Income Tax Recruitment: ಆದಾಯ ತೆರಿಗೆ ನೇಮಕಾತಿ, ಹುದ್ದೆಗಳು, ಅರ್ಜಿ ಸಲ್ಲಿಕೆ ವಿವರ

ನೀವು ಉದ್ಯೋಗದ ಹುಡುಕಾಟದಲ್ಲಿದ್ದರೆ, ನಿಮಗೆ ಸಿಹಿಸುದ್ದಿಯೊಂದು ಇಲ್ಲಿದೆ. ಮುಂಬೈನ ಆದಾಯ ತೆರಿಗೆ ಇಲಾಖೆ ಕಚೇರಿಯಾದ್ಯಂತ ಖಾಲಿ ಇರುವ ಹುದ್ದೆಗಳಿಗೆ ಆನ್‌ಲೈನ್ ಅರ್ಜಿಗಳನ್ನು ತೆರೆಯಲಾಗಿದೆ. ಅರ್ಹ ಮತ್ತು ಆಸಕ್ತ ಅಭ್ಯರ್ಥಿಗಳು ಈ ಉದ್ಯೋಗಕ್ಕಾಗಿ ಅರ್ಜಿ ಸಲ್ಲಿಸಬಹುದು.

ಅರ್ಜಿ ಸಲ್ಲಿಸಲು ನೀವು ಅಧಿಕೃತ ಆದಾಯ ತೆರಿಗೆ ಮುಂಬೈ ವೆಬ್‌ಸೈಟ್ https://incometaxmumbai.gov.in/- ಗೆ ಭೇಟಿ ನೀಡಬಹುದು. ಇಲಾಖೆಯು ಇನ್‌ಸ್ಪೆಕ್ಟರ್, ಮಲ್ಟಿ ಟಾಸ್ಕಿಂಗ್ ಸ್ಟಾಫ್ (ಎಂಟಿಎಸ್) ಮತ್ತು ಇತರ ಒಟ್ಟು 291 ಹುದ್ದೆಗಳನ್ನು ಹೊಂದಿದೆ. ಅಭ್ಯರ್ಥಿಗಳು ಆನ್‌ಲೈನ್ ಮೋಡ್‌ನಲ್ಲಿ ಜನವರಿ 19, 2024 ರ ಮೊದಲು ಈ ನೇಮಕಾತಿ ಡ್ರೈವ್‌ಗೆ ಅರ್ಜಿ ಸಲ್ಲಿಸಬೇಕು.

ಆದಾಯ ತೆರಿಗೆ ನೇಮಕಾತಿ 2023 ಅಧಿಸೂಚನೆಯನ್ನು ಡಿಸೆಂಬರ್ 22, 2023 ರಂದು ಹೊರಡಿಸಲಾಗಿದೆ. ಆದಾಯ ತೆರಿಗೆ ಮುಂಬೈ ವೆಬ್‌ಸೈಟ್ ಪ್ರಕಾರ ಅಭ್ಯರ್ಥಿಗಳು ಇನ್‌ಸ್ಪೆಕ್ಟರ್ ಅಥವಾ ಮಲ್ಟಿ ಟಾಸ್ಕಿಂಗ್ ಸ್ಟಾಫ್ (ಎಂಟಿಎಸ್) ಅಥವಾ ಕ್ಯಾಂಟೀನ್ ಅಟೆಂಡೆಂಟ್ ಹುದ್ದೆಗಳಿಗೆ ಅಥವಾ ಎಲ್ಲಾ ಹುದ್ದೆಗಳಿಗೆ ಒಂದೇ ಅರ್ಜಿಯಲ್ಲಿ ಅರ್ಜಿ ಸಲ್ಲಿಸಬಹುದು.

ಆದಾಯ ತೆರಿಗೆ ಹುದ್ದೆ ವಿವರ

* ಆದಾಯ ತೆರಿಗೆಯ ಇನ್ಸ್‌ಪೆಕ್ಟರ್ (ಐಟಿಐ): 14 ಹುದ್ದೆಗಳು, 44000-142400 ರೂಪಾಯಿ ವೇತನ, ಮಾನ್ಯತೆ ಪಡೆದ ವಿಶ್ವವಿದ್ಯಾಲಯದಿಂದ ಪದವಿ/ತತ್ಸಮಾನ ವಿದ್ಯಾರ್ಹತೆ, 18ರಿಂದ 30 ವರ್ಷ
* ಸ್ಟೆನೋಗ್ರಾಫರ್ ಗ್ರೇಡ್-II (ಸ್ಟೆನೋ): 18 ಹುದ್ದೆಗಳು, 25000-81000 ರೂಪಾಯಿ, ಮಾನ್ಯತೆ ಪಡೆದ ಮಂಡಳಿ ಅಥವಾ ವಿಶ್ವವಿದ್ಯಾಲಯದಿಂದ 12ನೇ ಅಥವಾ/ಸಮಾನ, 18 ರಿಂದ 27 ವರ್ಷ
* ತೆರಿಗೆ ಸಹಾಯಕ (ಟಿಎ): 119 ಹುದ್ದೆಗಳು, 25000-81000 ರೂಪಾಯಿ, ಮಾನ್ಯತೆ ಪಡೆದ ವಿಶ್ವವಿದ್ಯಾಲಯದಿಂದ ಪದವಿ/ತತ್ಸಮಾನ ವಿದ್ಯಾರ್ಹತೆ, 18 ರಿಂದ 27 ವರ್ಷ
* ಮಲ್ಟಿ-ಟಾಸ್ಕಿಂಗ್ ಸ್ಟಾಫ್ (ಎಂಟಿಎಸ್‌): 137 ಹುದ್ದೆಗಳು, 18000-56000 ರೂಪಾಯಿ, ಮೆಟ್ರಿಕ್ಯುಲೇಷನ್ ಅಥವಾ ತತ್ಸಮಾನ ತೇರ್ಗಡೆ, 18 ರಿಂದ 25 ವರ್ಷ
* ಕ್ಯಾಂಟೀನ್ ಅಟೆಂಡೆಂಟ್ (ಸಿಎ): 3 ಹುದ್ದೆಗಳು, 18000-56000 ರೂಪಾಯಿ, ಮೆಟ್ರಿಕ್ಯುಲೇಷನ್ ಅಥವಾ ತತ್ಸಮಾನ, 18 ರಿಂದ 25 ವರ್ಷ

ಆದಾಯ ತೆರಿಗೆ ನೇಮಕಾತಿ 2023 ಆಯ್ಕೆ ಮಾನದಂಡ

ಮೇಲಾಗಿ, ಸಿಬ್ಬಂದಿ ಮತ್ತು ತರಬೇತಿ ಇಲಾಖೆ (DoPT) ಒಎಂ ಸಂಖ್ಯೆ 14034/1/95-Estt ನಲ್ಲಿ ನಿಗದಿಪಡಿಸಿದ ಆದ್ಯತೆಯ ಕ್ರಮದ ಪ್ರಕಾರ ಈ ಉದ್ಯೋಗಾವಕಾಶಕ್ಕಾಗಿ ಕ್ರೀಡಾಪಟುಗಳನ್ನು ಆಯ್ಕೆ ಮಾಡಲಾಗುತ್ತದೆ. ದಿನಾಂಕ 04.05.1995 ಮತ್ತು 18.11.2022 ರಂದು ಒಎಂ ನಂ.1668767575965 ಮೂಲಕ ಇಲಾಖೆ ನೀಡಿದ ಸೂಚನೆಯಲ್ಲಿ ಉಲ್ಲೇಖಿಸಲಾಗಿದೆ.

ಇಲಾಖೆಯು ಆರ್ಚರಿ, ಅಥ್ಲೆಟಿಕ್ಸ್, ನೆಟ್ ಬಾಲ್, ಬ್ಯಾಡ್ಮಿಂಟನ್, ಪ್ಯಾರಾ ಸ್ಪೋರ್ಟ್ಸ್, ಬೇಸ್‌ಬಾಲ್, ಪವರ್‌ಲಿಫ್ಟಿಂಗ್, ಬಾಕ್ಸಿಂಗ್, ವೇಟ್‌ಲಿಫ್ಟಿಂಗ್, ಕುಸ್ತಿ, ಕರಾಟೆ, ಜೂಡೋ, ಶೂಟಿಂಗ್, ರೋಲರ್ ಸ್ಕೇಟಿಂಗ್ ಮತ್ತು ಖೋ-ಖೋ ಮುಂತಾದ ಆಟಗಳಲ್ಲಿ ಪ್ರತಿಭಾನ್ವಿತ ಕ್ರೀಡಾಪಟುಗಳನ್ನು ಆಹ್ವಾನಿಸಿದೆ.

ಅರ್ಜಿ ಸಲ್ಲಿಸುವುದು ಹೇಗೆ?

ಹಂತ 1: ಅಧಿಕೃತ ಆದಾಯ ತೆರಿಗೆ ಮುಂಬೈ ವೆಬ್‌ಸೈಟ್‌ಗೆ ಭೇಟಿ ನೀಡಿ
ಹಂತ 2: ಮುಖಪುಟದಲ್ಲಿ ನೇಮಕಾತಿ ಟ್ಯಾಬ್ ಮೇಲೆ ಕ್ಲಿಕ್ ಮಾಡಿ
ಹಂತ 3: ನೋಂದಣಿಯ ನಂತರ ನಿಮ್ಮ ರಿಜಿಸ್ಟ್ರೇಷನ್ ಜನರೇಟ್ ಮಾಡಲಾಗುತ್ತದೆ.
ಹಂತ 4: ಈ ರಿಜಿಸ್ಟ್ರೇಷನ್‌ಗಳನ್ನು ಬಳಸಿಕೊಂಡು ಲಾಗಿನ್ ಮಾಡಿ ಮತ್ತು ನಿಗದಿತ ಹುದ್ದೆಗೆ ಅರ್ಜಿ ಸಲ್ಲಿಸಿ
ಹಂತ 5: ಫಾರ್ಮ್ ಅನ್ನು ಭರ್ತಿ ಮಾಡಿ ಮತ್ತು ಅರ್ಜಿ ಶುಲ್ಕವನ್ನು ಪಾವತಿಸಿ
ಹಂತ 6: submit ಮೇಲೆ ಕ್ಲಿಕ್ ಮಾಡಿ ಮತ್ತು ನೋಂದಣಿ ಫಾರ್ಮ್‌ನ ಪ್ರಿಂಟ್ ಔಟ್ ತೆಗೆದುಕೊಳ್ಳಿ

ಆದಾಯ ತೆರಿಗೆ ನೇಮಕಾತಿ 2023 ಅರ್ಜಿ ಶುಲ್ಕ

ಅಭ್ಯರ್ಥಿಗಳು ಆನ್‌ಲೈನ್ ಮೋಡ್ ಮೂಲಕ ಮಾತ್ರ 200 ರೂಪಾಯಿ ಅರ್ಜಿ ಶುಲ್ಕವನ್ನು ಪಾವತಿಸಬೇಕು. ಅವರು ಅರ್ಜಿಯೊಂದಿಗೆ ಪಾವತಿಯ ಪುರಾವೆಯನ್ನು ಸಹ ಒದಗಿಸಬೇಕಾಗುತ್ತದೆ. ಅಗತ್ಯವಿರುವ ಶುಲ್ಕವನ್ನು ಪಾವತಿಸದೆ ಯಾವುದೇ ಅರ್ಜಿಗಳನ್ನು ಅಪೂರ್ಣವೆಂದು ಪರಿಗಣಿಸಲಾಗುತ್ತದೆ ಮತ್ತು ತಿರಸ್ಕರಿಸಲಾಗುತ್ತದೆ. ಯಾವುದೇ ಸಂದರ್ಭದಲ್ಲೂ ಶುಲ್ಕವನ್ನು ಮರುಪಾವತಿಸಲಾಗುವುದಿಲ್ಲ.