Shriram Finance FD: ಬಡ್ಡಿ ದರ ಪರಿಷ್ಕರಣೆ... ಹೆಚ್ಚಿನ ಬಡ್ಡಿಯ ಲಾಭ ಯಾರೆಗೆಲ್ಲಾ ಸಿಗುತ್ತೆ? ಇಲ್ಲಿ ತಿಳಿಯಿರಿ

ಶ್ರೀರಾಮ್ ಗ್ರೂಪ್ಸ್‌ನ ಫೈನಾನ್ಸ್ ಲಿಮಿಟೆಡ್ ತನ್ನ ಗ್ರಾಹಕರಿಗೆ ಸಿಹಿ ಸುದ್ದಿ ನೀಡಿದೆ. ಅದೇನೆಂದರೆ ನಾಳೆ (ಜೂನ್‌ 26) ವಿವಿಧ ಮುಕ್ತಾಯ ಅವಧಿಗಳಲ್ಲಿ ಸ್ಥಿರ ಠೇವಣಿಗಳ (FD) ಬಡ್ಡಿದರಗಳಲ್ಲಿ ಪರಿಷ್ಕರಣೆಯನ್ನು ಮಾಡಲಾಗಿದೆ.

ಹೌದು,ಶ್ರೀರಾಮ್ ಗ್ರೂಪ್ಸ್‌ನ ಫೈನಾನ್ಸ್ ಲಿಮಿಟೆಡ್ ಹೆಚ್ಚಿನ ಎಫ್‌ಡಿ ಯೋಜನೆಗಳ ಮೇಲಿನ ಬಡ್ಡಿದರಗಳನ್ನು 40 ಬೇಸಿಸ್ ಪಾಯಿಂಟ್‌ಗಳವರೆಗೆ (bps) ಕಡಿಮೆ ಮಾಡಲಾಗಿದೆ. 12 ತಿಂಗಳ ಠೇವಣಿಗಳಿಗೆ ಮಾತ್ರ 30 ಬೇಸಿಸ್ ಪಾಯಿಂಟ್‌ಗಳ ಕಡಿತವನ್ನು ಘೋಷಿಸಲಾಗಿದೆ. ಈ ಹೊಸ ಬಡ್ಡಿದರಗಳು ಜೂನ್ 26, 2025 ರಿಂದ ಜಾರಿಗೆ ಬರುತ್ತವೆ.

ಶ್ರೀರಾಮ್ ಫೈನಾನ್ಸ್, ಭಾರತದಲ್ಲಿ ಪ್ರಮುಖ ನಾನ್-ಬ್ಯಾಂಕಿಂಗ್ ಫೈನಾನ್ಸ್ ಕಂಪನಿಯಾಗಿದೆ. ಇದರ ಹೊಸ ಬಡ್ಡಿ ದರಗಳು ಸ್ಥಳೀಯ ಮತ್ತು ಡಿಜಿಟಲ್ ಠೇವಣಿಕಾರರು, ಇಬ್ಬರೂ ಎಫ್ಇ ಡಿ ಗಳಲ್ಲಿ ಹೂಡಿಕೆ ಮಾಡುವ ಪ್ರಕ್ರಿಯೆಯನ್ನು ಹೆಚ್ಚು ಆಕರ್ಷಕ ಬಡ್ಡಿಯನ್ನು ನೀಡುತ್ತದೆ. ಶ್ರೀರಾಮ್ ಫೈನಾನ್ಸ್ ಹಿರಿಯ ನಾಗರಿಕರು ಮತ್ತು ಮಹಿಳಾ ಠೇವಣಿಕಾರರಿಗೆ ಹೆಚ್ಚುವರಿ ಬಡ್ಡಿಯನ್ನು ನೀಡಲಾಗುತ್ತದೆ. 60 ವರ್ಷಕ್ಕಿಂತ ಹೆಚ್ಚು ವಯಸ್ಸು ಆದ ಹಿರಿಯ ನಾಗರಿಕರಿಗೆ ಶೇಕಡಾ 0.50ರಷ್ಟು ಬಡ್ಡಿ ಮತ್ತು ಮಹಿಳಾ ಠೇವಣಿದಾರರಿಗೆ ಹೆಚ್ಚುವರಿ ಪ್ರಯೋಜನವನ್ನು ಬಡ್ಡಿಯ ಪ್ರಯೋಜನವನ್ನು ನೀಡಲು ಶೇ. 0.05 ಕ್ಕೆ ಪರಿಷ್ಕರಿಸಲಾಗಿದೆ.

ಶ್ರೀರಾಮ್ ಫೈನಾನ್ಸ್‌ನ ಪರಿಷ್ಕೃತ ಎಫ್‌ಡಿ ಬಡ್ಡಿದರಗಳು

ಶ್ರೀರಾಮ್ ಫೈನಾನ್ಸ್‌ನ ಪರಿಷ್ಕೃತ ಎಫ್‌ಡಿ ಬಡ್ಡಿದರಗಳ ಪ್ರಕಾರ, 12 ತಿಂಗಳ ಅವಧಿಯ ಠೇವಣಿಗಳ ಬಡ್ಡಿದರವನ್ನು ಈಗಿರುವ ಶೇ. 7.65 ರಿಂದ ಶೇ.7.35ಕ್ಕೆ ಇಳಿಸಲಾಗಿದೆ. 15 ತಿಂಗಳ ಡಿಜಿಟಲ್ ಠೇವಣಿಗಳ ದರವನ್ನು 7.90% ರಿಂದ 7.50% ಕ್ಕೆ ಮತ್ತು 18 ತಿಂಗಳ ಠೇವಣಿಗಳ ದರವನ್ನು 7.80% ರಿಂದ 7.40% ಕ್ಕೆ ಇಳಿಸಲಾಗಿದೆ. ಅದೇ ರೀತಿ, 24 ತಿಂಗಳ ಎಫ್‌ಡಿ ಬಡ್ಡಿದರವನ್ನು 7.90% ರಿಂದ 7.50% ಕ್ಕೆ ಇಳಿಸಲಾಗಿದೆ. ಅಲ್ಲದೆ, 36 ತಿಂಗಳು, 50 ತಿಂಗಳು ಮತ್ತು 60 ತಿಂಗಳ ದೀರ್ಘಾವಧಿಯ ಠೇವಣಿಗಳ ಗರಿಷ್ಠ ಬಡ್ಡಿದರವನ್ನು ಈಗಿರುವ 8.40% ರಿಂದ 8.00% ಕ್ಕೆ ಇಳಿಸಲಾಗಿದೆ.

ಅವಧಿ ಪೂರ್ಣಗೊಳ್ಳುವ ಠೇವಣಿಗಳು

ವಾರ್ಷಿಕ ಹೆಚ್ಚುವರಿ 0.15% ಅನ್ವಯವಾಗುತ್ತದೆ. 10 ಕೋಟಿ ರೂ.ಗಿಂತ ಹೆಚ್ಚಿನ ಠೇವಣಿಗಳಿಗೆ, ಅನ್ವಯವಾಗುವ ಬಡ್ಡಿದರವು ಪ್ರಕಟಿತ ವೇಳಾಪಟ್ಟಿ ದರಕ್ಕಿಂತ ಬದಲಾಗಬಹುದು ಆದರೆ ಭಾರತೀಯ ರಿಸರ್ವ್ ಬ್ಯಾಂಕ್ (RBI) ನಿರ್ದಿಷ್ಟಪಡಿಸಿದ ಬಡ್ಡಿದರಗಳ ವ್ಯಾಪ್ತಿಯಲ್ಲಿ ಉಳಿಯುತ್ತದೆ ಎಂದು ಶ್ರೀರಾಮ್ ಫೈನಾನ್ಸ್ ಹೇಳಿದೆ.

ಹೆಚ್ಚುವರಿ ಎಫ್‌ ಡಿ ಬಡ್ಡಿದರಗಳ ಪ್ರಯೋಜನಗಳೇನು..?

• 60ವರ್ಷ ಮೇಲ್ಪಟ್ಟ ಹಿರಿಯ ನಾಗರಿಕ ಠೇವಣಿದಾದರು ಹೊಸ ಪರಿಷ್ಕೃತ ಬಡ್ಡಿದರದಡಿಯಲ್ಲಿ ವರ್ಷಕ್ಕೆ ಶೇಕಡಾ 0.50ರಷ್ಟು ಹೆಚ್ಚುವರಿ ಬಡ್ಡಿಗೆ ಅರ್ಹತೆಯನ್ನು ಹೊಂದಿರುತ್ತಾರೆ.
• ಮಹಿಳಾ ಠೇವಣಿದಾರರು ವರ್ಷಕ್ಕೆ ಶೇಕಡಾ 0.05ರಷ್ಟು ಹೆಚ್ಚುವರಿ ಬಡ್ಡಿಯನ್ನು ಪಡೆಯಲ್ಲಿ ಅವಕಾಶವಿದೆ.
• ಪ್ರಬುದ್ಧ ಠೇವಣಿಗಳ ನವೀಕರಣಗಳು ವಾರ್ಷಿಕ ಶೇ. 0.15 ಹೆಚ್ಚುವರಿ ಬಡ್ಡಿಯನ್ನು ಆಕರ್ಷಿಸುತ್ತವೆ.
• 10 ಕೋಟಿಗಿಂತ ಹೆಚ್ಚಿನ ಠೇವಣಿಗಳಿಗೆ, ಅನ್ವಯವಾಗುವ ಬಡ್ಡಿದರವು ಪ್ರಕಟಿತ ಕಾರ್ಡ್ ದರಕ್ಕಿಂತ ಬದಲಾಗಬಹುದು ಆದರೆ RBI ನಿರ್ದಿಷ್ಟಪಡಿಸಿದ ಬಡ್ಡಿದರದ ಮಿತಿಯೊಳಳಿಗೆಯೇ ಬಡ್ಡಿ ದರವನ್ನು ಒಳಗೊಂಡಿರುತ್ತದೆ.

ಜೂನ್ 26, 2025 ರಿಂದ ಪರಿಷ್ಕೃತಗೊಂಡಿರುವ ಸ್ಥಿರ ಹೂಡಿಕೆ ಯೋಜನೆ (Fixed Investment Plan - FIP) ಬಡ್ಡಿ ದರಗಳು ಈ ಕೆಳಗಿನಂತಿವೆ.

ಸ್ಥಿರ ಹೂಡಿಕೆ ಯೋಜನೆ (FIP) ಬಡ್ಡಿದರಗಳು

ಸ್ಥಿರ ಹೂಡಿಕೆ ಯೋಜನೆಗೆ, 12 ರಿಂದ 23 ತಿಂಗಳ ಅವಧಿಯ ಬಡ್ಡಿದರವನ್ನು 8.50% ರಿಂದ 7.35% ಕ್ಕೆ ಗಮನಾರ್ಹವಾಗಿ ಕಡಿಮೆ ಮಾಡಲಾಗಿದೆ. 24 ರಿಂದ 35 ತಿಂಗಳ ಠೇವಣಿಗಳ ದರವನ್ನು 8.75% ರಿಂದ 7.50% ಕ್ಕೆ ಮತ್ತು 36 ರಿಂದ 48 ತಿಂಗಳ ದೀರ್ಘಾವಧಿಯ ಠೇವಣಿಗಳ ದರವನ್ನು 9.00% ರಿಂದ 8.00% ಕ್ಕೆ ಪರಿಷ್ಕರಿಸಲಾಗಿದೆ. ಹೂಡಿಕೆದಾರರು ತಮ್ಮ ಹಣಕಾಸಿನ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಮೊದಲು ಎಚ್ಚರಿಕೆಯಿಂದ ಮೌಲ್ಯಮಾಪನ ಮಾಡಲು ಈ ಬದಲಾವಣೆಗಳು ಮುಖ್ಯವಾಗಿವೆ.

ಸ್ಥಿರ ಹೂಡಿಕೆ ಯೋಜನೆ 'ಶ್ರೀರಾಮ್ ಒನ್' ಮೊಬೈಲ್ ಅಪ್ಲಿಕೇಶನ್ ಮತ್ತು ಕಂಪನಿಯ ವೆಬ್‌ಸೈಟ್ ಮೂಲಕ ಮಾತ್ರ ಸೇವೆಗಳು ಲಭ್ಯವಿದೆ.ಸ್ಥಿರ ಹೂಡಿಕೆ ಯೋಜನೆಯ (FIP) ಇತರ ನಿಯಮಗಳು ಮತ್ತು ಷರತ್ತುಗಳು ಬದಲಾಗದೆ ಉಳಿಯುತ್ತವೆ.ಈ ಪರಿಷ್ಕೃತ ದರಗಳು ಜೂನ್ 26, 2025 ರಿಂದ ಅನ್ವಯವಾಗುತ್ತವೆ.

ಶ್ರೀರಾಮ್ ಫೈನಾನ್ಸ್ ಲಿಮಿಟೆಡ್ ಭಾರತದ ಅತಿದೊಡ್ಡ ಚಿಲ್ಲರೆ ಆಸ್ತಿ ಹಣಕಾಸು ಬ್ಯಾಂಕೇತರ ಹಣಕಾಸು ಕಂಪನಿಗಳಲ್ಲಿ ಒಂದಾಗಿದೆ. ಗ್ರಾಹಕ ಹಣಕಾಸು, ಜೀವ ವಿಮೆ, ಸಾಮಾನ್ಯ ವಿಮೆ, ಸ್ಟಾಕ್ ಬ್ರೋಕಿಂಗ್ ಮತ್ತು ವಿತರಣಾ ವಲಯಗಳಲ್ಲಿ ಪ್ರಮುಖವಾಗಿ ಕಾರ್ಯನಿರ್ವಹಿಸುತ್ತಿದೆ. ಶ್ರೀರಾಮ್ ಫೈನಾನ್ಸ್ ಸುಮಾರು ಅಂದಾಜು 2.63 ಟ್ರಿಲಿಯನ್‌ಗಿಂತಲೂ ಹೆಚ್ಚಿನ ಆಸ್ತಿಯನ್ನು ನಿರ್ವಹಣೆ ಮಾಡುತ್ತಿದೆ.

1979ರಲ್ಲಿ ಸ್ಥಾಪನೆಯಾದ ಶ್ರೀರಾಮ್ ಫೈನಾನ್ಸ್ ಕೃಷಿ, ಉಳಿತಾಯ, ಮತ್ತು ಬ್ಯೂಸಿನೆಸ್ ಲೋನ್ಸ್ ಸೇರಿದಂತೆ ಹಲವು ಆರ್ಥಿಕ ಸೇವೆಗಳು SFLನಿಗೆ ವಿಶಿಷ್ಟವಾಗಿವೆ. ಶ್ರೀರಾಮ್ ಫೈನಾನ್ಸ್ ಲಿಮಿಟೆಡ್, 45 ವರ್ಷಗಳಿಂದ ತನ್ನ ಗ್ರಾಹಕರಿಗೆ ಅತ್ಯುತ್ತಮ ಹಣಕಾಸು ಸೇವೆಗಳನ್ನು ಒದಗಿಸುತ್ತಿದೆ.

ಇದು ಸಣ್ಣ ರಸ್ತೆ ಸಾರಿಗೆ ನಿರ್ವಾಹಕರು ಮತ್ತು ಸಣ್ಣ ವ್ಯಾಪಾರ ಮಾಲೀಕರ ಆರ್ಥಿಕ ಅಗತ್ಯಗಳನ್ನು ಪೂರೈಸುವ ಗುರಿಯನ್ನು ಹೊಂದಿದೆ. ಅದರಲ್ಲೂ ವಾಣಿಜ್ಯ ವಾಹನಗಳು ಮತ್ತು ದ್ವಿಚಕ್ರ ವಾಹನಗಳಿಗೆ ಹಣಕಾಸು ಸಾಲವನ್ನು ನೀಡುವಲ್ಲಿ ಮುಂಚೂಣಿಯಲ್ಲಿದೆ.

ವಾಣಿಜ್ಯ ವಾಹನಗಳು, ಸಣ್ಣ ಮತ್ತು ಮಧ್ಯಮ ಕೈಗಾರಿಕೆಗಳಿಗೆ (MSME) ಸಾಲಗಳು, ಟ್ರಾಕ್ಟರ್‌ಗಳು ಮತ್ತು ಕೃಷಿ ಉಪಕರಣಗಳು, ಚಿನ್ನ, ವೈಯಕ್ತಿಕ ಸಾಲಗಳು ಮತ್ತು ಕಾರ್ಯನಿರತ ಬಂಡವಾಳ ಸಾಲಗಳನ್ನು ಒಳಗೊಂಡಂತೆ ವಿವಿಧ ಉತ್ಪನ್ನಗಳಿಗೆ ಹಣಕಾಸು ನೆರವುವನ್ನು ನೀಡುತ್ತದೆ.3,220 ಶಾಖೆಗಳನ್ನು ಹೊಂದಿದ್ದು, 79,872 ಉದ್ಯೋಗಿಗಳನ್ನು ಒಳಗೊಂಡಿದೆ. ಇದುವರೆಗೂ 95.56 ಲಕ್ಷ ಗ್ರಾಹಕರಿಗೆ ಶ್ರೀರಾಮ್ ಫೈನಾನ್ಸ್ ಮೂಲಕ ಸೇವೆಯನ್ನು ಸಲ್ಲಿಸಿದೆ.

ಒಟ್ಟಾರೆಯಾಗಿ, ಹೇಳುವುದಾದರೆ ಶ್ರೀರಾಮ್ ಫೈನಾನ್ಸ್ ಲಿಮಿಟೆಡ್ ಭಾರತದ ಹಣಕಾಸು ವಲಯದಲ್ಲಿ ತನ್ನದೇ ಆದ ಛಾಪುನ್ನು ಮೂಡಿಸಿ,ಗ್ರಾಹಕರ ವಿಶ್ವಾಸವನ್ನು ಗಳಿಸಿ ಅಪಾರ ಯಶಸ್ಸುನ್ನು ಕಂಡಿದೆ.