Post Office Popular scheme: ಈ ಅಂಚೆ ಕಚೇರಿ ಯೋಜನೆಯಿಂದ ಮಾಸಿಕ 9,000 ರೂಪಾಯಿ ಪಡೆಯಿರಿ, ಹೇಗೆ?

ಪ್ರತಿಯೊಬ್ಬರೂ ತಮ್ಮ ಗಳಿಕೆಯ ಒಂದು ಭಾಗವನ್ನು ಉಳಿತಾಯ ಮಾಡುತ್ತಾರೆ, ಅದು ಅತೀ ಮುಖ್ಯ ಕೂಡಾ ಹೌದು. ನೀವು ಕೂಡಾ ನಿಮ್ಮ ಹಣವನ್ನು ಹೂಡಿಕೆ ಮಾಡಲು ಬಯಸಿದರೆ, ಭವಿಷ್ಯದಲ್ಲಿ ಅಧಿಕ ಮೊತ್ತ ಸಂಗ್ರಹಿಸಲು ಬಯಸಿದರೆ, ಅದಕ್ಕೆ ಉತ್ತಮವಾದ ಆಯ್ಕೆಗಳು ನಿಮಗಿದೆ. ಹಾಗೆಯೇ ಸುರಕ್ಷಿತ ಕೂಡಾ ಹೌದು.

ಈ ನಿಟ್ಟಿನಲ್ಲಿ ಅಂಚೆ ಕಚೇರಿ ಉಳಿತಾಯ ಯೋಜನೆ ಬಹಳ ಜನಪ್ರಿಯವಾಗಿದೆ. ಅಂಚೆ ಕಚೇರಿಯ ಮಾಸಿಕ ಆದಾಯ ಯೋಜನೆಯಲ್ಲಿ ನೀವು ಹೂಡಿಕೆ ಮಾಡುವ ಮೂಲಕ ನೀವು ಪ್ರತಿ ತಿಂಗಳು 9,000 ರೂಪಾಯಿಗಳ ಆದಾಯವನ್ನು ಗಳಿಸಲು ಸಾಧ್ಯವಾಗುತ್ತದೆ. ಈ ಬಗ್ಗೆ ಇಲ್ಲಿದೆ ಅಧಿಕ ಮಾಹಿತಿ ಮುಂದೆ ಓದಿ....

ಸುರಕ್ಷಿತ ಹೂಡಿಕೆಗೆ ಉತ್ತಮ ಆಯ್ಕೆ

ಸುರಕ್ಷಿತ ಹೂಡಿಕೆಯ ವಿಷಯದಲ್ಲಿ, ಅಂಚೆ ಕಚೇರಿ ಉಳಿತಾಯ ಯೋಜನೆಗಳು ಭಾರತದಲ್ಲಿ ಬಹಳ ಜನಪ್ರಿಯವಾಗಿವೆ. ಈ ಯೋಜನೆಗಳು ಎಲ್ಲಾ ವಯೋಮಾನದವರಿಗೂ ಲಭ್ಯವಿವೆ. ಅಂದರೆ ಮಕ್ಕಳಿಂದ ವೃದ್ಧರವರೆಗೆ ಈ ಯೋಜನೆಗಳನ್ನು ಪಡೆಯಬಹುದು. ಬಡ್ಡಿದರದ ವಿಷಯಕ್ಕೆ ಬಂದಾಗ ಈ ಯೋಜನೆಯು ಇತರ ಯೋಜನೆಗಳಿಗಿಂತ ಕಡಿಮೆ ಏನಿಲ್ಲ.

ಈ ಲೇಖನದಲ್ಲಿ ನಾವು ಅಂಚೆ ಕಚೇರಿ ಮಾಸಿಕ ಆದಾಯ ಯೋಜನೆಯ ಬಗ್ಗೆ ಮಾಹಿತಿ ನೀಡಿದ್ದೇವೆ. ಈ ಯೋಜನೆಯಲ್ಲಿ ಹೂಡಿಕೆ ಮಾಡಿದ ನಂತರ, ನೀವು ಪ್ರತಿ ತಿಂಗಳು ಆದಾಯವನ್ನು ಪಡೆಯಬಹುದಾಗಿದೆ. ಇದು ಸರ್ಕಾರದ ಯೋಜನೆಯಾಗಿರುವುದರಿಂದ ನಿಮ್ಮ ಹಣವೂ ಸಂಪೂರ್ಣವಾಗಿ ಸುರಕ್ಷಿತವಾಗಿರುತ್ತದೆ.

ಅಂಚೆ ಕಛೇರಿಯ ಈ ಯೋಜನೆಯಲ್ಲಿ, ಹಣವು ಸುರಕ್ಷಿತವಾಗಿ ಉಳಿಯುತ್ತದೆ. ಜೊತೆಗೆ ಬ್ಯಾಂಕ್‌ಗಳಿಗೆ ಹೋಲಿಸಿದರೆ ಬಡ್ಡಿಯೂ ಹೆಚ್ಚಾಗಿದೆ. ನೀವು ಐದು ವರ್ಷಗಳವರೆಗೆ ಹೂಡಿಕೆ ಮಾಡಲು ಬಯಸಿದರೆ ಇದು ಲಾಭದಾಯಕ ಹೂಡಿಕೆಯಾಗಿರಬಹುದು. ಅಂಚೆ ಕಚೇರಿ ಮಾಸಿಕ ಉಳಿತಾಯ ಯೋಜನೆಯಲ್ಲಿ, ನೀವು ಖಾತೆಯಲ್ಲಿ ಕನಿಷ್ಠ 1,000 ರೂಪಾಯಿ ಮತ್ತು ಗರಿಷ್ಠವಾಗಿ 9 ಲಕ್ಷ ರೂಪಾಯಿ ಹೂಡಿಕೆ ಮಾಡಬಹುದು.

ನೀವು ಜಂಟಿ ಖಾತೆಯನ್ನು ತೆರೆದರೆ, ಗರಿಷ್ಠ ಹೂಡಿಕೆಯ ಮಿತಿ 15 ಲಕ್ಷ ರೂಪಾಯಿ ಆಗಿದೆ. ಅಂದರೆ ಪತಿ ಮತ್ತು ಪತ್ನಿ ಇಬ್ಬರೂ ಜಂಟಿ ಖಾತೆಯಲ್ಲಿ 15 ಲಕ್ಷ ರೂಪಾಯಿವರೆಗೆ ಹೂಡಿಕೆ ಮಾಡಬಹುದು. ಜಂಟಿ ಖಾತೆಯಲ್ಲಿ ಗರಿಷ್ಠ ಮೂರು ಜನರು ಹೂಡಿಕೆ ಮಾಡಬಹುದು.

ನೀವು ನಿವೃತ್ತಿಯ ನಂತರ ಅಥವಾ ನಿವೃತ್ತಿಯ ಮೊದಲು ಮಾಸಿಕ ಆದಾಯವನ್ನು ವ್ಯವಸ್ಥೆ ಮಾಡಲು ಬಯಸಿದರೆ, ನಂತರ ನೀವು ಅಂಚೆ ಕಚೇರಿಯ ಈ ಯೋಜನೆಯಲ್ಲಿ ಹೂಡಿಕೆ ಮಾಡಲು ಪ್ರಾರಂಭಿಸಬಹುದು. ಸರ್ಕಾರವು ಪ್ರಸ್ತುತ ಈ ಉಳಿತಾಯ ಯೋಜನೆಯಲ್ಲಿ ವಾರ್ಷಿಕ ಶೇಕಡ 7.4 ಬಡ್ಡಿದರವನ್ನು ಪಡೆಯಬಹುದಾಗಿದೆ.

ಈ ಯೋಜನೆಯ ಅಡಿಯಲ್ಲಿ, ಹೂಡಿಕೆಯ ಮೇಲಿನ ಈ ವಾರ್ಷಿಕ ಬಡ್ಡಿಯನ್ನು 12 ತಿಂಗಳುಗಳಲ್ಲಿ ವಿತರಿಸಲಾಗುತ್ತದೆ. ನಂತರ ನೀವು ಪ್ರತಿ ತಿಂಗಳು ಈ ಮೊತ್ತವನ್ನು ಪಡೆಯುತ್ತೀರಿ. ನೀವು ಮಾಸಿಕ ಹಣವನ್ನು ಹಿಂಪಡೆಯದಿದ್ದರೆ, ಅದು ನಿಮ್ಮ ಅಂಚೆ ಕಚೇರಿಯ ಉಳಿತಾಯ ಖಾತೆಯಲ್ಲಿ ಇರುತ್ತದೆ. ಈ ಹಣವನ್ನು ಅಸಲು ಮೊತ್ತಕ್ಕೆ ಸೇರಿಸುವ ಮೂಲಕ ನೀವು ಹೆಚ್ಚಿನ ಬಡ್ಡಿಯನ್ನು ಪಡೆಯುತ್ತೀರಿ.

ಮಾಸಿಕ 9000 ರೂಪಾಯಿ ಆದಾಯ

ಈಗ ನೀವು ತಿಂಗಳಿಗೆ 9,000 ರೂಪಾಯಿಗಿಂತ ಹೆಚ್ಚು ಸಾಮಾನ್ಯ ಆದಾಯವನ್ನು ಬಯಸಿದರೆ, ನೀವು ಜಂಟಿ ಖಾತೆಯನ್ನು ತೆರೆಯಬೇಕಾಗುತ್ತದೆ. ನೀವು ಅದರಲ್ಲಿ 15 ಲಕ್ಷ ರೂಪಾಯಿ ಹೂಡಿಕೆ ಮಾಡುತ್ತೀರಿ ಎಂದಿಟ್ಟುಕೊಳ್ಳಿ, ಆಗ ನಿಮ್ಮ ವಾರ್ಷಿಕ ಬಡ್ಡಿ ದರ ಶೇಕಡ 7.4ಯಂತೆ 1.11 ಲಕ್ಷ ರೂಪಾಯಿ ಆಗಿರುತ್ತದೆ.

ಈ ಬಡ್ಡಿ ಮೊತ್ತವನ್ನು ವರ್ಷದ 12 ತಿಂಗಳುಗಳಲ್ಲಿ ಸಮಾನವಾಗಿ ವಿಂಗಡಿಸಿದರೆ, ನೀವು ಪ್ರತಿ ತಿಂಗಳು 9,250 ರೂಪಾಯಿ ಪಡೆಯಬಹುದಾಗಿದೆ. ನೀವು ಒಂದೇ ಖಾತೆಯನ್ನು ತೆರೆದರೆ, ಗರಿಷ್ಠ 9 ಲಕ್ಷ ರೂಪಾಯಿ ಹೂಡಿಕೆಯಲ್ಲಿ ವಾರ್ಷಿಕವಾಗಿ 66,600 ರೂಪಾಯಿ ಬಡ್ಡಿಯನ್ನು ಪಡೆಯಬಹುದಾಗಿದೆ. ಅಂದರೆ ಪ್ರತಿ ತಿಂಗಳು 5,550 ರೂಪಾಯಿ ಬಡ್ಡಿದರವಾಗುತ್ತದೆ.

ಈ ಖಾತೆಯನ್ನು ಎಲ್ಲಿ ತೆರೆಯಬಹುದು?

ಅಂಚೆ ಕಚೇರಿಯ ಇತರ ಉಳಿತಾಯ ಯೋಜನೆಗಳಂತೆ, ಅಂಚೆ ಕಚೇರಿ ಮಾಸಿಕ ಆದಾಯ ಯೋಜನೆಯಲ್ಲಿ ಖಾತೆಯನ್ನು ತೆರೆಯುವುದು ತುಂಬಾ ಸುಲಭ. ನಿಮ್ಮ ಹತ್ತಿರದ ಅಂಚೆ ಕಚೇರಿಗೆ ಹೋಗಿ ನೀವು ಈ ಖಾತೆಯನ್ನು ತೆರೆಯಬಹುದು. ಇದಕ್ಕಾಗಿ, ನೀವು ಕೇವಲ ಒಂದು ಫಾರ್ಮ್ ಅನ್ನು ಭರ್ತಿ ಮಾಡಬೇಕಾಗುತ್ತದೆ. ಭರ್ತಿ ಮಾಡಿದ ಫಾರ್ಮ್‌ನಿಂದ ಖಾತೆಯನ್ನು ತೆರೆಯಲು, ನೀವು ನಿಗದಿತ ಮೊತ್ತವನ್ನು ನಗದು ಅಥವಾ ಚೆಕ್‌ನಲ್ಲಿ ಡೆಪಾಸಿಟ್ ಮಾಡಬೇಕಾಗುತ್ತದೆ. ಈ ಯೋಜನೆಯಲ್ಲಿ ಖಾತೆ ತೆರೆಯಲು ಪ್ಯಾನ್ ಕಾರ್ಡ್ ಮತ್ತು ಆಧಾರ್ ಕಾರ್ಡ್ ಹೊಂದಿರುವುದು ಕಡ್ಡಾಯವಾಗಿದೆ.