ತದೆ. ಕರ್ನಾಟಕದಲ್ಲೂ ಬ್ಯಾಂಕ್ ಬಂದ್ ಇರಲಿದೆ.