Vaishno Devi: ವೈಶ್ಣೋದೇವಿ ಪ್ರವಾಸ ಪ್ಯಾಕೇಜ್ ದರ, ಇತರೆ ಮಾಹಿತಿ

ಇಂಡಿಯನ್ ರೈಲ್ವೆ ಕ್ಯಾಟರಿಂಗ್ ಆಂಡ್ ಟೂರಿಸಂ ಕಾರ್ಪೋರೇಷನ್ (ಐಆರ್‌ಸಿಟಿಸಿ) ಹಲವಾರು ವಿಶೇಷ ಪ್ರವಾಸ ಪ್ಯಾಕೇಜ್ ಅನ್ನು ಆರಂಭ ಮಾಡುತ್ತಿದೆ. ಕೆಲವೊಂದು ಪ್ರವಾಸ ಪ್ಯಾಕೇಜ್‌ಗಳು ವಾರದ ಲೆಕ್ಕಾಚಾರದಲ್ಲಿದೆ. ಅಂದರೆ ಪ್ರತಿ ವಾರ ನಿಗದಿತ ದಿನಾಂಕದಂದು ಕೆಲವು ಪ್ರವಾಸ ಪ್ಯಾಕೇಜ್‌ಗಳಿದೆ. ಅದರಂತೆಯೇ ವೈಶ್ಣೋದೇವಿ ಪ್ರವಾಸ ಕೂಡಾ ಒಂದಾಗಿದೆ.

ಪ್ರತಿ ಬುಧವಾರದಂದು ವೈಶ್ಣೋದೇವಿ ಪ್ರವಾಸ ಆರಂಭವಾಗುತ್ತದೆ. ಇದು ಒಟ್ಟಾಗಿ 5 ರಾತ್ರಿಗಳು ಮತ್ತು ಆರು ದಿನಗಳ ಪ್ರವಾಸ ಪ್ಯಾಕೇಜ್ ಆಗಿದೆ. ರೈಲಿನ ಪ್ರವಾಸ ಇದಾಗಿದ್ದು, ಒಂದು ಪ್ರದೇಶದಿಂದ ಇನ್ನೊಂದು ಪ್ರದೇಶಕ್ಕೆ ಕಾರಿನ ಮೂಲಕ ಪ್ರಯಾಣ ಮಾಡಬಹುದಾಗಿದೆ. ಹೊಟೇಲ್‌ನಲ್ಲಿ ತಂಗಲು ವ್ಯವಸ್ಥೆ ಇರುತ್ತದೆ. ಹಾಗೆಯೇ ಊಟದ ವ್ಯವಸ್ಥೆ ಇರುತ್ತದೆ. ವಿಮೆ ಕೂಡಾ ಪ್ಯಾಕೇಜ್‌ನಲ್ಲಿ ಸೇರ್ಪಡೆಯಾಗುತ್ತದೆ.

ಪ್ಯಾಕೇಜ್ ವಿವರ ಇಲ್ಲಿದೆ

ಪ್ಯಾಕೇಜ್‌ನ ಸಂಪೂರ್ಣ ಹೆಸರು: ಮಾತಾ ವೈಶ್ಣೋ ದೇವಿ ದರ್ಶನ ಎಂದಾಗಿದೆ.
ದಿನಗಳು: 5 ರಾತ್ರಿ, 6 ದಿನಗಳು
ಟ್ರೈನ್ ಸಂಖ್ಯೆ: 12477 / 12478
ವಾರ: ಪ್ರತಿ ಬುಧವಾರ

3ಎಸಿ ಕಮ್ಫಾರ್ಟ್‌ನಲ್ಲಿ ವಯಸ್ಕರಿಗೆ ಒಬ್ಬರಿಗೆ ಪ್ಯಾಕೇಜ್ ದರವು 23500 ರೂಪಾಯಿ ಆಗಿದೆ. ವಯಸ್ಕರು ಇಬ್ಬರಿದ್ದರೆ ಪ್ರತಿ ವ್ಯಕ್ತಿಯ ಪ್ಯಾಕೇಜ್ ದರವು 14900 ರೂಪಾಯಿ ಆಗಿದೆ. ವಯಸ್ಕರು ಮೂವರು ಇದ್ದರೆ, ಪ್ರತಿ ವ್ಯಕ್ತಿಯ ಪ್ಯಾಕೇಜ್ ದರ 13100 ರೂಪಾಯಿ ಆಗಿದೆ. 5-11 ವರ್ಷದ ಮಗುವಿಗೆ ಪ್ಯಾಕೇಜ್ ದರ 12100 ರೂಪಾಯಿ ಆಗಿದೆ. 5-11 ವರ್ಷದ ಮಗುವಿಗೆ ಬೆಡ್ ಇಲ್ಲದೆ ಪ್ಯಾಕೇಜ್ ದರ 10900 ರೂಪಾಯಿ ಆಗಿದೆ.

ಎಸ್‌ಎಲ್‌ ಕಮ್ಫಾರ್ಟ್‌ನಲ್ಲಿ ವಯಸ್ಕರಿಗೆ ಒಬ್ಬರಿಗೆ ಪ್ಯಾಕೇಜ್ ದರವು 19900 ರೂಪಾಯಿ ಆಗಿದೆ. ವಯಸ್ಕರು ಇಬ್ಬರಿದ್ದರೆ ಪ್ರತಿ ವ್ಯಕ್ತಿಯ ಪ್ಯಾಕೇಜ್ ದರವು 11300 ರೂಪಾಯಿ ಆಗಿದೆ. ವಯಸ್ಕರು ಮೂವರು ಇದ್ದರೆ, ಪ್ರತಿ ವ್ಯಕ್ತಿಯ ಪ್ಯಾಕೇಜ್ ದರ 9500 ರೂಪಾಯಿ ಆಗಿದೆ. 5-11 ವರ್ಷದ ಮಗುವಿಗೆ ಪ್ಯಾಕೇಜ್ ದರ 8500 ರೂಪಾಯಿ ಆಗಿದೆ. 5-11 ವರ್ಷದ ಮಗುವಿಗೆ ಬೆಡ್ ಇಲ್ಲದೆ ಪ್ಯಾಕೇಜ್ ದರ 7300 ರೂಪಾಯಿ ಆಗಿದೆ.

ದಿನ 1 (ಬುಧವಾರ): ರಾಜ್‌ಕೋಟ್ ರೈಲು ನಿಲ್ದಾಣದಿಂದ 08:15 ಗಂಟೆಗೆ ರೈಲು ನಂ. 12477 ದಲ್ಲಿ ಪ್ರಯಾಣ ಆರಂಭ

ದಿನ 2: 5:40 ಕ್ಕೆ ಕತ್ರಾ ರೈಲು ನಿಲ್ದಾಣಕ್ಕೆ ಆಗಮನ. ಹೋಟೆಲ್/ರೆಸ್ಟೋರೆಂಟ್‌ನಲ್ಲಿ ತಂಗುವುದು. ಸಂಜೆಯ ಉಪಾಹಾರ ಮಾಡಿ. ಕತ್ರಾದಲ್ಲಿ ರಾತ್ರಿಯ ತಂಗುವುದು.

ದಿನ 3: ಬೆಳಗಿನ ಉಪಾಹಾರದ ನಂತರ, ಮಾತಾ ವೈಷ್ಣೋ ದೇವಿ ಭವನಕ್ಕೆ ಪ್ರಯಾಣ. 12 ಕಿಲೋಮೀಟರ್ ಟ್ರೆಕ್ಕಿಂಗ್ ಇರುತ್ತದೆ. ದರ್ಶನಗಳನ್ನು ಮಾಡಲು ಪರ್ಯಾಯವಾಗಿ ಪೋನಿಗಳು/ಪಾಲ್ಕಿಗಳು/ಹೆಲಿಕಾಪ್ಟರ್ ಮೂಲಕ ಸಾಗಬಹುದು. ಸಮಯವಿದ್ದರೆ, ಭೈರೋ ದೇವಾಲಯಕ್ಕೆ ಭೇಟಿ. ಸಂಜೆ ಕತ್ರಾಕ್ಕೆ ವಾಪಾಸ್. ಕತ್ರಾದಲ್ಲಿ ರಾತ್ರಿ ತಂಗುವುದು.

ದಿನ 4: ಬೆಳಗಿನ ಉಪಾಹಾರದ ನಂತರ, ಶಿವ ಖೋರಿ ಪ್ರವಾಸ ಮಾಡುವುದು. ಶಿವನ ದರ್ಶನ ಪಡೆದು ಸಂಜೆ ಕತ್ರಾಗೆ ಹಿಂತಿರುಗುವುದು. ಸಮಯ ಸಿಕ್ಕರೆ ಸಿಯಾರ್ ಬಾಬಾ ಜಲಪಾತ, ಬಾಬಾ ಧನ್ಸಾಲ್ ಮತ್ತು ನೌ ದೇವಿ ದೇವಾಲಯಕ್ಕೆ ಭೇಟಿ ನೀಡುವುದು. ಕತ್ರಾದಲ್ಲಿ ರಾತ್ರಿ ತಂಗುವುದು.

ದಿನ 5: ಬೆಳಗಿನ ಉಪಾಹಾರದ ನಂತರ, ಹೋಟೆಲ್‌ನಿಂದ ಚೆಕ್‌ಔಟ್ ಮಾಡಿ. ಕತ್ರಾ ರೈಲು ನಿಲ್ದಾಣದಿಂದ 09:55ಗಂಟೆಗೆ ರೈಲು ಪ್ರಯಾಣ ಆರಂಭ

ದಿನ 6: ಜಾಮ್‌ನಗರ ರೈಲು ನಿಲ್ದಾಣಕ್ಕೆ ಸಂಜೆ 6:45ಕ್ಕೆ ತಲುಪುವುದು, ಇಲ್ಲಿಗೆ ಪ್ರವಾಸ ಅಂತ್ಯವಾಗುತ್ತದೆ.