NSC: ಈ ಯೋಜನೆಯಲ್ಲಿ ಹೂಡಿಕೆ ಮಾಡಿದ್ರೆ, 2 ಲಕ್ಷ ರೂಪಾಯಿಗೂ ಅಧಿಕ ಬಡ್ಡಿ ಸಿಗುತ್ತೆ..!

ಯಾವುದೇ ಹೂಡಿಕೆದಾರರು ಹಣ ಹೂಡಿಕೆಗೂ ಮುನ್ನ ಸಾಮಾನ್ಯವಾಗಿ ಯೋಚಿಸುವ ಎರಡು ವಿಚಾರ ಅಂದ್ರೆ, ಸುರಕ್ಷತೆ ಮತ್ತು ಉತ್ತಮ ಲಾಭ ಆಗಿದೆ. ಕಷ್ಟ ಪಟ್ಟು ದುಡಿದ ಹಣ ಎಷ್ಟು ಸುರಕ್ಷಿತವಾಗಿರುತ್ತದೆ ಮತ್ತು ಅದರಿಂದ ಎಷ್ಟು ಆದಾಯ ಬರುತ್ತದೆ ಎಂದು ಪರೀಕ್ಷಿಸುತ್ತಾರೆ.

ಬಹುತೇಕ ಜನರು ಬ್ಯಾಂಕ್‌ಗಳಲ್ಲಿ ಎಫ್‌ಡಿಗಳ ಮೂಲಕ ಸುರಕ್ಷಿತವಾದ ರಿಟರ್ನ್ ಪಡೆಯಲು ಬಯಸುತ್ತಾರೆ. ಇನ್ನೂ ಅನೇಕರು ಅಂಚೆ ಕಚೇರಿಗಳು ಉಳಿತಾಯ ಖಾತೆ ಹಾಗೂ ನಿಶ್ಚಿತ ಠೇವಣಿ ಮೂಲಕ ಹೂಡಿಕೆ ಮಾಡುತ್ತಾರೆ. ಹೀಗೆ ಅಂಚೆ ಕಚೇರಿಯಲ್ಲಿ ಅನೇಕ ಉಳಿತಾಯ ಯೋಜನೆಗಳಿವೆ, ಇದರಲ್ಲಿ ನೀವು ಈ ಯಾವುದು ಉತ್ತಮ ಎಂಬುದನ್ನು ಖಾತರಿಪಡಿಸಿಕೊಳ್ಳಬೇಕು.

ಅಂತಹ ಒಂದು ಯೋಜನೆ ಎಂದರೆ ಅಂಚೆ ಕಚೇರಿ ರಾಷ್ಟ್ರೀಯ ಉಳಿತಾಯ ಪ್ರಮಾಣಪತ್ರ (NSC). ಎನ್‌ಎಸ್‌ಸಿಯಲ್ಲಿ ಹೂಡಿಕೆ ಮಾಡುವ ಮೂಲಕ, ನೀವು ಅನೇಕ ಬ್ಯಾಂಕುಗಳ ಎಫ್‌ಡಿಗಳಲ್ಲಿ ಲಭ್ಯವಿರುವ ಬಡ್ಡಿ ದರಕ್ಕಿಂತ ಹೆಚ್ಚಿನ ಬಡ್ಡಿಯನ್ನು ಪಡೆಯಬಹುದು. ಶೇಕಡಾ 6.8ರಷ್ಟು ಬಡ್ಡಿದರವನ್ನು ಪ್ರಸ್ತುತ ಪೋಸ್ಟ್ ಆಫೀಸ್ NSC ಯೋಜನೆಯಲ್ಲಿ ನೀಡಲಾಗುತ್ತಿದೆ. ನೀವು NSC ಯಲ್ಲಿ ಹೂಡಿಕೆ ಮಾಡುವ ಹಣವು ವಾರ್ಷಿಕವಾಗಿ ಬಡ್ಡಿಯನ್ನು ಗಳಿಸುವುದನ್ನು ಮುಂದುವರಿಸುತ್ತದೆ. ಆದರೆ ನಿಮಗೆ ಮೆಚ್ಯೂರಿಟಿಯ ಮೇಲೆ ಪಾವತಿಸಲಾಗುತ್ತದೆ. ಈ ಯೋಜನೆಯಲ್ಲಿ ನೀವು ಏಕಕಾಲದಲ್ಲಿ 2.33 ಲಕ್ಷ ಬಡ್ಡಿ ಪಡೆಯಬಹುದು. ಅದು ಹೇಗೆ ಎಂದು ತಿಳಿಯಲು ಈ ಕೆಳಗಿನ ಮಾಹಿತಿ ಓದಿ

ಮೆಚ್ಯೂರಿಟಿ ಅವಧಿ ಎಷ್ಟು?

ಎನ್‌ಎಸ್‌ಸಿ ಯೋಜನೆಯ ಮುಕ್ತಾಯ ಅವಧಿ 5 ವರ್ಷಗಳಾಗಿದ್ದು, ನಿಮ್ಮ ಹೂಡಿಕೆಯನ್ನು ಇನ್ನೊಂದು 5 ವರ್ಷಗಳವರೆಗೆ ಮುಕ್ತಾಯದ ನಂತರ ಹೆಚ್ಚಿಸಬಹುದು. ನೀವು NSC ಯಲ್ಲಿ ಕನಿಷ್ಠ 100 ರೂ.ಗಳನ್ನು ಹೂಡಿಕೆ ಮಾಡಬೇಕು. ಇಲ್ಲಿ ಗರಿಷ್ಠ ಹೂಡಿಕೆಯ ಮಿತಿ ಇರುವುದಿಲ್ಲ. ನೀವು ಹಣ ಬೇಕಾದರೂ ಹೂಡಿಕೆ ಮಾಡಬಹುದಾಗಿದೆ. ನೀವು ಒಂದೇ ಬಾರಿಗೆ 6 ​​ಲಕ್ಷ ರೂಪಾಯಿ ಹೂಡಿಕೆ ಮಾಡಿದರೆ 2.33 ಲಕ್ಷ ರೂಪಾಯಿ ಬಡ್ಡಿಯ ಪಡೆಯಬಹುದಾಗಿದೆ.

ಈ ರೀತಿಯಾಗಿ, 2.33 ಲಕ್ಷ ರೂಪಾಯಿ ಬಡ್ಡಿ ಪಡೆಯಬಹುದು

ನೀವು NSC ಯಲ್ಲಿ 6 ಲಕ್ಷ ರೂ.ಗಳನ್ನು ಒಟ್ಟಾಗಿ ಹೂಡಿಕೆ ಮಾಡಿದರೆ, ಪ್ರಸ್ತುತ ಶೇಕಡಾ 6.8ರಷ್ಟು ಬಡ್ಡಿದರದಲ್ಲಿ, 5 ವರ್ಷಗಳಲ್ಲಿ ನಿಮ್ಮ ಬಡ್ಡಿ ಮೊತ್ತ 2,33,696 ರೂ. ಆಗಿರುತ್ತದೆ. ಮುಕ್ತಾಯದ ಮೇಲೆ ನೀವು 8,33,696 ಆಗಿರುತ್ತದೆ. ಇದರಲ್ಲಿ 6 ಲಕ್ಷ ರೂ ನಿಮ್ಮ ಹೂಡಿಕೆಯಾಗಿದ್ದು, ಉಳಿದ 2,33,696 ಬಡ್ಡಿಯಾಗಿರುತ್ತದೆ.

ತೆರಿಗೆ ಉಳಿಸುತ್ತದೆ ?

NSC ಕೆಲವು ತೆರಿಗೆ ಉಳಿಸುವ ಹೂಡಿಕೆ ಆಯ್ಕೆಗಳಲ್ಲಿ ಒಂದಾಗಿದೆ. ಆದಾಯ ತೆರಿಗೆ ಕಾಯ್ದೆ, 1961 ರ ಸೆಕ್ಷನ್ 80 ಸಿ ಅಡಿಯಲ್ಲಿ, ಎನ್ ಎಸ್ ಸಿ ಹೂಡಿಕೆದಾರರು ವಾರ್ಷಿಕ 1.5 ಲಕ್ಷ ರೂ.ವರೆಗಿನ ಹೂಡಿಕೆಯ ಮೇಲೆ ತೆರಿಗೆ ವಿನಾಯಿತಿ ಪಡೆಯುತ್ತಾರೆ. ನೀವು 100, 500, 1000, 5000 ಮತ್ತು 10,000 ರೂಪಾಯಿಗಳ NSC ಗಳನ್ನು ಪಡೆಯಬಹುದು. ನಿಮಗೆ ಬೇಕಾದಷ್ಟು ಪ್ರಮಾಣಪತ್ರಗಳನ್ನು ವಿವಿಧ ಬೆಲೆಯಲ್ಲಿ ಖರೀದಿಸುವ ಮೂಲಕ ನೀವು NSC ನಲ್ಲಿ ಹೂಡಿಕೆ ಮಾಡಬಹುದು. ಹೀಗಾಗಿ ಹೂಡಿಕೆ ಮಾಡಲು ಇದು ತುಂಬಾ ಸುಲಭವಾದ ಮಾರ್ಗವಾಗಿದೆ.

ಬಡ್ಡಿ ಸುಮಾರು 6 ಲಕ್ಷ ರೂಪಾಯಿ

ಒಂದು ಹೂಡಿಕೆದಾರನು NSC ಯಲ್ಲಿ 15 ಲಕ್ಷ ಹೂಡಿಕೆ ಮಾಡಿದರೆ, ಹೂಡಿಕೆದಾರನು 5 ವರ್ಷಗಳ ನಂತರ 6.8% ಬಡ್ಡಿದರದಲ್ಲಿ 20.85 ಲಕ್ಷಗಳನ್ನು ಪಡೆಯುತ್ತಾನೆ. ಅಂದರೆ, ಸುಮಾರು 6 ಲಕ್ಷ ರೂಪಾಯಿಗಳ ಬಡ್ಡಿಯನ್ನು 5 ವರ್ಷಗಳಲ್ಲಿ ಪಡೆಯುತ್ತಾನೆ.

ಸರ್ಕಾರದ ಗ್ಯಾರಂಟಿ ಸಿಗುತ್ತದೆ

ಇದು ಸರ್ಕಾರಿ ಯೋಜನೆಯಾಗಿದ್ದು, ಅದರ ಮೇಲೆ ನೀವು ಸರ್ಕಾರದ ಖಾತರಿಯನ್ನು ಪಡೆಯುತ್ತೀರಿ. NSC ಒಂದು ಭಾರತೀಯ ಸರ್ಕಾರದ ಉಳಿತಾಯ ಬಾಂಡ್ ಆಗಿದ್ದು, ಇದನ್ನು ಮುಖ್ಯವಾಗಿ ಭಾರತದಲ್ಲಿ ಸಣ್ಣ ಉಳಿತಾಯ ಮತ್ತು ಆದಾಯ ತೆರಿಗೆ ಉಳಿತಾಯ ಹೂಡಿಕೆಗಳಿಗಾಗಿ ಬಳಸಲಾಗುತ್ತದೆ. ಇದು ಭಾರತ ಅಂಚೆ ಉಳಿತಾಯ ವ್ಯವಸ್ಥೆಯ ಭಾಗವಾಗಿದೆ. ಇವುಗಳನ್ನು ವಯಸ್ಕರು (ಅವರ ಹೆಸರಿನಲ್ಲಿ ಅಥವಾ ಅಪ್ರಾಪ್ತರ ಪರವಾಗಿ), ಅಪ್ರಾಪ್ತರು, ಟ್ರಸ್ಟ್ ಮತ್ತು ಇಬ್ಬರು ವಯಸ್ಕರು ಭಾರತದ ಯಾವುದೇ ಅಂಚೆ ಕಚೇರಿಯಿಂದ ಜಂಟಿಯಾಗಿ ಖರೀದಿಸಬಹುದು.