PNB: ಚೆಕ್ ಪಾವತಿ ನಿಯಮ ಬದಲಾಯಿಸಿದ ಪಿಎನ್‌ಬಿ, ಇಲ್ಲಿದೆ ವಿವರ

ಸರ್ಕಾರಿ ಸೌಮ್ಯದ ಬ್ಯಾಂಕುಗಳಲ್ಲಿ ಪಂಜಾಬ್ ನ್ಯಾಷನಲ್ ಬ್ಯಾಂಕ್ (ಪಿಎನ್‌ಬಿ) ಕೂಡಾ ಒಂದಾಗಿದೆ. ಈ ಬ್ಯಾಂಕ್ ತನ್ನ ಚೆಕ್ ವಹಿವಾಟಿನ ನಿಯಮವನ್ನು ಬದಲಾಯಿಸಿದ್ದು, 5 ಲಕ್ಷ ರೂಪಾಯಿ ಮತ್ತು ಅಧಿಕ ಮೊತ್ತದ ವಹಿವಾಟಿಗೆ ಈ ನಿಯಮ ಅನ್ವಯವಾಗಲಿದೆ. ಪಿಎನ್‌ಬಿ ಈ ಮೊತ್ತದ ಚೆಕ್‌ ವಹಿವಾಟಿಗೆ ಪಾಸಿಟಿವ್ ಪೇ ಸಿಸ್ಟಮ್ (ಪಿಪಿಎಸ್) ಅನ್ನು ಕಡ್ಡಾಯಗೊಳಿಸಿದೆ. ಈ ಹೊಸ ನಿಯಮವು ಏಪ್ರಿಲ್ 5, 2023ರಿಂದ ಜಾರಿಗೆ ಬರಲಿದೆ.

ಈ ಹೊಸ ನಿಯಮವು ಚೆಕ್ ಪಾವತಿಯ ವೇಳೆಯಲ್ಲಿ ವಂಚನೆಯಿಂದ ರಕ್ಷಣೆ ಮಾಡುವುದರಿಂದ ತಡೆಯಲು ಸಾಧ್ಯವಾಗುತ್ತದೆ. ಈ ಹಿಂದೆ, ಪಿಪಿಎಸ್‌ನಲ್ಲಿ ಚೆಕ್ ವಿವರಗಳನ್ನು ಕಡ್ಡಾಯವಾಗಿ ಸಲ್ಲಿಸುವುದನ್ನು 10 ಲಕ್ಷ ರೂಪಾಯಿ ಮತ್ತು ಅದಕ್ಕಿಂತ ಹೆಚ್ಚಿನದಕ್ಕೆ ನಿಗದಿಪಡಿಸಲಾಗಿತ್ತು. ಆದರೆ ಈಗ 5 ಲಕ್ಷ ರೂಪಾಯಿ ಮತ್ತು ಅಧಿಕ ಮೊತ್ತದ ವಹಿವಾಟಿಗೆ ಈ ನಿಯಮ ಅನ್ವಯವಾಗಲಿದೆ.

ನಿರ್ದಿಷ್ಟ ಮೊತ್ತದ ಚೆಕ್‌ಗಳನ್ನು ನೀಡುವಾಗ ಗ್ರಾಹಕರು ಖಾತೆ ಸಂಖ್ಯೆ, ಚೆಕ್ ಸಂಖ್ಯೆ, ಚೆಕ್ ಆಲ್ಫಾ ಕೋಡ್, ನೀಡಿದ ದಿನಾಂಕ, ಮೊತ್ತ ಮತ್ತು ಫಲಾನುಭವಿಯ ಹೆಸರು ಸೇರಿದಂತೆ ಅಗತ್ಯ ವಿವರಗಳನ್ನು ಮತ್ತೆ ದೃಡೀಕರಣ ಮಾಡುವುದು ಮುಖ್ಯವಾಗಿದೆ ಎಂದು ಬ್ಯಾಂಕ್ ಹೇಳಿದೆ. ಅಂತಹ ಚೆಕ್‌ಗಳನ್ನು ಪ್ರಕ್ರಿಯೆಗೊಳಿಸುವಾಗ ಯಾವುದೇ ಅಪಾಯ ಇಲ್ಲದಂತೆ ಪಾಸಿಟಿವ್ ಪೇ ಸಿಸ್ಟಮ್ (ಪಿಪಿಎಸ್) ಹೆಚ್ಚುವರಿ ಭದ್ರತೆಯನ್ನು ನೀಡುತ್ತದೆ ಎಂದು ಬ್ಯಾಂಕ್ ಹೇಳುತ್ತದೆ.

ಪಿಪಿಎಸ್ ಫೆಚಿಸಿಲಿ ಬಳಸುವುದು ಹೇಗೆ?

ಗ್ರಾಹಕರು ಪಿಪಿಎಸ್ ಫೆಸಿಲಿಟಿಯನ್ನು ನೀಡುತ್ತದೆ. ಗ್ರಾಹಕರು ಬ್ರಾಂಚ್ ಕಛೇರಿ, ವ್ಯಕ್ತಿಗಳು ಮತ್ತು ವ್ಯವಹಾರಗಳಿಗೆ ಆನ್‌ಲೈನ್ ಬ್ಯಾಂಕಿಂಗ್, ಮೊಬೈಲ್ ಬ್ಯಾಂಕಿಂಗ್ (PNB ONE), ಅಥವಾ SMS ಬ್ಯಾಂಕಿಂಗ್ ಮೂಲಕ ಚೆಕ್ ವಿವರಗಳನ್ನು ಒದಗಿಸಬಹುದು. ಈ ಮೂಲಕ ಪಿಪಿಎಸ್ ಸೌಲಭ್ಯವನ್ನು ಬಳಸಬಹುದು ಎಂದು ಅದು ಹೇಳಿದೆ. ಚೆಕ್‌ನಲ್ಲಿ ದಿನಾಂಕಗಳ ವಿವರ ಇರುತ್ತದೆ.

ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಮಾರ್ಗಸೂಚಿಗಳ ಪ್ರಕಾರ, ಪಿಎನ್‌ಬಿ ಜನವರಿ 1, 2021 ರಿಂದ ಸಿಟಿಎಸ್ ಕ್ಲಿಯರಿಂಗ್‌ನಲ್ಲಿ ಪ್ರಸ್ತುತಪಡಿಸಲಾದ 50,000 ಮತ್ತು ಅದಕ್ಕಿಂತ ಹೆಚ್ಚಿನ ಚೆಕ್‌ಗಳಿಗೆ ಪಿಪಿಎಸ್‌ ಅನ್ನು ಪರಿಚಯಿಸಿದೆ. ಈ ಸೌಲಭ್ಯವನ್ನು ಪಡೆದುಕೊಳ್ಳುವುದು ಖಾತೆದಾರರ ಅವಲಂಬಿತವಾಗಿದೆ ಎಂದು ಆರ್‌ಬಿಐ ಶಿಫಾರಸು ಮಾಡಿತ್ತು. 5 ಲಕ್ಷ ಮತ್ತು ಅದಕ್ಕಿಂತ ಹೆಚ್ಚಿನ ಚೆಕ್‌ಗಳಿಗೆ ಪಿಪಿಎಸ್ ಕಡ್ಡಾಯವಾಗಿ ಮಾಡಲು ಬ್ಯಾಂಕ್‌ಗಳು ನಿರ್ಧಾರ ಮಾಡಬಹುದು.