ದೇಶದಲ್ಲಿ ತಿಂಗಳಿಡೀ ಚಿನ್ನ ಬೆಲೆ ದುರ್ಬಲ ಸಾಧ್ಯತೆ: ಹೂಡಿಕೆದಾರರಿಗೆ ಖರೀದಿಗೆ ಸದವಕಾಶ

ಆಗಸ್ಟ್ ತಿಂಗಳಲ್ಲಿ ಕಳೆದ 4-ತಿಂಗಳಲ್ಲಿ ಭಾರತದಲ್ಲಿಯೇ ಅತ್ಯಂತ ಕಡಿಮೆ ಚಿನ್ನದ ಬೆಲೆ ಇದೆ. ಇದು ಶೀಘ್ರ ಅವಧಿಯಲ್ಲಿ ಅಮೂಲ್ಯವಾದ ಲೋಹದ ಚಲನೆಗೆ ಸಂಬಂಧಿಸಿದ ಕೆಲವು ಪ್ರಶ್ನೆಗಳಿಗೆ ಕಾರಣವಾಗಿದೆ. ಆಗಸ್ಟ್‌ ತಿಂಗಳು ಪೂರ್ತಿ ಚಿನ್ನದ ಬೆಲೆ ಕಡಿಮೆಯಾಗಿರಲಿದೆ ಎಂದು ಊಹಿಸಲಾಗಿದೆ. ಈ ನಿಟ್ಟಿನಲ್ಲಿ ದೀರ್ಘಾವಧಿಯಲ್ಲಿ ಹೂಡಿಕೆದಾರರು ಚಿನ್ನವನ್ನು ಖರೀದಿ ಮಾಡುವುದು ಸುರಕ್ಷಿತವಾಗಿದೆ ಪರಿಗಣಿಸಲಾಗಿದೆ.

ಕಳೆದ ವರ್ಷ ಚಿನ್ನದ ಹೂಡಿಕೆದಾರರಿಗೆ ಕೊರೊನಾ ಸಂದರ್ಭವೂ ವರದಾನವಾಯಿತು. ಏಕೆಂದರೆ ಅಮೂಲ್ಯವಾದ ಲೋಹವಾದ ಚಿನ್ನದ ಬೆಲೆಯು ಕೋವಿಡ್ ಸಂದರ್ಭ ಏಕಾಏಕಿ ಹೆಚ್ಚಳವಾಯಿತು. ಹಾಗಾಗಿ ಹೂಡಿಕೆದಾರರು ಅಪಾಯದಿಂದ ವಿಮುಖರಾದರು. ಆದರೆ ಈಗ ಬೆಲೆಗಳು ಮತ್ತೆ ಕಡಿಮೆಯಾಗುತ್ತಿವೆ, ಇದು ಹೂಡಿಕೆದಾರರಿಗೆ ಚಿನ್ನಕ್ಕೆ ಹಣ ಹೂಡಿಕೆ ಮಾಡಬಹುದು ಎಂಬ ಭರವಸೆಯನ್ನು ನೀಡುತ್ತಿದೆ.

ಭಾರತದಲ್ಲಿ ಚಿನ್ನದ ಬೆಲೆಗಳು ನಿನ್ನೆ ಆಗಸ್ಟ್ 11 ರಂದು ಸ್ಥಿರವಾಗಿದ್ದು ರೂ. 22 ಕ್ಯಾರೆಟ್ ಚಿನ್ನಕ್ಕೆ 4528 ಮತ್ತು ರೂ. 24 ಕ್ಯಾರೆಟ್ ಚಿನ್ನಕ್ಕೆ 4628 ಇದೆ. ಹೆಚ್ಚಿನ ಚಿನ್ನದ ಆಭರಣಗಳನ್ನು 22 ಕ್ಯಾರೆಟ್ ಚಿನ್ನದಿಂದ ತಯಾರಿಸಲಾಗುತ್ತದೆ. 22 ಕ್ಯಾರೆಟ್ ಚಿನ್ನ ಉತ್ತಮ ಬಾಳಿಕೆ ಬರುತ್ತದೆ ಎಂಬ ಕಾರಣದಿಂದಾಗಿ 22 ಕ್ಯಾರೆಟ್ ಚಿನ್ನದಿಂದ ತಯಾರಿಸಲಾಗುತ್ತದೆ. ಆ ಬೆಲೆಯ ಜೊತೆಗೆ, ಚಿನ್ನದ ಆಭರಣಗಳು ಮೇಕಿಂಗ್ ಶುಲ್ಕಗಳು ಮತ್ತು ಜಿಎಸ್‌ಟಿ ಅನ್ನು ಒಳಗೊಂಡಿರುತ್ತವೆ.

ಭಾರತದಲ್ಲಿ ಚಿನ್ನದ ಬೆಲೆಯ ಏರಿಳಿತ ಪಟ್ಟಿ

ಭಾರತದಲ್ಲಿ, ಈ ವರ್ಷ ಜುಲೈ 31 ರಿಂದ ದಿನನಿತ್ಯ ಚಿನ್ನದ ಬೆಲೆಗಳು ಕುಸಿಯಲಾರಂಭಿಸಿದವು. ಆಗಸ್ಟ್ ತಿಂಗಳಿನಲ್ಲಿ ಚಿನ್ನದ ಬೆಲೆಗಳಲ್ಲಿ ನಿರಂತರ ಕುಸಿತ ಕಂಡಿದೆ. ಆಗಸ್ಟ್ 5 ರಂದು ಮಾತ್ರ ಬೆಲೆಗಳು 10 ಗ್ರಾಂ ಚಿನ್ನಕ್ಕೆ ಮುಂಚಿನ ದಿನಕ್ಕಿಂತ ಕೇವಲ 20 ರೂಪಾಯಿ ಹೆಚ್ಚಳ ಕಂಡು ಬಂದಿದೆ. ಆಗಸ್ಟ್ 5 ರ ಹೊರತಾಗಿ ಉಳಿದೆಲ್ಲಾ ದಿನಗಳಲ್ಲು ಚಿನ್ನದ ಬೆಲೆಗಳು ತೀವ್ರವಾಗಿ ಇಳಿಕೆ ಕಂಡಿದೆ. ಚಿನ್ನದ ದರವು ಆಗಸ್ಟ್‌ ತಿಂಗಳು ಪೂರ್ತಿ ದುರ್ಬಲವಾಗಿರುವ ನಿರೀಕ್ಷೆಯಿದೆ.

ಬೆಂಗಳೂರಿನಲ್ಲಿ 22 ಕ್ಯಾರೆಟ್ ಚಿನ್ನದ ಬೆಲೆ ರೂ. 43,350, ಮುಂಬೈನಲ್ಲಿ ಇದು ರೂ. 45280 ಬೆಲೆ ಇದ್ದರೆ, ಕೋಲ್ಕತ್ತಾದಲ್ಲಿ, ಅತ್ಯಧಿಕ ಬೆಲೆ ಆಗಿದೆ. ಅಂದರೆ ಕೋಲ್ಲತ್ತಾದಲ್ಲಿ ಚಿನ್ನದ ಬೆಲೆ ರೂ. 45700 ಆಗಿದೆ ಮತ್ತು ದೆಹಲಿಯಲ್ಲಿ ಚಿನ್ನದ ಬೆಲೆ ಇದು ರೂ. 45500 ಕ್ಕೆ ಇಳಿದಿದೆ. ಆಗಸ್ಟ್ 7 ರಂದು ಬಹುತೇಕ ನಗರಗಳಲ್ಲಿ ಚಿನ್ನದ ಬೆಲೆ ಸುಮಾರು10 ಗ್ರಾಂಗೆ ರೂ. 1000 ದಷ್ಟು ಇಳಿಕೆ ಕಂಡಿದೆ. ಅಂದಿನಿಂದ ಚಿನ್ನದ ದರಗಳು ಏರಿಕೆಯಾಗುವ ಯಾವುದೇ ಸುಳಿವು ಕೂಡಾ ದೊರೆತಿಲ್ಲ. ನಿರಂತರವಾಗಿ ಇಳಿಕೆ ಕಂಡು ಬರುತ್ತಿದೆ. ಜುಲೈ 30 ಮತ್ತು 31 ರಂದು, ಬೆಲೆಗಳು ಇತ್ತೀಚಿನ ದಿನಗಳಲ್ಲಿ ತೀವ್ರ ಏರಿಕೆ ಕಂಡಿದ್ದವು. ಅಂದರೆ 10 ಗ್ರಾಂ 22 ಕ್ಯಾರೆಟ್ ಚಿನ್ನಕ್ಕೆ 47380 ರೂ. ಆಗಿದ್ದವು.

ಚಿನ್ನದ ದರ ಏಕೆ ಕೆಳಗಿಳಿದಿದೆ?

ದೇಶದ ಆರ್ಥಿಕತೆಯು ಉತ್ತಮ ವೇಗವನ್ನು ಪಡೆಯುತ್ತಿದೆ ಎಂದು ತೋರಿಸುವ ಉದ್ಯೋಗ ಮತ್ತು ವೇತನದ ಡೇಟಾ ಯುಎಸ್ಎಯಲ್ಲಿ ಕಾರ್ಮಿಕ ಇಲಾಖೆಯಿಂದ ಹೊರಬಂದಿದೆ. ಈ ಬೆನ್ನಲ್ಲೇ ಚಿನ್ನದ ಬೆಲೆ ಇಳಿಕೆ ಕಳೆದ ಶುಕ್ರವಾರ ಆರಂಭವಾಯಿತು. ಇದು ಯುಎಸ್ ಫೆಡ್ ರಿಸರ್ವ್ 2020 ರಲ್ಲಿ ಚಿನ್ನವನ್ನು ಹೆಚ್ಚಿನ ಮಟ್ಟಕ್ಕೆ ತಲುಪಲು ಸಹಾಯ ಮಾಡಿದ ಉತ್ತೇಜನವನ್ನು ತಗ್ಗಿಸಬಹುದು ಎಂದು ಹೂಡಿಕೆದಾರರನ್ನು ಪ್ರೇರೇಪಿಸಿತು. ಸರಕುಗಳು ಹೊಳಪು ಕಳೆದುಕೊಳ್ಳಬಹುದು ಮತ್ತು ಹೂಡಿಕೆದಾರರು ಸರ್ಕಾರದ ಬಾಂಡ್‌ಗಳಿಗೆ ಆದ್ಯತೆ ನೀಡಬಹುದು ಎಂದು ಹೂಡಿಕೆದಾರರು ಭಯಪಡಲಾರಂಭಿಸಿದರು. ಇದು ಅಂತರರಾಷ್ಟ್ರೀಯ ಚಿನ್ನದ ಬೆಲೆಗಳು ಕೆಳಮುಖವಾಗಿ ಏರಿಕೆಯಾಗಲು ಕಾರಣವಾಯಿತು, ಇದು ಭಾರತೀಯ ಚಿನ್ನದ ದರಗಳ ಮೇಲೆ ನೆಗೆಟಿವ್‌ ಪರಿಣಾಮ ಬೀರಿತು.

ಜಾಗತಿಕ ಮಾರುಕಟ್ಟೆಯಲ್ಲಿ ಚಿನ್ನದ ಬೆಲೆ ಇಳಿಕೆ

ಜಾಗತಿಕ ಮಾರುಕಟ್ಟೆಗಳಲ್ಲಿ, ಉದ್ಯೋಗದ ದತ್ತಾಂಶಕ್ಕಿಂತ ಮೊದಲು, ಚಿನ್ನವು ಔನ್ಸ್‌ಗೆ 1816 ಡಾಲರ್‌ ನಷ್ಟು ಇತ್ತು. ಆದರೆ, ಕಳೆದ 3 ಟ್ರೇಡಿಂಗ್ ಸೆಶನ್‌ಗಳಲ್ಲಿ ಈಗ ಔನ್ಸ್‌ಗೆ 1730 ಡಾಲರ್‌ಗೆ ಇಳಿಕೆ ಕಂಡಿದೆ. ಕುತೂಹಲಕಾರಿಯಾಗಿ, ಯುಎಸ್‌ನಲ್ಲಿ ಸಿಪಿಐ ಡೇಟಾವು ಇಂದು ಬರಲಿದೆ ಮತ್ತು ಇದು ಹಣದುಬ್ಬರದ ಚಿಂತೆಗಳನ್ನು ಸೂಚಿಸಿದರೆ, ಬಾಂಡ್ ಇಳುವರಿ ಹೆಚ್ಚಾಗುತ್ತದೆ ಮತ್ತು ಚಿನ್ನದ ಬೆಲೆಯನ್ನು ಮತ್ತಷ್ಟು ತಗ್ಗಲಿದೆ. ಹೀಗಾಗಿ, ಚಿನ್ನದ ಚಲನೆಯು ಹಣದುಬ್ಬರ, ಬಾಂಡ್ ಇಳುವರಿ, ಆರ್ಥಿಕ ಬೆಳವಣಿಗೆ ಮತ್ತು ಕರೆನ್ಸಿಗಳ ವಿರುದ್ಧ ಯುಎಸ್ ಡಾಲರ್ ಚಲನೆಯನ್ನು ಅವಲಂಬಿಸಿರುತ್ತದೆ.

ಚಿನ್ನದ ಮೇಲೆ ಹೂಡಿಕೆಗೆ ಉತ್ತಮ ಅವಕಾಶ

ಚಿನ್ನದ ದರವು ಇಳಿಯುವುದು ಯಾವಾಗಲೂ ಹೂಡಿಕೆದಾರರಿಗೆ ಹಳದಿ ಲೋಹದಲ್ಲಿ ಹೆಚ್ಚಿನ ಹಣವನ್ನು ಹೂಡಿಕೆ ಮಾಡಲು ನೆಲವನ್ನು ಸೃಷ್ಟಿಸುತ್ತದೆ. ಹೆಚ್ಚುವರಿಯಾಗಿ, ಇತ್ತೀಚೆಗೆ ಬಿಡುಗಡೆ ಮಾಡಿದ ಸವರನ್ ಗೋಲ್ಡ್ ಬಾಂಡ್‌ ಯೋಜನೆಯ ಮೂಲಕ ಆರ್‌ಬಿಐ ಕೂಡ ಕಡಿಮೆ ಬೆಲೆಯಲ್ಲಿ ಈಗ ಚಿನ್ನದ ಮೇಲೆ ಹೂಡಿಕೆ ಮಾಡಲು ಮತ್ತೊಂದು ಅವಕಾಶವನ್ನು ನೀಡುತ್ತಿದೆ. ಇನ್ನು ಮುಂದೆ ಯಾವುದೇ ಆರ್ಥಿಕ ಅಭಿವೃದ್ಧಿಯು ಭಾರತದಲ್ಲಿ ಆಗಸ್ಟ್‌ನಲ್ಲಿ ಚಿನ್ನದ ಬೆಲೆಯನ್ನು ಕಡಿಮೆ ಮಾಡಲು ಸಾಧ್ಯವಿಲ್ಲ.