Senior Citizens FD: ಎಫ್‌ಡಿ ಮೇಲೆ ಭರ್ಜರಿ ಬಡ್ಡಿದರ ನೀಡಲಿದೆ ಈ ಬ್ಯಾಂಕ್, ಶೇ.9.5 ರಷ್ಟು ರಿಟರ್ನ್

ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (ಆರ್‌ಬಿಐ) ಸತತ ನಾಲ್ಕನೇ ಬಾರಿಗೆ ರೆಪೋ ದರವನ್ನು ಸ್ಥಿರವಾಗಿರಿಸಿದೆ. ಇದಾದ ಬಳಿಕ ಅನೇಕ ಹಣಕಾಸು ಸೇವಾ ಪೂರೈಕೆದಾರರು ತಮ್ಮ ಫಿಕ್ಸಿಡ್ ಡೆಪಾಸಿಟ್‌ಗಳ ಮೇಲಿನ ಬಡ್ಡಿದರವನ್ನು ಪರಿಷ್ಕರಿಸಿದ್ದಾರೆ. ಎಂದಿನಂತೆಯೇ ನಾವು ಇತರೆ ಬ್ಯಾಂಕ್‌ಗಳಿಗೆ ಹೋಲಿಕೆ ಮಾಡಿದಾಗ ಸಣ್ಣ ಹಣಕಾಸು ಬ್ಯಾಂಕ್‌ಗಳು ಗ್ರಾಹಕರಿಗೆ ಹೆಚ್ಚು ಆಕರ್ಷಕ ಆದಾಯವನ್ನು ನೀಡುವುದನ್ನು ಮುಂದುವರಿಸಿದೆ.

ಅಂತಹ ಒಂದು ಸಣ್ಣ ಹಣಕಾಸು ಬ್ಯಾಂಕ್‌ ಯೂನಿಟಿ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ಆಗಿದೆ. ಈ ಬ್ಯಾಂಕ್ ಫಿಕ್ಸಿಡ್ ಡೆಪಾಸಿಟ್‌ಗಳ ಮೇಲೆ ಶೇಕಡ 9.5 ರಷ್ಟು ಬಡ್ಡಿದರವನ್ನು ನೀಡಲಾಗುತ್ತದೆ. ಹಿರಿಯ ನಾಗರಿಕರು ಯೂನಿಟಿ ಎಸ್‌ಎಫ್‌ಬಿಯಲ್ಲಿ ಭಾರೀ ಆದಾಯವನ್ನು ಗಳಿಸಬಹುದಾಗಿದೆ. ಈ ಬಗ್ಗೆ ಇಲ್ಲಿದೆ ಅಧಿಕ ಮಾಹಿತಿ ಮುಂದೆ ಓದಿ...

ಹಿರಿಯ ನಾಗರಿಕರಿಗೆ ಎಫ್‌ಡಿ ಬಡ್ಡಿದರ

ಯೂನಿಟಿ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ಹಿರಿಯ ನಾಗರಿಕರಿಗೆ 1001 ದಿನಗಳ ಅವಧಿಗೆ ಎಫ್‌ಡಿ ಮೇಲೆ ಶೇಕಡ 9.5 ರಷ್ಟು ಬಡ್ಡಿದರವನ್ನು ನೀಡಲಾಗುತ್ತದೆ. ಆದರೆ 701 ದಿನಗಳ ಅವಧಿಯ ಎಫ್‌ಡಿ ಮೇಲೆ ಶೇಕಡ 9.45 ರಷ್ಟು ಬಡ್ಡಿದರ ನೀಡಲಾಗುತ್ತದೆ. ಅಲ್ಲದೆ, 6 ತಿಂಗಳು - 201 ದಿನಗಳು ಮತ್ತು 501 ದಿನಗಳಿಗಿಂತ ಹೆಚ್ಚಿನ ಅವಧಿಗಳಲ್ಲಿ ಶೇಕಡ 9.25 ರಷ್ಟು ಬಡ್ಡಿದರವನ್ನು ನೀಡಲಾಗುತ್ತದೆ.

ಇದಲ್ಲದೆ ಎಸ್‌ಎಫ್‌ಬಿ 1002 ದಿನಗಳಿಂದ 5 ವರ್ಷಗಳ ಅವಧಿಗೆ ಶೇಕಡ 8.15 ರಷ್ಟು ಬಡ್ಡಿದರವನ್ನು ನೀಡುತ್ತಿದೆ. 18 ತಿಂಗಳು- 700 ದಿನಗಳು ಮತ್ತು 702 ದಿನಗಳ ಅವಧಿಯ ಎಫ್‌ಡಿ ಮೇಲೆ ಶೇಕಡ 7.90 ರಷ್ಟು ಬಡ್ಡಿಯನ್ನು ನೀಡಲಾಗುತ್ತದೆ. ಹೆಚ್ಚುವರಿಯಾಗಿ, ಬ್ಯಾಂಕ್ 1 ವರ್ಷದಿಂದ 500 ದಿನಗಳಲ್ಲಿ ಮತ್ತು 502 ದಿನಗಳು - 18 ತಿಂಗಳುಗಳಲ್ಲಿ ಮೆಚ್ಯೂರ್ ಆಗುವ ಎಫ್‌ಡಿ ಮೇಲೆ ಶೇಕಡ 7.85 ರಷ್ಟು ಬಡ್ಡಿದರವನ್ನು ನೀಡಲಾಗುತ್ತದೆ.

5 ವರ್ಷದಿಂದ 10 ವರ್ಷಗಳ ಅವಧಿ ಎಫ್‌ಡಿ ಮೇಲೆ ಶೇಕಡ 7.50 ರಷ್ಟು ಬಡ್ಡಿದರವನ್ನು ನೀಡಲಾಗುತ್ತದೆ. ಇದಲ್ಲದೆ, 202 - 364 ದಿನಗಳ ಅವಧಿಯ ಎಫ್‌ಡಿ ಮೇಲೆ ಶೇಕಡ 7.25 ರಷ್ಟು ಬಡ್ಡಿದರ ನೀಡಲಾಗುತ್ತದೆ. 91 ದಿನಗಳಿಂದ 6 ತಿಂಗಳ ಅವಧಿಯ ಎಫ್‌ಡಿ ಮೇಲೆ ಶೇಕಡ 6.25 ರಷ್ಟು ಬಡ್ಡಿದರವನ್ನು ನೀಡಲಾಗುತ್ತದೆ. 1 - 90 ದಿನಗಳ ಎಫ್‌ಡಿ ಮೇಲೆ ಶೇಕಡ 6 ರಷ್ಟು ಬಡ್ಡಿದರವಾಗಿದೆ. 7 ದಿನಗಳಿಂದ 60 ದಿನಗಳವರೆಗೆ ಕಡಿಮೆ ಅವಧಿಗಳ ಎಫ್‌ಡಿ ಬಡ್ಡಿದರವು ಶೇಕಡ 4.50 ರಿಂದ ಶೇಕಡ 5.75 ವರೆಗೆ ಇದೆ.

ಸಾಮಾನ್ಯ ನಾಗರಿಕರಿಗೆ ಎಷ್ಟು ಬಡ್ಡಿದರ?

ಸಾಮಾನ್ಯ ನಾಗರಿಕರಿಗೆ ಎಸ್‌ಎಫ್‌ಬಿ 1001 ದಿನಗಳ ಅವಧಿಗೆ ಶೇಕಡ 9 ರಷ್ಟು ಬಡ್ಡಿದರ ನೀಡುತ್ತದೆ. 701 ದಿನಗಳ ಎಫ್‌ಡಿ ಮೇಲೆ ಶೇಕಡ 8.95 ಬಡ್ಡಿದರ, 6 ತಿಂಗಳಿಂದ 201 ದಿನಗಳು ಮತ್ತು 501 ದಿನಗಳ ಅವಧಿ ಎಫ್‌ಡಿ ಮೇಲೆ ಶೇಕಡ 8.75 ಬಡ್ಡಿದರ ನೀಡಲಾಗುತ್ತದೆ. ಬಡ್ಡಿಯ ದರವು 1002 ದಿನಗಳಿಂದ 5 ವರ್ಷಗಳ ಅವಧಿಗೆ ಶೇಕಡ 7.65 ಆಗಿದೆ. 18 ತಿಂಗಳುಗಳ ಎಫ್‌ಡಿ ಬಡ್ಡಿದರ ಶೇಕಡ 7.40 ಆಗಿದೆ. 700 ದಿನಗಳು ಮತ್ತು 702 ದಿನಗಳು- 1000 ದಿನಗಳ ಎಫ್‌ಡಿಗೆ ಶೇಕಡ 7.40 ರಷ್ಟು ಬಡ್ಡಿದರ ನೀಡಲಾಗುತ್ತದೆ.

1 ವರ್ಷದಿಂದ 500 ದಿನಗಳ ಅವಧಿ ಎಫ್‌ಡಿ ಮೇಲೆ ಶೇಕಡ 7.35 ಬಡ್ಡಿದರವಾಗಿದೆ. 502 ದಿನಗಳು - 18 ತಿಂಗಳುಗಳ ಎಫ್‌ಡಿ ಮೇಲೆಯೂ ಇಷ್ಟೇ ಬಡ್ಡಿದರ ನೀಡಲಾಗುತ್ತದೆ. 5 ವರ್ಷಗಳಲ್ಲಿ - 10 ವರ್ಷಗಳ ಅವಧಿಯ ಎಫ್‌ಡಿ ಮೇಲೆ ಶೇಕಡ 7 ರಷ್ಟು ಬಡ್ಡಿದರವನ್ನು ನೀಡಲಾಗುತ್ತದೆ.