For Quick Alerts
ALLOW NOTIFICATIONS  
For Daily Alerts

1.29 ಲಕ್ಷ ಕೋಟಿ ಸಾಲ ಮನ್ನಾ ಮಾಡಿದ ಕೆನರಾ, ಹೆಸರು ಹಂಚಿಕೊಳ್ಳಲು ನಕಾರ!

|

ದೇಶದ ನಾಲ್ಕನೇ ಅತಿದೊಡ್ಡ ಸಾರ್ವಜನಿಕ ವಲಯದ ಬ್ಯಾಂಕ್ ಆದ ಕೆನರಾ ಬ್ಯಾಂಕ್ ಸುಮಾರು 100 ಕೋಟಿ ರೂಪಾಯಿ ಮತ್ತು ಅದಕ್ಕಿಂತ ಅಧಿಕ ಸಾಲವನ್ನು ಪಡೆದು ಅದನ್ನು ಮರುಪಾವತಿ ಮಾಡದವರಿಗೆ ಸಾಲ ಮನ್ನಾ ಮಾಡುವುದನ್ನು ಮುಂದುವರಿಸಿದೆ. ಕಳೆದ 11 ವರ್ಷದಲ್ಲಿ 1.29 ಲಕ್ಷ ಕೋಟಿ ರೂಪಾಯಿ ಸಾಲ ಮನ್ನಾ ಮಾಡಿದೆ. ಆದರೆ ಹೆಸರನ್ನು ಬಹಿರಂಗ ಮಾಡಲು ಮಾತ್ರ ಬ್ಯಾಂಕ್ ನಿರಾಕರಿಸಿದೆ.

 

ಮಾಹಿತಿ ಹಕ್ಕು ಕಾಯ್ದೆ (ಆರ್‌ಟಿಐ) ಅಡಿಯಲ್ಲಿ ಈ ಸಾಲ ಮರುಪಾವತಿ ಮಾಡದವರ ಹೆಸರನ್ನು ಬಹಿರಂಗಪಡಿಸಲು ಬ್ಯಾಂಕ್ ನಿರಾಕರಿಸಿದ್ದು, ಮತ್ತೆ ಆರ್‌ಟಿಐ ಕಾಯ್ದೆಯ ಸೆಕ್ಷನ್ 8(1)(ಜೆ) ಅನ್ನು ತಪ್ಪಾಗಿ ಬಳಕೆ ಮಾಡುತ್ತಿದೆ. ಈ ಹಿಂದೆಯೂ ಬ್ಯಾಂಕ್ ಸಾಲ ಮರುಪಾವತಿ ಮಾಡದೆ, ಸಾಲ ಮನ್ನಾಕ್ಕೆ ಒಳಪಟ್ಟವರ ಹೆಸರನ್ನು ಬಹಿರಂಗಪಡಿಸಿಲ್ಲ.

ಪುಣೆ ಮೂಲದ ಆರ್‌ಟಿಐ ಕಾರ್ಯಕರ್ತ ವಿವೇಕ್ ವೆಲಂಕರ್ ಆರ್‌ಟಿಐ ಅಡಿಯಲ್ಲಿ ಕೆನರಾ ಬ್ಯಾಂಕ್‌ನಲ್ಲಿ ಸಾಲ ಮರುಪಾವತಿ ಬಾಕಿ ವಿವರವನ್ನು ಕೇಳಿದ್ದಾರೆ. ಈ ವೇಳೆ ಕೆನರಾ ಬ್ಯಾಂಕ್‌ ಸುಮಾರು 11 ವರ್ಷಗಳ ಅವಧಿಯಲ್ಲಿ FY11-12 ರಿಂದ FY21-22 ರವರೆಗಿನ ಅವಧಿಯಲ್ಲಿ, ಒಟ್ಟು 1,29,088 ಕೋಟಿ ರೂಪಾಯಿಯನ್ನು ಮನ್ನಾ ಮಾಡಿದೆ ಎಂದು ತಿಳಿದು ಬಂದಿದೆ.

 ಆರ್‌ಟಿಐ ಕಾರ್ಯಕರ್ತನ ಪ್ರಶ್ನೆಯೇನು?

ಆರ್‌ಟಿಐ ಕಾರ್ಯಕರ್ತನ ಪ್ರಶ್ನೆಯೇನು?

ಪುಣೆ ಮೂಲದ ಆರ್‌ಟಿಐ ಕಾರ್ಯಕರ್ತ ವಿವೇಕ್ ವೆಲಂಕರ್ "2013-14 ರಿಂದ 2021-22 ರವರೆಗೆ ಪ್ರತಿ ಹಣಕಾಸು ವರ್ಷದಲ್ಲಿ ರೂಪಾಯಿ 100 ಕೋಟಿಗಿಂತ ಹೆಚ್ಚಿನ ಸಾಲವನ್ನು ಪಡೆದವರ ಸಾಲ ಮನ್ನಾದ ಒಟ್ಟು ಮೊತ್ತದ ವಿವರ" ಕೇಳಿದ್ದಾರೆ. ಈ ದೊಡ್ಡ ಡಿಪಾಲ್ಟರ್‌ಗಳ ಬಗ್ಗೆ ಮಾಹಿತಿಯನ್ನು ಹಂಚಿಕೊಳ್ಳಲು ನಿರಾಕರಿಸಿರುವ ಕೆನರಾ ಬ್ಯಾಂಕ್ ಕ್ಷುಲ್ಲಕ ಕಾರಣವನ್ನು ನೀಡಿದೆ. ಈ ಬಗ್ಗೆ ಯಾವುದೇ ಮಾಹಿತಿಯನ್ನು ಹೊಂದಿಲ್ಲ ಎಂದು ಹೇಳಿದೆ. ಇನ್ನು ಕೆನರಾ ಬ್ಯಾಂಕ್‌ನ ಕೇಂದ್ರ ಸಾರ್ವಜನಿಕ ಮಾಹಿತಿ ಅಧಿಕಾರಿ (ಸಿಪಿಐಒ) ಒಂದು ಕೋಟಿ ಮತ್ತು ಅದಕ್ಕಿಂತ ಕಡಿಮೆ ಮೊತ್ತದ ಸಾಲಗಾರರಿಂದ ವಸೂಲಿ ಮಾಡಿದ ಮೊತ್ತದ ಮಾಹಿತಿಯನ್ನು ನೀಡುವುದನ್ನು ನಿರಾಕರಿಸಿದ್ದು ಅದಕ್ಕೂ ಇದೇ ಕಾರಣ ಹೇಳಿದ್ದಾರೆ.

 1,30,812.01 ಕೋಟಿ ರೂಪಾಯಿ ಸಾಲ ಬಾಕಿ
 

1,30,812.01 ಕೋಟಿ ರೂಪಾಯಿ ಸಾಲ ಬಾಕಿ

ಆರ್‌ಟಿಐ ಕಾಯ್ದೆಯ ಪ್ರಕಾರ ಸಿಪಿಐಒ ಈ ರೀತಿ ಕಾರಣವನ್ನು ನೀಡುವಂತಿಲ್ಲ. ಸೆಕ್ಷನ್ 8 ರ 10 ಉಪ-ವಿಭಾಗಗಳ ಅಡಿಯಲ್ಲಿ ಉಲ್ಲೇಖ ಮಾಡಲಾಗಿರುವ ನಿರ್ದಿಷ್ಟ ಕಾರಣಗಳನ್ನು ಮಾತ್ರ ನೀಡಬೇಕಾಗುತ್ತದೆ. ಖಾಸಗಿ ಹಕ್ಕನ್ನು ರಕ್ಷಿಸಲು ಸೆಕ್ಷನ್ 9 ರ ಅಡಿಯಲ್ಲಿ, ವಾಣಿಜ್ಯ ಮತ್ತು ವ್ಯಾಪಾರ ಸಂಬಂಧಿತ ವಿಚಾರ ಮೂರನೇ ವ್ಯಕ್ತಿಯಿಂದ ರಕ್ಷಿಸಲು ಸೆಕ್ಷನ್ 11 ಅನ್ನು ಬಳಕೆ ಮಾಡಲಾಗುತ್ತದೆ. ಭದ್ರತೆ ಮತ್ತು ಗುಪ್ತ ವಿಚಾರಕ್ಕೆ ಸಂಬಂಧಿಸಿ ಸೆಕ್ಷನ್ 24 ಬಳಕೆ ಮಾಡಲಾಗುತ್ತದೆ. ಇನ್ನು ವೇಲಂಕರ್ ಕೇಳಿದ ಆರ್‌ಟಿಐ ಪ್ರಶ್ನೆಗೆ ಸಿಪಿಐಒ FY11-12 ರಿಂದ FY21-22 ರವರೆಗಿನ ಮಾಹಿತಿಯನ್ನು ನೀಡಿದ್ದಾರೆ. ಇದರಿಂದಾಗಿ ಕಳೆದ 11 ವರ್ಷಗಳಿಂದ ಕೆನರಾ ಬ್ಯಾಂಕ್‌ಗೆ 1,30,812.01 ಕೋಟಿ ರೂಪಾಯಿ ಬಾಕಿ ಸಾಲಗಾರರು ಉಳಿಸಿಕೊಂಡಿದ್ದಾರೆ ಎಂದು ತಿಳಿದುಬಂದಿದೆ.

 ಸಾಮಾನ್ಯ ಜನರ ಹೆಸರು ಬಹಿರಂಗ, ಇವರದ್ದು ಯಾಕಿಲ್ಲ?

ಸಾಮಾನ್ಯ ಜನರ ಹೆಸರು ಬಹಿರಂಗ, ಇವರದ್ದು ಯಾಕಿಲ್ಲ?

"ಸಾಮಾನ್ಯ ಜನರು ಸಾಲ ಮರುಪಾವತಿ ಮಾಡುವುದು ಬಾಕಿಯಾಗಿದ್ದರೆ ಬ್ಯಾಂಕ್‌ಗಳು ಪತ್ರಿಕೆಗಳಲ್ಲಿ ಜಾಹೀರಾತುಗಳ ಮೂಲಕ ಸಾಲ ಪಡೆದವರ ಹೆಸರು, ವಿಳಾಸ, ವಿವರ ಎಲ್ಲವನ್ನು ಪ್ರಕಟ ಮಾಡುತ್ತದೆ. ಆದರೆ ದೊಡ್ಡ ಮೊತ್ತವನ್ನು ಸಾಲ ಪಡೆದು ಅದನ್ನು ಮರುಪಾವತಿ ಮಾಡದವರ ಹೆಸರನ್ನು ಮಾತ್ರ ಬಹಿರಂಗಪಡಿಸುವುದಿಲ್ಲ. ಇವರ ವಿಚಾರಕ್ಕೆ ಬಂದಾಗ ಗೌಪ್ಯತೆಯ ಪ್ರಶ್ನೆ ಬರುತ್ತದೆ. ಆದರೆ ಸಾಮಾನ್ಯ ಸಾಲಗಾರರ ಹೆಸರನ್ನು ಪ್ರಕಟ ಮಾಡುವಾಗ ಮಾತ್ರ ಯಾಕೆ ಗೌಪ್ಯತೆಯ ವಿಚಾರ ಬರುವುದಿಲ್ಲ," ಎಂದು ಆರ್‌ಟಿಐ ಕಾರ್ಯಕರ್ತ ವಿವೇಕ್ ವೆಲಂಕರ್ ಹೇಳಿದ್ದಾರೆ.

 ಬ್ಯಾಂಕ್ ನೀಡಿದ ಕಾರಣವೇನು?

ಬ್ಯಾಂಕ್ ನೀಡಿದ ಕಾರಣವೇನು?

ಕೆನರಾ ಬ್ಯಾಂಕಿನ ಸಿಪಿಐಒ ತನ್ನ ಉತ್ತರದಲ್ಲಿ, "ಮಾಹಿತಿಯು ಸಾಲಗಾರರ ವೈಯಕ್ತಿಕ ಮಾಹಿತಿಯಾಗಿದೆ. ಅದರ ಬಹಿರಂಗಪಡಿಸುವಿಕೆಯು ಸಂಬಂಧಪಟ್ಟವರ ಗೌಪ್ಯತೆಗೆ ಅನಗತ್ಯವಾಗಿ ಆಕ್ರಮಣವನ್ನು ಉಂಟುಮಾಡುತ್ತದೆ. ಆರ್‌ಟಿಐ ಕಾಯ್ದೆಯ ಸೆಕ್ಷನ್ 8(1)(j) ಅಡಿಯಲ್ಲಿ ಈ ಮಾಹಿತಿ ಬಹಿರಂಗಪಡಿಸುವುದರಿಂದ ವಿನಾಯಿತಿ ನೀಡಲಾಗಿದೆ.

English summary

Canara Bank Writes Off Rs1.29 Lakh Crore Bad Loans of Big Defaulters, Refuses To Share Names

Canara Bank Writes Off Rs1.29 Lakh Crore Bad Loans of Big Defaulters in 11 Years; Refuses To Share Names, Again!.
Company Search
COVID-19
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X