Post Office Scheme: ದಿನಕ್ಕೆ 25 ರೂಪಾಯಿ ಹೂಡಿಕೆ ಮಾಡಿ 17 ಲಕ್ಷ ರೂಪಾಯಿ ಪಡೆಯುವುದು ಹೇಗೆ?

ಅಂಚೆ ಕಛೇರಿಯ ಎಲ್ಲಾ ಯೋಜನೆಗಳು ಅತ್ಯಂತ ಅಗ್ಗದ ಮತ್ತು ಹೆಚ್ಚು ಲಾಭದಾಯಕವಾಗಿವೆ. ನೀವು ಕನ್ವರ್ಟಿಬಲ್ ವಿಮಾ ಪಾಲಿಸಿಯ ಹುಡುಕಾಟದಲ್ಲಿದ್ದರೆ, ಗ್ರಾಮೀಣ ಅಂಚೆ ಜೀವ ವಿಮೆ (ಆರ್‌ಪಿಎಲ್‌ಐ) ನಿಮಗೆ ಗ್ರಾಮ ಸುವಿಧಾ ಯೋಜನೆಯನ್ನು ನೀಡುತ್ತಿದೆ.

ಗ್ರಾಮೀಣ ಜನರು ಮಾತ್ರ ಈ ಯೋಜನೆಯ ಲಾಭ ಪಡೆಯಲಿದ್ದಾರೆ. ಕನಿಷ್ಠ 19 ವರ್ಷ ವಯಸ್ಸಿನವರು, ಗರಿಷ್ಠ 45 ವರ್ಷದವರು ಈ ಯೋಜನೆಯ ಪ್ರಯೋಜನ ಪಡೆಯಬಹುದು. ಐದು ವರ್ಷಗಳ ನಂತರ ಇದನ್ನು ಎಂಡೋಮೆಂಟ್ ಯೋಜನೆಯಾಗಿ ಪರಿವರ್ತಿಸಬಹುದು.

ಹೀಗೆ ಮಾಡದಿದ್ದರೆ, ಆರನೇ ವರ್ಷದ ನಂತರ ಇದು ಸಂಪೂರ್ಣ ಜೀವ ಖಾತ್ರಿ ಯೋಜನೆಯಂತೆ ಕೆಲಸ ಮಾಡುತ್ತದೆ. ಅಂಚೆ ಕಚೇರಿಯ ಈ ಯೋಜನೆ ಬಗ್ಗೆ ಇಲ್ಲಿದೆ ಅಧಿಕ ಮಾಹಿತಿ ಮುಂದೆ ಓದಿ....

ಯೋಜನೆಗಳನ್ನು ಬದಲಾಯಿಸುವ ಅವಕಾಶ

ಎಂಡೋಮೆಂಟ್ ಯೋಜನೆಗಳು ವಿಮಾ ರಕ್ಷಣೆಯ ಜೊತೆಗೆ ಹೂಡಿಕೆಯ ಸಾಂಪ್ರದಾಯಿಕ ಮಾರ್ಗವಾಗಿದೆ. ಪಾಲಿಸಿಯು ಮೆಚ್ಯೂರ್ ಆದಾಗ, ಪಾಲಿಸಿದಾರರು ಮುಕ್ತಾಯದಲ್ಲಿ ಲಾಭವನ್ನು ಪಡೆಯಲು ಸಾಧ್ಯವಿದೆ.

ಪಾಲಿಸಿಯ ಅವಧಿಯಲ್ಲಿ ಪಾಲಿಸಿದಾರರು ಮರಣಹೊಂದಿದರೆ, ನಾಮಿನಿ ಪ್ರಯೋಜನವನ್ನು ಪಡೆಯುತ್ತಾನೆ. ಮತ್ತೊಂದೆಡೆ, ಹೋಲ್ ಲೈಫ್ ಅಶ್ಯೂರೆನ್ಸ್‌ನಲ್ಲಿ, ಪಾಲಿಸಿದಾರರು ತನ್ನ ಸಂಪೂರ್ಣ ಜೀವನಕ್ಕೆ ವಿಮೆ ಮಾಡುತ್ತಾನೆ.

ಇಂಡಿಯಾ ಪೋಸ್ಟ್‌ನ ವೆಬ್‌ಸೈಟ್‌ನಲ್ಲಿ ಲಭ್ಯವಿರುವ ಮಾಹಿತಿಯ ಪ್ರಕಾರ, ಪಾಲಿಸಿದಾರರು ಮರಣ ಹೊಂದಿದಾಗ, ನಾಮಿನಿಯು ವಿಮಾ ಮೊತ್ತ ಮತ್ತು ಬೋನಸ್‌ನ ಸಂಪೂರ್ಣ ಪ್ರಯೋಜನವನ್ನು ಪಡೆಯುತ್ತಾನೆ.

ಇದರ ಕನಿಷ್ಠ ವಿಮಾ ಮೊತ್ತವು 10 ಸಾವಿರ ಮತ್ತು ಗರಿಷ್ಠ 10 ಲಕ್ಷ ರೂಪಾಯಿ ಆಗಿದೆ. ನಾಲ್ಕು ವರ್ಷಗಳ ನಂತರ ಸಾಲ ಸೌಲಭ್ಯವೂ ದೊರೆಯುತ್ತದೆ. ಮೂರು ವರ್ಷಗಳ ನಂತರ ಪಾಲಿಸಿಯನ್ನು ಸರೆಂಡರ್ ಮಾಡಬಹುದು.

ನೀವು ಐದು ವರ್ಷಗಳ ಮೊದಲು ಪಾಲಿಸಿಯನ್ನು ಸೆರೆಂಡರ್ ಮಾಡಿದರೆ, ನೀವು ಬೋನಸ್ ಪ್ರಯೋಜನವನ್ನು ಪಡೆಯುವುದಿಲ್ಲ. ಈ ಯೋಜನೆಯ ಪಾಲಿಸಿ ಅವಧಿಯು 60 ವರ್ಷಗಳವರೆಗೆ ಇರಬಹುದು.

50-60 ವರ್ಷಗಳ ನಡುವಿನ ಪಾಲಿಸಿ ಅವಧಿ

ಭಾರತದ ಪೋಸ್ಟಲ್ ಮೊಬೈಲ್ ಅಪ್ಲಿಕೇಶನ್‌ನಲ್ಲಿ ಲಭ್ಯವಿರುವ ಮಾಹಿತಿಯ ಪ್ರಕಾರ, ಒಬ್ಬ ವ್ಯಕ್ತಿ 20 ವರ್ಷ ವಯಸ್ಸಿನವನು ಎಂದು ಭಾವಿಸೋಣ, ಆರ್‌ಪಿಎಲ್‌ಐ ಅಡಿಯಲ್ಲಿ ಸಂಪೂರ್ಣ ಜೀವ ವಿಮೆ ಪಡೆಯುತ್ತಾನೆ ಎಂದು ಭಾವಿಸೋಣ. ಅಂದರೆ ಐದು ಲಕ್ಷ ರೂಪಾಯಿ ವಿಮೆಯನ್ನು ಖರೀದಿಸಿದ್ದಾನೆ ಎಂದು ಅರ್ಥ.

ಅಪ್ಲಿಕೇಶನ್‌ನಲ್ಲಿ ಲಭ್ಯವಿರುವ ಮಾಹಿತಿಯ ಪ್ರಕಾರ, ಆ ವ್ಯಕ್ತಿ ಕನಿಷ್ಠ 30 ವರ್ಷಗಳ ಪಾಲಿಸಿ ಅವಧಿಯನ್ನು ತೆಗೆದುಕೊಳ್ಳಬಹುದು. ಅದು ಈ ವ್ಯಕ್ತಿಗೆ 50 ವರ್ಷವಾದಾಗ ಮೆಚ್ಯೂರ್ ಆಗುತ್ತದೆ. ನಿವೃತ್ತಿಯ ವಯಸ್ಸಿನಲ್ಲಿ ಅಂದರೆ 60 ವರ್ಷಗಳಲ್ಲಿ ಮೆಚ್ಯೂರ್ ಆಗಲು ಬಯಸಿದರೆ, ನಂತರ ಪಾಲಿಸಿ ಅವಧಿಯು 40 ವರ್ಷಗಳು ಆಗಿರುತ್ತದೆ.

60 ರೂಪಾಯಿ ವಾರ್ಷಿಕ ಬೋನಸ್

ಈ ವರ್ಷ, ಪ್ರತಿ 1000 ರೂಪಾಯಿ ವಿಮಾ ಮೊತ್ತದ ಮೇಲೆ 60 ರೂಪಾಯಿ ವಾರ್ಷಿಕ ಬೋನಸ್ ಅನ್ನು ನೀಡಲಾಗಿದೆ. ಅಂದರೆ ವಾರ್ಷಿಕ ಬೋನಸ್ 30,000 ರೂಪಾಯಿ ಆಗಿದೆ. ವ್ಯಕ್ತಿ 40 ವರ್ಷಗಳ ಪ್ರೀಮಿಯಂ ಅವಧಿಯನ್ನು ಆಯ್ಕೆ ಮಾಡಿದ್ದಾನೆ ಎಂದು ಭಾವಿಸೋಣ. ಆದ್ದರಿಂದ ಪ್ರಸ್ತುತ ದರದ ಆಧಾರದ ಮೇಲೆ ಒಟ್ಟು ಬೋನಸ್ 12000 ಲಕ್ಷ ರೂಪಾಯಿ ಆಗುತ್ತದೆ. ಮಾಸಿಕ ಪ್ರೀಮಿಯಂ 725 ರೂಪಾಯಿ ಆಗಿರುತ್ತದೆ. ತೆರಿಗೆ ಸೇರಿದಾಗ 732 ರೂಪಾಯಿ, ಪ್ರತಿ ದಿನಕ್ಕೆ 25 ರೂಪಾಯಿ ಪ್ರೀಮಿಯಂ ಮೊತ್ತವಾಗಿದೆ.

17 ಲಕ್ಷ ರೂಪಾಯಿ ಪಡೆಯುವುದು ಹೇಗೆ?

ಮೆಚ್ಯೂರಿಟಿ ಮೊತ್ತದ ಕುರಿತು ನಾವು ಮಾತನಾಡುವುದಾದರೆ, ಬೋನಸ್‌ನ ಒಟ್ಟು ಮೊತ್ತ 12 ಲಕ್ಷ ರೂಪಾಯಿ ಮತ್ತು ವಿಮಾ ಮೊತ್ತ 5 ಲಕ್ಷ ರೂಪಾಯಿ ಆಗಿದೆ. ಈ ಮೂಲಕ ಒಟ್ಟು ಮೊತ್ತ 17 ಲಕ್ಷ ರೂಪಾಯಿ ಆಗಿದೆ.

20 ವರ್ಷ ವಯಸ್ಸಿನ ವ್ಯಕ್ತಿಯೊಬ್ಬರು 60 ವರ್ಷಗಳಲ್ಲಿ ಮೆಚ್ಯೂರಿಟಿ ಇರುವ ಪೋಸ್ಟ್ ಆಫೀಸ್‌ನ ಆರ್‌ಪಿಎಲ್‌ಐ ಯೋಜನೆಯಡಿ ಕನ್ವರ್ಟಿಬಲ್ ಫುಲ್ ಲೈಫ್ ಅಶ್ಯೂರೆನ್ಸ್ ಪಾಲಿಸಿಯಲ್ಲಿ 5 ಲಕ್ಷ ರೂಪಾಯಿ ವಿಮಾ ಮೊತ್ತವನ್ನು ಖರೀದಿಸಿದರೆ, ದೈನಂದಿನ ಪ್ರೀಮಿಯಂ 25 ರೂಪಾಯಿ ಮತ್ತು ಮೆಚ್ಯೂರಿಟಿ ಲಾಭವು 17 ಲಕ್ಷ ರೂಪಾಯಿ ಆಗಿದೆ.