Post Office Scheme: ಈ ಅಂಚೆ ಕಚೇರಿ ಯೋಜನೆಯಲ್ಲಿ 5 ಲಕ್ಷ ರೂಪಾಯಿ ಲಾಭ ಪಡೆಯಿರಿ

ಹೂಡಿಕೆ ವಿಚಾರಕ್ಕೆ ಬಂದಾಗ ನಾವು ಎಂದಿಗೂ ಕೂಡಾ ಎಲ್ಲಿ ಹೂಡಿಕೆ ಮಾಡಿದರೆ ಉತ್ತಮ ರಿಟರ್ನ್ ಅನ್ನು ಪಡೆಯಲು ಸಾಧ್ಯವಾಗುತ್ತದೆ ಎಂದು ನೋಡುತ್ತೇವೆ. ಅದರ ಜೊತೆಗೆಯೇ ನಾವು ಮಾಡುವ ಹೂಡಿಕೆ ಎಷ್ಟು ಸುರಕ್ಷಿತ ಎಂದು ಕೂಡಾ ನಾವು ನೋಡುತ್ತೇವೆ. ನಾವು ಕಷ್ಟ ಪಟ್ಟುಗಳಿಸಿದ ಮೊತ್ತವನ್ನು ಹೂಡಿಕೆ ಮಾಡಿ, ಬಳಿಕ ನಷ್ಟವಾದರೆ ಏನು ಮಾಡುವುದು? ಅದಕ್ಕಾಗಿ ನೀವು ಅಪಾಯವಿಲ್ಲದ ಹೂಡಿಕೆ ಆಯ್ಕೆ ಹುಡುಕುತ್ತಿದ್ದೀರಾ?

ನೀವು ಅಪಾಯವಿಲ್ಲದ ಹೂಡಿಕೆ ಮಾಡಬೇಕಾದರೆ ಅದಕ್ಕಾಗಿ ಹಲವಾರು ಆಯ್ಕೆಗಳು ನಿಮಗೆ ಇದೆ. ಇವುಗಳಲ್ಲಿ ಅಂಚೆ ಕಚೇರಿ ಉಳಿತಾಯ ಯೋಜನೆಗಳು ಕೂಡಾ ಒಂದಾಗಿದೆ. ಅಂಚೆ ಕಛೇರಿಯಲ್ಲಿ ವಿವಿಧ ಯೋಜನೆಗಳು ಲಭ್ಯವಿದೆ. ಈ ಪೈಕಿ ನಾವಿಲ್ಲಿ ಟೈಮ್ ಡೆಪಾಸಿಟ್ ಸ್ಕೀಮ್ ಬಗ್ಗೆ ತಿಳಿದುಕೊಳ್ಳೋಣ. ಇದರಲ್ಲಿ ಹೂಡಿಕೆ ಮಾಡುವುದರಿಂದ ನಿಮ್ಮ ಹೂಡಿಕೆ ಡಬಲ್ ಆಗುತ್ತದೆ. ಹಾಗೆಯೇ ಇದಕ್ಕಾಗಿ ಬಹಳ ಸಮಯ ನಾವು ಕಾಯಬೇಕಾಗಿಲ್ಲ.

ಎಸ್‌ಬಿಐ, ಅಂಚೆ ಕಚೇರಿ ಹೂಡಿಕೆ ರಿಟರ್ನ್

ನಾವು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದಲ್ಲಿ (ಎಸ್‌ಬಿಐ) ಐದು ವರ್ಷಗಳ ಅವಧಿಯ ಫಿಕ್ಸಿಡ್ ಡೆಪಾಸಿಟ್ (ಎಫ್‌ಡಿ) ಮೇಲೆ ಹೂಡಿಕೆ ಮಾಡಿದರೆ, ನಾವು ಶೇಕಡ 6.5ರಷ್ಟು ಬಡ್ಡಿದರವನ್ನು ಪಡೆಯಲು ಸಾಧ್ಯವಾಗುತ್ತದೆ. ಆದರೆ ನೀವು ಅಂಚೆ ಕಚೇರಿಯಲ್ಲಿ ಐದು ವರ್ಷಗಳ ಎಫ್‌ಡಿ ಮೇಲೆ ಹೂಡಿಕೆ ಮಾಡಿದರೆ ಶೇಕಡ 7.5 ರಷ್ಟು ಬಡ್ಡಿದರವನ್ನು ಪಡೆಯಲು ಸಾಧ್ಯವಾಗುತ್ತದೆ.

ಹೌದು, ಅಂಚೆ ಕಚೇರಿಯಲ್ಲಿ ನೀವು ಈಗ ಇತರೆ ಬ್ಯಾಂಕ್‌ಗಳ ಯೋಜನೆಗಳಿಗಿಂತ ಅಧಿಕ ರಿಟರ್ನ್ ಅನ್ನು ಪಡೆಯಲು ಸಾಧ್ಯವಾಗುತ್ತದೆ. ಅಂಚೆ ಕಚೇರಿಯಲ್ಲಿ ಐದು ವರ್ಷದ ಎಫ್‌ಡಿ ಮೇಲೆ ಶೇಕಡ 7.5ರಷ್ಟು ಬಡ್ಡಿದರವಿದ್ದರೆ, ನೀವು ಒಂದು ವರ್ಷದ ಅವಧಿಗೆ ಅಂಚೆ ಕಚೇರಿಯಲ್ಲಿ ಎಫ್‌ಡಿ ಇರಿಸಲು ಬಯಸಿದರೆ ನೀವು ಶೇಕಡ 6.9ರಷ್ಟು ಬಡ್ಡಿದರವನ್ನು ಪಡೆಯಬಹುದು. ಅದೇ ಎರಡು ವರ್ಷದ ಅವಧಿಗೆ ಶೇಕಡ 7, ಮೂರು ವರ್ಷದ ಅವಧಿಗೆ ಶೇಕಡ 7ರಷ್ಟು ಬಡ್ಡಿದರವನ್ನು ಪಡೆಯಬಹುದಾಗಿದೆ.

ಉದಾಹರಣೆಯೊಂದಿಗೆ ನೀವು ತಿಳಿಯಿರಿ

ಉದಾಹರಣೆಗೆ ನೀವು ಅಂಚೆ ಕಚೇರಿಯ ಟೈಮ್ ಡೆಪಾಸಿಟ್‌ಗಳಲ್ಲಿ ಹಣವನ್ನು ಹೂಡಿಕೆ ಮಾಡಲು ಬಯಸಿದರೆ, ಶೇಕಡ 7.5ರಷ್ಟು ಬಡ್ಡಿದರ ಇರುತ್ತದೆ. 114 ತಿಂಗಳುಗಳಲ್ಲಿ ನೀವು ಮಾಡಿದ ಹೂಡಿಕೆಯು ದ್ವಿಗುಣಗೊಳ್ಳುತ್ತದೆ.

ಉದಾಹರಣೆಗೆ ನೀವು 5 ಲಕ್ಷ ರೂಪಾಯಿ ಹೂಡಿಕೆ ಮಾಡಲು ಬಯಸಿದರೆ, ಬಡ್ಡಿ ದರವು ಶೇಕಡ 7.5 ರಷ್ಟಿದೆ. ಮೆಚ್ಯೂರಿಟಿ ಅವಧಿ 5 ವರ್ಷಗಳು ಇದೆ. ಮೆಚ್ಯೂರಿಟಿ ಅವಧಿಯಲ್ಲಿ ನಿಮಗೆ ಈ ಹೂಡಿಕೆಯಲ್ಲಿ 7.25 ಲಕ್ಷ ರೂಪಾಯಿ ಪಡೆಯಲು ಸಾಧ್ಯವಾಗುತ್ತದೆ. ಅಂದರೆ ಬಡ್ಡಿದರದಲ್ಲಿ ನೀವು 2.25 ಲಕ್ಷ ರೂಪಾಯಿ ಲಭ್ಯವಾಗುತ್ತದೆ.

ಅದೇ ನೀವು ಹತ್ತು ಲಕ್ಷ ರೂಪಾಯಿಗಳನ್ನು ಹೂಡಿಕೆ ಮಾಡಿದರೆ, ನಿಮಗೆ ಲಾಭವಾಗಿ 5 ಲಕ್ಷ ರೂಪಾಯಿ ಲಭ್ಯವಾಗಲಿದೆ. ಈ ಯೋಜನೆಗೆ ಯಾರು ಬೇಕಾದರೂ ಹೂಡಿಕೆ ಮಾಡಲು ಅವಕಾಶವಿದೆ. ಜಂಟಿ ಖಾತೆ ಸೌಲಭ್ಯವೂ ಇದರಲ್ಲಿದೆ. ಟೈಮ್ ಡೆಪಾಸಿಟ್‌ಗಳಲ್ಲಿ ಹೂಡಿಕೆ ಮಾಡುವ ಮೂಲಕ ನೀವು ತೆರಿಗೆ ಪ್ರಯೋಜನವನ್ನು ಪಡೆಯಬಹುದು. ಈ ಪ್ರಯೋಜನವನ್ನು ಸೆಕ್ಷನ್ 80 ಸಿ ಅಡಿಯಲ್ಲಿ ಪಡೆಯಬಹುದು.

ಅಂಚೆ ಕಚೇರಿ ಟೈಮ್ ಡೆಪಾಸಿಟ್ ಯೋಜನೆಯಲ್ಲಿ ನೀವು 1000 ರೂಪಾಯಿ ಹಣವನ್ನು ಹೂಡಿಕೆ ಮಾಡಬಹುದು, ಆದರೆ ಯಾವುದೇ ಗರಿಷ್ಠ ಮಿತಿ ಅಂಚೆ ಕಚೇರಿಯಲ್ಲಿ ಇಲ್ಲ. ಬಡ್ಡಿ ಮೊತ್ತವನ್ನು ತ್ರೈಮಾಸಿಕವಾಗಿ ಲೆಕ್ಕಹಾಕಲಾಗುತ್ತದೆ. ಆದರೆ ಅದನ್ನು ವಾರ್ಷಿಕವಾಗಿ ಪಾವತಿಸಲಾಗುತ್ತದೆ. ರಿಸ್ಕ್ ಫ್ರೀ ರಿಟರ್ನ್ಸ್ ಬಯಸುವವರು ಈ ಯೋಜನೆಯಲ್ಲಿ ಹೂಡಿಕೆ ಮಾಡಬಹುದು. ನಿಮ್ಮ ಆಯ್ಕೆಯ ಅವಧಿಯನ್ನು ನೀವು ಆಯ್ಕೆ ಮಾಡಬಹುದು. ಹೂಡಿಕೆ ಮಾಡಿದ ಮೊತ್ತವನ್ನು ಆಧರಿಸಿ ನಿಮ್ಮ ಆದಾಯವು ಬದಲಾಗುತ್ತದೆ.