NPS Rules Changed: ಎನ್‌ಪಿಎಸ್ ನಿಯಮ ಬದಲಾವಣೆ, ಏನು ಹೊಸತು ತಿಳಿಯಿರಿ

ಎನ್‌ಪಿಎಸ್‌ ನಿಯಮವನ್ನು ಬದಲಾವಣೆ ಮಾಡಲಾಗಿದೆ. ಈಗ ಹೊಸ ನಿಯಮ ಏನು ಹೇಳುತ್ತದೆ ಎಂಬುವುದು ನಿಮಗೆ ತಿಳಿದಿದೆಯೇ?. ಈ ಹೊಸ ನಿಯಮದ ಬಗ್ಗೆ, ನಾವಿಲ್ಲಿ ವಿವರಿಸಿದ್ದೇವೆ, ಮುಂದೆ ಒದಿ.

ಎನ್‌ಪಿಎಸ್‌ ಚಂದಾದಾರರಿಗೆ ಪಿಂಚಣಿ ನಿಧಿ ನಿಯಂತ್ರಣ ಮತ್ತು ಅಭಿವೃದ್ಧಿ ಪ್ರಾಧಿಕಾರದಿಂದ (ಪಿಎಫ್‌ಆರ್‌ಡಿಎ) ಅನುಮತಿಸಲಾದ ಎಸ್‌ಎಲ್‌ಎಂ ಸೌಲಭ್ಯದ ಮೂಲಕ ಪಿಂಚಣಿದಾರರು ತಮ್ಮ ಹೂಡಿಕೆಯ ಶೇಕಡ 60 ರವರೆಗೆ ವರ್ಗಾವಣೆಯನ್ನು ಮಾಡಬಹುದಾಗಿದೆ.

ತನ್ನ ಪಿಂಚಣಿದಾರರಿಗೆ 75 ವರ್ಷ ಆಗುವವರೆಗೆ ಪಿಎಫ್‌ಆರ್‌ಡಿಎ ವ್ಯವಸ್ಥಿತ ಒಟ್ಟು ಮೊತ್ತ ಹಿಂತೆಗೆದುಕೊಳ್ಳುವ ಸೌಲಭ್ಯವನ್ನು ಸೂಚಿಸಿದೆ. ಇದು ಎನ್‌ಪಿಎಸ್ ಸದಸ್ಯರಿಗೆ ಮಾಸಿಕ, ತ್ರೈಮಾಸಿಕ, ಅರ್ಧ-ವಾರ್ಷಿಕ ಅಥವಾ ವಾರ್ಷಿಕ ಆಧಾರದ ಮೇಲೆ ಸಂಪೂರ್ಣ ಪಿಂಚಣಿ ನಿಧಿಯ ಶೇಕಡ 60 ವರೆಗೆ ವಿತ್‌ಡ್ರಾ ಮಾಡಲು ಅವಕಾಶವಿದೆ.

ಪ್ರಸ್ತುತ ಈ ಯೋಜನೆಯಿಂದ ನಿರ್ಗಮಿಸುವ ಮಾರ್ಗಸೂಚಿ ಪ್ರಕಾರ 60 ವರ್ಷಕ್ಕಿಂತ ಮೇಲ್ಪಟ್ಟ ಅಥವಾ ನಿವೃತ್ತಿಯನ್ನು ತಲುಪಿದ ಚಂದಾದಾರರು ವರ್ಷಾಶನವನ್ನು ತೆಗೆದುಕೊಳ್ಳುವುದನ್ನು ಮುಂದೂಡಬಹುದು. 75 ವರ್ಷ ವಯಸ್ಸಿನವರೆಗೆ ಯಾವುದೇ ರೀತಿಯಾಗಿ ಒಟ್ಟು ಮೊತ್ತವನ್ನು ವರ್ಗಾಯಿಸಬಹುದು. ಏಕಕಾಲದಲ್ಲಿ ಅಥವಾ ವಾರ್ಷಿಕ ಆಧಾರದ ಮೇಲೆ ಒಟ್ಟು ಮೊತ್ತವನ್ನು ಹಿಂಪಡೆಯಲು ನಿಮಗೆ ಆಯ್ಕೆ ಇದೆ.

60 ವರ್ಷ ತುಂಬಲಿರುವ ಅಥವಾ ಹೊಸ ಎಸ್‌ಎಲ್‌ಡಬ್ಲ್ಯೂ ಸೌಲಭ್ಯದ ಕುರಿತು ಯೋಜನೆಯನ್ನು ತೊರೆಯಲು ಯೋಚಿಸುತ್ತಿರುವ ಎಲ್ಲಾ ಹೂಡಿಕೆದಾರರಿಗೆ ಈ ಬಗ್ಗೆ ಮಾಹಿತಿಯನ್ನು ನೀಡಲು ಎನ್‌ಪಿಎಸ್ ಅಧಿಕಾರಿಗಳು ಸೂಚಿಸುವಂತೆ ಪಿಎಫ್‌ಆರ್‌ಡಿಎ ವಿನಂತಿಸಿದೆ.

ಎನ್‌ಪಿಎಸ್ ಹೂಡಿಕೆಗಳಿಗಾಗಿ ಕೆವೈಸಿ ಸಂಬಂಧಿತ ಕಾರ್ಯವಿಧಾನಗಳನ್ನು ಮೇಲ್ವಿಚಾರಣೆ ಮಾಡುವ ಸೆಂಟ್ರಲ್ ರೆಕಾರ್ಡ್ ಕೀಪಿಂಗ್ ಏಜೆನ್ಸಿಗಳನ್ನು ಪಿಎಫ್‌ಆರ್‌ಡಿಎ ತಮ್ಮ ಚಂದಾದಾರರಿಗೆ ಹೊಸ ಕಾರ್ಯಕ್ರಮದ ಕುರಿತು ತಿಳಿಸಲು ಕೇಳಿದೆ.

ಪಿಎಫ್‌ಆರ್‌ಡಿಎ ಅಕ್ಟೋಬರ್ 27, 2023 ರಂದು ಈ ಹೊಸ ಮೊತ್ತದ ವಾಪಸಾತಿ ಆಯ್ಕೆಯ ನಿರ್ದಿಷ್ಟತೆಗಳನ್ನು ವಿವರಿಸುವ ಸಲಹೆಯನ್ನು ಪ್ರಕಟಿಸಿದೆ. ಎಸ್‌ಎಲ್‌ಡಬ್ಲ್ಯೂ ಹಲವಾರು ಪ್ರಯೋಜನಗಳನ್ನು ಹೊಂದಿದೆ. ತೆರಿಗೆ ಪ್ರಯೋಜನ ಕೂಡಾ ಇದೆ.

ಹೂಡಿಕೆದಾರರು ನಿವೃತ್ತಿಯನ್ನು ಸುರಕ್ಷಿತವಾಗಿರಿಸಲು, ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆ (ಎನ್‌ಪಿಎಸ್) ಉತ್ತಮ ಆಯ್ಕೆಯಾಗಿದೆ. ಸದಸ್ಯರು ತಮ್ಮ ಶ್ರೇಣಿ I ಅಥವಾ ಶ್ರೇಣಿ II ಖಾತೆಗಳಿಗೆ ಮಾಸಿಕ ಕೊಡುಗೆ ನೀಡಲು ಆಯ್ಕೆ ಮಾಡಿಕೊಳ್ಳಬಹುದು.

ಹೆಚ್ಚುವರಿಯಾಗಿ, ಕೊಡುಗೆ ಮೊತ್ತವನ್ನು ಮಾಸಿಕ ಬಡ್ಡಿಯೊಂದಿಗೆ ಜಮಾ ಮಾಡಲಾಗುತ್ತದೆ. ಎನ್‌ಪಿಎಸ್ ಬಡ್ಡಿದರವನ್ನು ಕಾಂಪೋಂಡ್ ಆಧಾರದ ಮೇಲೆ ಲೆಕ್ಕಹಾಕಲಾಗುತ್ತದೆ. ಇದು ಅಂತಿಮವಾಗಿ ಗಣನೀಯ ಪ್ರಮಾಣದ ಕಾರ್ಪಸ್ ವೃದ್ಧಿಯಾಗಲು ಕಾರಣವಾಗುತ್ತದೆ. ಇದು ಸಾಮಾನ್ಯವಾಗಿ ಶೇಕಡ 9 ರಿಂದ ಶೇಕಡ 12 ರ ನಡುವೆ ಬಡ್ಡಿದರ ಇರುತ್ತದೆ.