ಮತ್ತಷ್ಟು ಸೇಫ್​ ಆಗಲಿದೆ ಬ್ಯಾಂಕ್​ ಸೇಫ್ಟಿ ಲಾಕರ್‌ಗಳು, ಗ್ರಾಹಕರಿಗೆ ಗುಡ್​ ನ್ಯೂಸ್​ ಕೊಟ್ಟ ಆರ್‌ಬಿಐ

ನವದೆಹಲಿ, ಏಪ್ರಿಲ್‌ 1: ನಿಮ್ಮ ಉಳಿತಾಯದ ದುಡ್ಡು , ಒಡವೆ , ಆಸ್ತಿ ಪತ್ರ ಈ ಸಂಪತ್ತುಗಳನ್ನ ಎಷ್ಟು ಜೋಪಾನ ಮಾಡಿದ್ರು ಸಾಲೋದಿಲ್ಲ. ಯಾಕಂದ್ರೆ ಇಡೀ ಜೀವಮಾನವೆಲ್ಲಾ ಉಳಿಸಿದ ಗಳಿಸಿಕೊಂಡ ಈ ಸಂಪತ್ತುಗಳು ನಮ್ಮ ಪಾಲಿಗೆ ಅತ್ಯಮೂಲ್ಯವಾಗಿರುತ್ತದೆ ಮತ್ತು ನಮಗೆ ಯಾವುದೇ ಕಷ್ಟ ಅಂತ ಬಂದ್ರೆ, ನಮ್ಮ ಕೈ ಹಿಡಿಯೋದು ಇದೇ ಸಂಪತ್ತು, ಹಾಗಾಗಿ ನಾವು ಇದನ್ನ ಕಣ್ಣಲ್ಲಿ ಕಣ್ಣಿಟ್ಟು ಕಾಯೋದು.

ಕೆಲವರು ಈ ಎಲ್ಲಾ ಸಂಪತ್ತುಗಳನ್ನ ಮನೆಯಲ್ಲಿ ಇಟ್ಟುಕೊಳ್ಳೊದಕ್ಕೂ ಹಿಂದೆ ಮುಂದೆ ನೋಡ್ತಾರೆ. ಕಾರಣ ಕಳ್ಳ-ಕಾಕರ ಹಾವಳಿಯಿಂದ ಈ ಸಂಪತ್ತು ಕಂಡವರ ಪಾಲಾಗಿಬಿಟ್ರೆ ಅನ್ನೋ ಭಯ. ಹೀಗಾಗಿ ಹಿರಿಯ ನಾಗರೀಕರು ಅಥವಾ ಒಬ್ಬಂಟಿಯಾಗಿ ಜೀವನ ಮಾಡುವವರು ತಮ್ಮ ಸಂಪತ್ತನ್ನು ತಮ್ಮ ಬಳಿಯೇ ಇಟ್ಟುಕೊಳ್ಳೋದಿಲ್ಲ. ಬದಲಿಗೆ ಅದನ್ನ ಸೇಫ್​ ಜಾಗಗಳಲ್ಲಿ ಇಡಲು ಭಯಸುತ್ತಾರೆ.

ಅಂಥವರ ಉತ್ತಮ ಆಯ್ಕೆ ಅಂದ್ರೆ ಬ್ಯಾಂಕ್​ ನ ಸೇಫ್ಟಿ ಲಾಕರ್​ಗಳು . ಹೌದು, ನಮ್ಮ ಹಣಕಾಸಿನ ವ್ಯವಹಾರಗಳಿರಲಿ ಅಥವಾ ಹಣ ಠೇವಣಿ ಇಡೋದಾಗಿರಬಹುದು ಎಲ್ಲದಕ್ಕೂ ಬ್ಯಾಂಕ್​ ವ್ಯವಹಾರವೇ ಉತ್ತಮ ಮತ್ತು ಸುರಕ್ಷಿತ. ಹಾಗೇ ಅಪಾರ ಪ್ರಮಾಣದ ಹಣ ಅಥವಾ ಒಡವೆ, ಆಸ್ತಿ ಪತ್ರಗಳನ್ನ ಮನೆಯಲ್ಲಿ ಇಡೋದು ಸೇಫ್​ ಅಲ್ಲ ಎಂದು ಭಾವಿಸುವವರು ಈ ಬ್ಯಾಂಕ್​ ನ ಸೇಫ್ಟಿ ಲಾಕರ್​ ಗಳ ಮೊರೆಹಗ್ತಾರೆ.

ನಿಯಮ ನವೀಕರಣ ಮಾಡಿದ RBI

ಬ್ಯಾಂಕ್​ ನ ಸೇಫ್ಟಿ ಲಾಕರ್​ನಲ್ಲಿ ನೀವು ನಿಮ್ಮ ಚಿನ್ನಾಭರಣ, ಆಸ್ತಿ ಪತ್ರಗಳು, ಇತರೆ ದಾಖಲಾತಿಗಳು ಏನು ಬೇಕಾದ್ರೂ ಇಡಲು ವ್ಯವಸ್ಥೆ ಕಲ್ಪಿಸಲಾಗಿರುತ್ತೆ. ಆದ್ರೆ ನೀವು ಇಡುವ ವಸ್ತುವಿಗೆ ಬ್ಯಾಂಕ್​ ಸುರಕ್ಷತೆ ಕಲ್ಪಿಸುವುದರಿಂದ ನೀವೆ ಬ್ಯಾಂಕಿಗೆ ಇಂತಿಷ್ಟು ಹಣ ಕಟ್ಟಿ ಲಾಕರ್​ ಪಡೆದುಕೊಳ್ಳಬೇಕಾಗುತ್ತೆ. ಹೀಗೆ ಪಡೆದುಕೊಂಡ ಲಾಕರ್ ನ ಕೀ ನಿಮ್ಮ ಬಳಿಯೇ ಇರುತ್ತೆ. ಒಂದುವೇಳೆ ನೀವು ಅದನ್ನು ಕಳೆದುಕೊಂಡರೆ ಬ್ಯಾಂಕ್​ ಬಳಿ ಮತ್ತೊಂದು ಕೀ ಇರುತ್ತದೆ. ಆದ್ರೆ ಯಾವುದೇ ಕಾರಣಕ್ಕೂ ನಿಮ್ಮ ಅನುಮತಿಯಿಲ್ಲದೇ ಬ್ಯಾಂಕ್​ ಕೂಡ ನಿಮ್ಮ ಲಾಕರ್​ ನ ಓಪನ್ ಮಾಡೋದಿಲ್ಲ.

ಇಂಥ ಲಾಕರ್​ ವ್ಯವಸ್ಥೆಗಳನ್ನ ಬಳಸಿಕೊಳ್ಳಬೇಕು ಅಂದ್ರೆ ಈ ಮೊದಲಿನಿಂದಲೂ ಕೆಲವು ನಿಯಮಗಳಿವೆ, ಇದೀಗ ಆ ನಿಯಮಗಳಲ್ಲಿ ಬದಲಾವಣೆಯಾಗಿದಗದು, ನೀವೇನಾದ್ರೂ ಬ್ಯಾಂಕ್​ ಲಾಕರ್​ ಹೊಂದಿದ್ರೆ ಅಥವಾ ಹೋಮದಬೇಕು ಎಂದಿದ್ರೆ ಈ ಮಾಹಿತಿಯನ್ನ ತಪ್ಪದೇ ತಿಳಿದುಕೊಳ್ಳಿ. RBI ಈಗಾಗಲೇ ಎಲ್ಲಾ ಬ್ಯಾಂಕುಗಳಿಗೂ ಡಿಸೆಂಬರ್​ ಒಳಗಾಗಿ ಈ ನಿಯಮಗಳನ್ನ ನವೀಕರಿಸಲು ತಾಕಿತು ಮಾಡಿದೆ.

ಆ ಪ್ರಕಾರವಾಗಿ ನೀವು ಲಾಕರ್​ ಹೊಂದಿದರೆ, ಅದಕ್ಕೆ ಒಬ್ಬರನ್ನು ನಾಮಿನಿ ಮಾಡೋದು ಇನ್ಮುಂದೆ ಖಡ್ಡಾಯವಾಗಿರುತ್ತದೆ. ಎರಡನೆಯದಾಗಿ ಲಾಕರ್​ ಹೊಂದುವ ಸಂದರ್ಭದಲ್ಲಿ ಗ್ರಾಹಕರಿಂದ ಬ್ಯಾಂಕ್​ಗಳು ಛಾಪಾ ಕಾಗದದ ಮೇಲೆ ಅಗ್ರಿಮೆಂಟ್​ ಮಾಡಿಸಿಕೊಳ್ಳಬೇಕು. ಆದ್ರೆ ಅದರ ವೆ್ವನ್ನ ಗ್ರಾಹಕೆ ಮೇಲೆ ಹೇರುವಂತಿಲ್ಲ.

ಇನ್ನು ಒಂದು ವೇಳೆ ಲಾಕರ್​ನಲ್ಲಿದ್ದ ವಸ್ತು ಹಾಳಾದರೆ , ಕಳ್ಳತನವಾದ್ರೆ ಅಥವಾ ಬ್ಯಾಂಕ್​ ಸಿಬ್ಬಂದಿ ಗ್ರಾಹಕರಿಗೆ ವಂನೆ ಮಾಡಿದ್ರೆ , ಆ ಜವಾಬ್ದಾರಿಯನ್ನ ಬ್ಯಾಂಕ್​ ಹೊರಬೇಕಾಗುತ್ತದೆ. ಜೊತೆಗೆ ನಿಮ್ಮ ಲಾಕರ್​ ಓಪನ್​ ಆದಾಗ ಪ್ರತಿ ಬಾರಿಯೂ ನಿಮ್ಮ ರಿಜಿಸ್ಟರ್ಡ್​ ಮೊಬೈಲ್​ ಸಂಖ್ಯೆಗೆ ಮೆಸೇಜ್​ ಬರುವ ರೀತಿ ಸರಕ್ಷತೆ ಒದಗಿಸಲಾಗುತ್ತದೆ. ಅಲ್ಲಿಗೆ ನವೀಕರಣಗೊಳ್ಳುತ್ತಿರುವ ಈ ಹೊಸ ನಿಯಮಗಳ ಮೂಲಕ ಬ್ಯಾಂಕ್​ ಲಾಕರ್​ ಗಳ ಸೇಫ್ಟಿಯನ್ನ ಇನ್ನಷ್ಟು ಹೆಚ್ಚಿಸಲು RBI ಮುಂದಾಗಿದೆ.