Post Office Scheme Rules: 2023ರಲ್ಲಿ ಅಂಚೆ ಕಚೇರಿ ಯೋಜನೆಗಳಲ್ಲಾದ ನಿಯಮ ಬದಲಾವಣೆಗಳಿವು

ಕೇಂದ್ರ ಸರ್ಕಾರವು 2023ರಲ್ಲಿ ಸಣ್ಣ ಉಳಿತಾಯ ಯೋಜನೆಗಳಲ್ಲಿ ಕೆಲವು ಬದಲಾವಣೆಗಳನ್ನು ಮಾಡಲಾಗಿದೆ. ಅಸ್ತಿತ್ವದಲ್ಲಿರುವ ಸಣ್ಣ ಉಳಿತಾಯ ಯೋಜನೆಗಳಿಗೆ ಅದರ ಪರಿಷ್ಕರಣೆಯಲ್ಲಿ, ಸರ್ಕಾರವು ಹೊಸ ಯೋಜನೆಯನ್ನು ಹೊರತಂದಿದೆ.

ಅಂಚೆ ಕಚೇರಿಯ ಯೋಜನೆಯಲ್ಲಿ ಕೆಲವು ಹೂಡಿಕೆ ಮಿತಿಗಳನ್ನು ಹೆಚ್ಚಿಸಿದೆ. ಬಡ್ಡಿ ಲೆಕ್ಕಾಚಾರದಲ್ಲಿ ಬದಲಾವಣೆಗಳು ಇತ್ಯಾದಿಗಳನ್ನು ಮಾಡಲಾಗಿದೆ. ಈ ಲೇಖನದಲ್ಲಿ 2023 ರಲ್ಲಿ ಸಣ್ಣ ಉಳಿತಾಯ ಯೋಜನೆಗಳಲ್ಲಿ ಏನು ಬದಲಾಗಿದೆ ಎಂಬುದನ್ನು ನಾವು ವಿವರಿಸಿದ್ದೇವೆ, ಇಲ್ಲಿದೆ ವಿವರ ಮುಂದೆ ಓದಿ...

ಮಹಿಳಾ ಸಮ್ಮಾನ್ ಉಳಿತಾಯ ಪ್ರಮಾಣಪತ್ರ

ಮಹಿಳಾ ಹೂಡಿಕೆದಾರರಿಗಾಗಿ ಒಂದು ಬಾರಿಯ ಸಣ್ಣ ಉಳಿತಾಯ ಯೋಜನೆ ಮಹಿಳಾ ಸಮ್ಮಾನ್ ಉಳಿತಾಯ ಪ್ರಮಾಣಪತ್ರವನ್ನು ಬಜೆಟ್ 2023 ರಲ್ಲಿ ಪರಿಚಯಿಸಲಾಯಿತು. ಯೋಜನೆಯು ಎರಡು ವರ್ಷಗಳ ಅವಧಿಯನ್ನು ಹೊಂದಿದೆ, ಅಂದರೆ ಮಾರ್ಚ್ 2025 ರವರೆಗೆ ಹೊಂದಿದೆ. ಯೋಜನೆಯಡಿ ಗರಿಷ್ಠ ಠೇವಣಿ 2 ಲಕ್ಷ ರೂಪಾಯಿ ಆಗಿದೆ. ಯೋಜನೆಯು ಶೇಕಡ 7.5 ವಾರ್ಷಿಕ ಬಡ್ಡಿದರವನ್ನು ನೀಡುತ್ತದೆ.

ಅಂಚೆ ಕಚೇರಿ ಮಾಸಿಕ ಆದಾಯ ಯೋಜನೆ

ಅಂಚೆ ಕಚೇರಿ ಮಾಸಿಕ ಆದಾಯ ಯೋಜನೆ (ಪಿಒಎಂಐಎಸ್) ಅಡಿಯಲ್ಲಿ ಸಿಂಗಲ್ ಖಾತೆ ಬಳಕೆದಾರರ ಮಿತಿಯನ್ನು 4 ಲಕ್ಷ ರೂಪಾಯಿಯಿಂದ 9 ಲಕ್ಷ ರೂಪಾಯಿಗೆ ಏರಿಸಲಾಗಿದೆ. ಜಂಟಿ ಖಾತೆಯಲ್ಲಿ ಗರಿಷ್ಠ ಮಿತಿಯನ್ನು 9 ಲಕ್ಷ ರೂಪಾಯಿಯಿಂದ 15 ಲಕ್ಷ ರೂಪಾಯಿಗೆ ಹೆಚ್ಚಿಸಲಾಗಿದೆ. ಬಜೆಟ್ 2023ರಲ್ಲಿ ಘೋಷಣೆ ಮಾಡಲಾಗಿದೆ.

ಹಿರಿಯ ನಾಗರಿಕರ ಉಳಿತಾಯ ಯೋಜನೆ

ಹಿರಿಯ ನಾಗರಿಕರ ಉಳಿತಾಯ ಯೋಜನೆಯಲ್ಲಿ (ಎಸ್‌ಸಿಎಸ್‌ಎಸ್) ಗರಿಷ್ಠ ಹೂಡಿಕೆ ಮೊತ್ತವನ್ನು 15 ಲಕ್ಷ ರೂಪಾಯಿಯಿಂದ 30 ಲಕ್ಷ ರೂಪಾಯಿಗೆ ಏರಿಸಲಾಗಿದೆ. ಪರಿಣಾಮವಾಗಿ, ಹಿರಿಯ ನಾಗರಿಕರು ತಮ್ಮ ಉಳಿತಾಯದ ಮೇಲೆ ಹೆಚ್ಚಿನ ಬಡ್ಡಿದರವನ್ನು ಪಡೆಯಬಹುದು. ಅವರ ಎಸ್‌ಸಿಎಸ್‌ಎಸ್ ಖಾತೆಗಳಿಗೆ ಅಧಿಕ ಡೆಪಾಸಿಟ್ ಮಾಡಲು ಸಾಧ್ಯವಾಗುತ್ತದೆ.

ಪಬ್ಲಿಕ್ ಪ್ರಾವಿಡೆಂಟ್ ಫಂಡ್ (ಪಿಪಿಎಫ್) ಅವಧಿಪೂರ್ವ ಬಡ್ಡಿ ಲೆಕ್ಕಾಚಾರವೂ ಬದಲಾಗಿದೆ. ಪರಿಷ್ಕರಣೆಯ ನಂತರ, ನಿಮ್ಮ ಖಾತೆಯು ಐದು ವರ್ಷಗಳ ಪ್ರಸ್ತುತ ಬ್ಲಾಕ್ ಅವಧಿಯ ಪ್ರಾರಂಭದಿಂದ ನಿಯಮಿತವಾಗಿ ಖಾತೆಗೆ ಜಮಾ ಮಾಡಲಾದ ಬಡ್ಡಿಗಿಂತ ಶೇಕಡ 1 ರಷ್ಟು ಕಡಿಮೆ ಬಡ್ಡಿದರವನ್ನು ನೀಡಲಾಗುತ್ತದೆ.

ಅಂಚೆ ಕಚೇರಿಯ ಎಫ್‌ಡಿ

ನಾಲ್ಕು ವರ್ಷಗಳ ನಂತರ ಐದು ವರ್ಷಗಳ ಖಾತೆಯಲ್ಲಿ ಡೆಪಾಸಿಟ್‌ ಅನ್ನು ಅಕಾಲಿಕವಾಗಿ ಹಿಂತೆಗೆದುಕೊಂಡರೆ, ಅಂಚೆ ಕಚೇರಿ ಉಳಿತಾಯ ಖಾತೆ ದರದಲ್ಲಿ ಶೇಕಡ 4 ರಷ್ಟು ಬಡ್ಡಿದರವನ್ನು ಈಗ ಪಾವತಿಸಲಾಗುತ್ತದೆ. ಈ ಮೊದಲು, ಐದು ವರ್ಷಗಳ ಅವಧಿಯ ಡೆಪಾಸಿಟ್ ಖಾತೆಯನ್ನು ಡೆಪಾಸಿಟ್ ಮಾಡಿದ ದಿನಾಂಕದಿಂದ ನಾಲ್ಕು ವರ್ಷಗಳ ನಂತರ ಮುಚ್ಚಿದರೆ, ಮೂರು ವರ್ಷಗಳ ಅವಧಿಯ ಡೆಪಾಸಿಟ್ ಖಾತೆಗಳಿಗೆ ಅನ್ವಯವಾಗುವ ದರವನ್ನು ಬಳಸಿಕೊಂಡು ಬಡ್ಡಿಯನ್ನು ಲೆಕ್ಕಹಾಕಲಾಗುತ್ತದೆ.

ಹಿರಿಯ ನಾಗರಿಕರ ಉಳಿತಾಯ ಯೋಜನೆಯಲ್ಲಿ ಬದಲಾವಣೆ

1. ನಿವೃತ್ತಿ ಪ್ರಯೋಜನಗಳಲ್ಲಿ ಹೂಡಿಕೆ ಮಾಡಲು ವಿಸ್ತೃತ ಅವಧಿಗಳು 55 ಕ್ಕಿಂತ ಹೆಚ್ಚು ಆದರೆ 60 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ನಿವೃತ್ತ ವ್ಯಕ್ತಿ ಈಗ ಒಂದು ತಿಂಗಳ ಬದಲಿಗೆ ಮೂರು ತಿಂಗಳುಗಳನ್ನು ಪಡೆಯಬಹುದು.
2. ಸರ್ಕಾರಿ ನೌಕರನ ಸಂಗಾತಿಯಿಂದ ಮಾಡಿದ ಹೂಡಿಕೆ ಹೊಸ ನಿಯಮಗಳ ಪ್ರಕಾರ ಸರ್ಕಾರಿ ನೌಕರನ ಸಂಗಾತಿಯ ಮೂಲಕ ಹಣಕಾಸಿನ ನೆರವಿನ ಮೊತ್ತವನ್ನು ಈಗ ಕಾರ್ಯಕ್ರಮದಲ್ಲಿ ಹೂಡಿಕೆ ಮಾಡಬಹುದು.

ನಿವೃತ್ತಿ ಪ್ರಯೋಜನಗಳ ವ್ಯಾಪ್ತಿ

ನಿವೃತ್ತಿ ಪ್ರಯೋಜನಗಳ ವ್ಯಾಪ್ತಿಯನ್ನು ಸ್ಪಷ್ಟವಾಗಿ ವ್ಯಾಖ್ಯಾನಿಸಲಾಗಿದೆ. ಅಧಿಸೂಚನೆಯ ಪ್ರಕಾರ, ನಿವೃತ್ತಿ ಪ್ರಯೋಜನ ಎಂದರೆ ನಿವೃತ್ತಿ ಅಥವಾ ನಿವೃತ್ತಿಯ ಕಾರಣದಿಂದ ವ್ಯಕ್ತಿಯು ಪಡೆದ ಯಾವುದೇ ಪಾವತಿ ಆಗಿದೆ. ಇದು ಭವಿಷ್ಯ ನಿಧಿ ಬಾಕಿಗಳು, ನಿವೃತ್ತಿ ಅಥವಾ ಮರಣ ಗ್ರಾಚ್ಯುಟಿ, ಪಿಂಚಣಿಯ ಕಮ್ಯುಟೆಡ್ ಮೌಲ್ಯ, ಲೀವ್ ಎನ್‌ಕ್ಯಾಶ್‌ಮೆಂಟ್, ನಿವೃತ್ತಿಯ ಮೇಲೆ ಉದ್ಯೋಗದಾತರು ಪಾವತಿಸಬೇಕಾದ ಗುಂಪು ಉಳಿತಾಯ ಲಿಂಕ್ಡ್ ವಿಮಾ ಯೋಜನೆಯ ಉಳಿತಾಯ ಅಂಶ, ನೌಕರರ ಪಿಂಚಣಿ ಯೋಜನೆ (ಇಪಿಎಸ್) ಅಡಿಯಲ್ಲಿ ನಿವೃತ್ತಿ-ಕಮ್-ಹಿಂತೆಗೆದುಕೊಳ್ಳುವ ಪ್ರಯೋಜನವನ್ನು ಒಳಗೊಂಡಿರುತ್ತದೆ.

ಅಕಾಲಿಕ ವಿತ್‌ಡ್ರಾ ಕಡಿತ, ಎಸ್‌ಸಿಎಸ್‌ಎಸ್ ವಿಸ್ತರಣೆ

ಹೊಸ ನಿಯಮಗಳ ಪ್ರಕಾರ, ಹೂಡಿಕೆದಾರರು 1 ವರ್ಷದ ಅವಧಿ ಮುಗಿಯುವ ಮೊದಲು ಖಾತೆಯನ್ನು ಮುಚ್ಚಿದರೆ ಡೆಪಾಸಿಟ್‌ನ ಶೇಕಡ 1 ರಷ್ಟು ಕಡಿತಗೊಳಿಸಲಾಗುತ್ತದೆ. ಖಾತೆದಾರರು ಈಗ ಯಾವುದೇ ಬ್ಲಾಕ್‌ಗಳಿಗೆ ಖಾತೆಯನ್ನು ವಿಸ್ತರಿಸಬಹುದು. ಪ್ರತಿ ಬ್ಲಾಕ್ ಮೂರು ವರ್ಷಗಳವರೆಗೆ ಇರುತ್ತದೆ. ಈ ಹಿಂದೆ ಒಮ್ಮೆ ಮಾತ್ರ ವಿಸ್ತರಣೆಗೆ ಅವಕಾಶವಿತ್ತು.

ಸಾರ್ವಜನಿಕ ಭವಿಷ್ಯ ನಿಧಿ (ಪಿಪಿಎಫ್), ಸುಕನ್ಯಾ ಸಮೃದ್ಧಿ ಯೋಜನೆ, ಹಿರಿಯ ನಾಗರಿಕರ ಉಳಿತಾಯ ಯೋಜನೆ (ಎಸ್‌ಸಿಎಸ್‌ಎಸ್), ಅಂಚೆ ಕಚೇರಿ ಮಾಸಿಕ ಆದಾಯ ಯೋಜನೆ (ಪಿಒಎಂಐಎಸ್), ರಾಷ್ಟ್ರೀಯ ಉಳಿತಾಯ ಪ್ರಮಾಣಪತ್ರ (ಎನ್‌ಎಸ್‌ಸಿ), ಕಿಸಾನ್ ವಿಕಾಸ್ ಪತ್ರ (ಕೆವಿಪಿ), ಅಂಚೆ ಕಚೇರಿ ಟೈಮ್ ಡೆಪಾಸಿಟ್ (ಪಿಒಟಿಡಿ), ಅಟಲ್ ಪಿಂಚಣಿ ಯೋಜನೆ (ಎಪಿವೈ), ಪ್ರಧಾನ ಮಂತ್ರಿ ವಯ ವಂದನಾ ಯೋಜನೆ (ಪಿಎಂವಿವಿವಿಐ) ಸೇರಿದಂತೆ ಒಂಬತ್ತು ಸಣ್ಣ ಉಳಿತಾಯ ಯೋಜನೆಗಳನ್ನು ಸರ್ಕಾರ ಪ್ರಸ್ತುತ ನೀಡುತ್ತದೆ.