ಗಮನಿಸಿ ಈ ಮೂರು ದಿನ ಬ್ಯಾಂಕ್ ಬಂದ್, ಈಗಲೇ ಹಣಕಾಸು ಕಾರ್ಯ ಮುಗಿಸಿ

ಜನವರಿ ತಿಂಗಳು ಮಕರ ಸಂಕ್ರಾಂತಿ ಸೇರಿದಂತೆ ಅನೇಕ ಹಬ್ಬಗಳು ಇರಲಿದೆ. ಈ ಕಾರಣದಿಂದಾಗಿ ಜನವರಿ 13-15 ರಿಂದ ಸತತ 3 ದಿನಗಳವರೆಗೆ ಬ್ಯಾಂಕುಗಳು ಬಂದ್ ಆಗಿರುತ್ತದೆ. ಒಟ್ಟಾರೆಯಾಗಿ, ಭಾನುವಾರಗಳು ಮತ್ತು ನಾಲ್ಕನೇ ಶನಿವಾರಗಳು ಸೇರಿದಂತೆ ಜನವರಿ 2024 ರಲ್ಲಿ ಸುಮಾರು 16 ಬ್ಯಾಂಕ್ ರಜಾದಿನಗಳಿದೆ.

ಈ ಮಧ್ಯೆ, ಉತ್ತರಾಯಣ ಪುಣ್ಯಕಾಲ, ಮಕರ ಸಂಕ್ರಾಂತಿ, ಪೊಂಗಲ್ ಮತ್ತು ಮಾಘ ಬಿಹು ಮುಂತಾದ ಪ್ರಾದೇಶಿಕ ಹಬ್ಬಗಳ ಕಾರಣ ಜನವರಿ 15 ರಂದು ಹಲವಾರು ರಾಜ್ಯಗಳಲ್ಲಿ ಬ್ಯಾಂಕುಗಳು ಮುಚ್ಚಲ್ಪಡುತ್ತವೆ. ಕರ್ನಾಟಕದಲ್ಲಿ ಸತತ ಮೂರು ದಿನ ಕೂಡಾ ಬ್ಯಾಂಕ್ ಬಂದ್ ಆಗಿರುತ್ತದೆಯೇ? ಇಲ್ಲಿದೆ ವಿವರ ಮುಂದೆ ಓದಿ....

ಬ್ಯಾಂಕ್ ಗ್ರಾಹಕರು ಬ್ಯಾಂಕ್ ರಜಾದಿನಗಳ ದಿನಾಂಕಗಳನ್ನು ಪರಿಶೀಲಿಸಬೇಕು ಇದರಿಂದ ಅವರು ತಮ್ಮ ಬ್ಯಾಂಕಿಂಗ್ ವಹಿವಾಟುಗಳಿಗೆ ಸಂಬಂಧಿಸಿದ ಕೆಲಸವನ್ನು ನಿಗದಿಪಡಿಸಬಹುದು. ಜನವರಿ 2024 ರಲ್ಲಿ ಬ್ಯಾಂಕ್ ರಜಾದಿನಗಳು ರಾಜ್ಯಗಳಾದ್ಯಂತ ಬದಲಾಗುತ್ತವೆ ಎಂದು ಸಹ ಉಲ್ಲೇಖಿಸಲಾಗಿದೆ.

ಜನವರಿ 26 ರಂದು, ಗಣರಾಜ್ಯೋತ್ಸವದ ಕಾರಣ, ನಾಲ್ಕನೇ ಶನಿವಾರವಾದ ಕಾರಣ ಜನವರಿ 27ರಂದು ಮತ್ತು ಭಾನುವಾರ 28ರಂದು ಬ್ಯಾಂಕ್‌ಗಳು ಮುಚ್ಚುತ್ತದೆ. ಒಟ್ಟಾರೆಯಾಗಿ ಈ ತಿಂಗಳಿನಲ್ಲಿ ಎರಡು ಬಾರಿ ಸತತ ಮೂರು ದಿನಗಳ ಕಾಲ ಬ್ಯಾಂಕ್ ರಜೆ ಇರುತ್ತದೆ.

ಆನ್‌ಲೈನ್ ಬ್ಯಾಂಕಿಂಗ್ ವಹಿವಾಟು ಇರಲಿದೆಯೇ?

ಬ್ಯಾಂಕ್‌ಗಳು ಮುಚ್ಚಲ್ಪಟ್ಟಿದ್ದರೂ, ಆನ್‌ಲೈನ್ ಬ್ಯಾಂಕಿಂಗ್ ಚಟುವಟಿಕೆಗಳು ಮುಂದುವರಿಯುತ್ತವೆ. ಗ್ರಾಹಕರು ಎಟಿಎಂಗಳಿಂದ ಹಣವನ್ನು ಹಿಂಪಡೆಯಬಹುದು, ನಗದು ಠೇವಣಿ, ಆನ್‌ಲೈನ್ ಬ್ಯಾಂಕಿಂಗ್ ಮತ್ತು ಮೊಬೈಲ್ ಬ್ಯಾಂಕಿಂಗ್ ಮಾಡಬಹುದು.

ಆರ್‌ಬಿಐ ಹೊರಡಿಸಿರುವ ಬ್ಯಾಂಕ್ ರಜೆಯ ಕ್ಯಾಲೆಂಡರ್‌ನ ಪ್ರಕಾರ, ಉತ್ತರಾಯಣ ಪುಣ್ಯಕಾಲ, ಮಕರ ಸಂಕ್ರಾಂತಿ, ಪೊಂಗಲ್ ಮತ್ತು ಮಾಘ ಬಿಹುದ ಹಿನ್ನೆಲೆಯಲ್ಲಿ ಜನವರಿ 15 ರಂದು ಕರ್ನಾಟಕ, ಒಡಿಶಾ, ತಮಿಳುನಾಡು, ಆಂಧ್ರಪ್ರದೇಶ, ತೆಲಂಗಾಣ, ಸಿಕ್ಕಿಂ ಮತ್ತು ಅಸ್ಸಾಂನಲ್ಲಿ ಬ್ಯಾಂಕ್‌ಗಳು ಬಂದ್ ಆಗಿರುತ್ತದೆ.

ಜನವರಿಯ ಉಳಿದ ರಜಾ ಪಟ್ಟಿ

* ಜನವರಿ 13 (ಶನಿವಾರ)- ಎರಡನೇ ಶನಿವಾರ
* ಜನವರಿ 14 (ಭಾನುವಾರ)
* ಜನವರಿ 15 (ಸೋಮವಾರ)- ಪೊಂಗಲ್/ತಿರುವಳ್ಳುವರ್ ದಿನ (ತಮಿಳುನಾಡು ಮತ್ತು ಆಂಧ್ರಪ್ರದೇಶ)
* ಜನವರಿ 16 (ಮಂಗಳವಾರ)- ತುಸು ಪೂಜೆ (ಪಶ್ಚಿಮ ಬಂಗಾಳ ಮತ್ತು ಅಸ್ಸಾಂ)
* ಜನವರಿ 17 (ಬುಧವಾರ)- ಗುರು ಗೋವಿಂದ್ ಸಿಂಗ್ ಜಯಂತಿ
* ಜನವರಿ 21 (ಭಾನುವಾರ)
* ಜನವರಿ 23 (ಮಂಗಳವಾರ)- ನೇತಾಜಿ ಸುಭಾಷ್ ಚಂದ್ರ ಬೋಸ್ ಜಯಂತಿ
* ಜನವರಿ 25 (ಗುರುವಾರ)- ರಾಜ್ಯ ದಿನ (ಹಿಮಾಚಲ ಪ್ರದೇಶ)
* ಜನವರಿ 26 (ಶುಕ್ರವಾರ)- ಗಣರಾಜ್ಯೋತ್ಸವ
* ಜನವರಿ 27 (ಶನಿವಾರ) - ನಾಲ್ಕನೇ ಶನಿವಾರ
* ಜನವರಿ 28 (ಭಾನುವಾರ)
* ಜನವರಿ 31 (ಬುಧವಾರ): ಮಿ-ಡ್ಯಾಮ್-ಮಿ-ಫೈ (ಅಸ್ಸಾಂ)

ಕರ್ನಾಟಕದಲ್ಲಿ ಬ್ಯಾಂಕ್ ರಜೆ

* ಜನವರಿ 13 ಎರಡನೇ ಶನಿವಾರ
* ಜನವರಿ 14 (ಭಾನುವಾರ)
* ಜನವರಿ 15 (ಸೋಮವಾರ) -ಮಕರ ಸಂಕ್ರಾಂತಿ
* ಜನವರಿ 21 (ಭಾನುವಾರ)
* ಜನವರಿ 26 (ಶುಕ್ರವಾರ)- ಗಣರಾಜ್ಯೋತ್ಸವ
* ಜನವರಿ 27 (ಶನಿವಾರ) - ನಾಲ್ಕನೇ ಶನಿವಾರ
* ಜನವರಿ 28 (ಭಾನುವಾರ)