SBI ಯೋನೋ ಆಪ್ ಮೂಲಕ 35 ಲಕ್ಷ ರೂ ಸಾಲ ಪಡೆಯಿರಿ!

ನೀವು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (ಎಸ್‌ಬಿಐ) ಸ್ಯಾಲರಿ ಅಕೌಂಟ್ ಅನ್ನು ಹೊಂದಿದ್ದರೆ, ನಿಮಗೆ ಯೋನೋ ಆಪ್ ಮೂಲಕ ಸಾಲವನ್ನು ಪಡೆಯುವ ಅವಕಾಶವನ್ನು ಹೊಂದಿದ್ದೀರಿ. ಈ ಆಪ್ ಮೂಲಕ ಸುಮಾರು 35 ಲಕ್ಷ ರೂಪಾಯಿವರೆಗೆ ಸಾಲವನ್ನು ಪಡೆಯುವ ಅವಕಾಶವಿದೆ.

ಎಸ್‌ಬಿಐ ಯೋನೋ ಆಪ್‌ನಲ್ಲಿ ರಿಯಲ್-ಟೈಮ್ ಎಕ್ಸ್‌ಪ್ರೆಸ್ ಕ್ರೆಡಿಟ್ (ಆರ್‌ಟಿಎಕ್ಸ್‌ಸಿ) ಅನ್ನು ಪರಿಚಯಿಸಿದೆ ಎಂದು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಹೇಳಿದೆ. ಡಿಜಿಟಲ್ ಮೂಲಕ ಸಾಲವನ್ನು ಪಡೆಯಲು ಸಹಾಯಕವಾಗಲಿದೆ ಎಂದು ಈ ಆಪ್ ಮೂಲಕ ಸಾಲವನ್ನು ಪಡೆಯುವ ಅವಕಾಶವನ್ನು ಎಸ್‌ಬಿಐ ನೀಡಿದೆ.

ರಿಯಲ್-ಟೈಮ್ ಎಕ್ಸ್‌ಪ್ರೆಸ್ ಕ್ರೆಡಿಟ್ (ಆರ್‌ಟಿಎಕ್ಸ್‌ಸಿ) ಸಾಲವು ಸಂಪೂರ್ಣವಾಗಿ ಡಿಜಿಟಲ್ ಸಾಲ ವ್ಯವಸ್ಥೆಯಾಗಿದೆ. ಈ ಆಪ್ ಮೂಲಕ 35 ಲಕ್ಷ ರೂಪಾಯಿ ಸಾಲವನ್ನು ಪಡೆಯುವುದು ಹೇಗೆ, ಇಲ್ಲಿದೆ ವಿವರ ಮುಂದೆ ಓದಿ....

ಎಕ್ಸ್‌ಪ್ರೆಸ್ ಕ್ರೆಡಿಟ್ ವೇತನವನ್ನು ಪಡೆಯುವವರಿಗೆ ನೀಡುವ ಸಾಲವಾಗಿದೆ. ಡಿಜಿಟಲ್ ಆಪ್ ಮೂಲಕ ಈ ಸಾಲವನ್ನು ಪಡೆಯಬಹುದು. ಇದು ಸಂಪೂರ್ಣವಾಗಿ ಕಾಗದರಹಿತವಾಗಿದೆ. ನೀವು ಮನೆಯಲ್ಲೇ ಕುಳಿತು ಈ ಸಾಲವನ್ನು ಸಲ್ಲಿಸಬಹುದು. ಇದು ಕೇವಲ 8 ಹಂತಗಳ ಪ್ರಕ್ರಿಯೆಯಾಗಿದೆ.

ಕೇಂದ್ರ, ರಾಜ್ಯ ಸರ್ಕಾರ ಹಾಗೂ ಡಿಫೆನ್ಸ್‌ನಲ್ಲಿರುವ ವೇತನ ಪಡೆಯುವ ಗ್ರಾಹಕರು ಈ ಸಾಲವನ್ನು ಪಡೆಯಬೇಕಾದರೆ ಎಸ್‌ಬಿಐ ಬ್ಯಾಂಕ್‌ಗೆ ಭೇಟಿ ನೀಡಬೇಕಾಗಿಲ್ಲ. ಕ್ರೆಡಿಟ್ ಚೆಕ್, ಸಾಲ ಪಡೆಯುವ ಅರ್ಹತೆ ಚೆಕ್ ಮಾಡುವುದು, ಶುಲ್ಕ, ದಾಖಲೆ ಎಲ್ಲವು ಕೂಡಾ ಆನ್‌ಲೈನ್ ಮೂಲಕ ನಡೆಯಲಿದೆ.

ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ ಎಸ್‌ಬಿಐ ಚೇರ್‌ಮನ್ ದಿನೇಶ್ ಖಾರಾ, "ನಮ್ಮ ಕ್ವಾಲಿಫೈಡ್ ಗ್ರಾಹಕರಿಗೆ ನಾವು ಯೋನೋ ಆಪ್ ಮೂಲಕ ರಿಯಲ್-ಟೈಮ್ ಎಕ್ಸ್‌ಪ್ರೆಸ್ ಕ್ರೆಡಿಟ್ (ಆರ್‌ಟಿಎಕ್ಸ್‌ಸಿ) ಸಾಲವನ್ನು ಪಡೆಯಬಹುದು. ಡಿಜಿಟಲ್ ರೂಪದಲ್ಲಿ ಸಾಲವನ್ನು ಪಡೆಯಬಹುದು. ಯಾವುದೇ ತೊಂದರೆ ಇಲ್ಲದೆ, ಯಾವುದೇ ಕಾಗದ ದಾಖಲೆಯನ್ನು ಸಲ್ಲಿಸದೆ ಸಾಲವನ್ನು ಪಡೆಯಬಹುದು," ಎಂದು ತಿಳಿಸಿದ್ದಾರೆ.