Sandalwood Farm: ಶ್ರೀಗಂಧದ ಫಾರ್ಮ್ ನಿರ್ಮಿಸಿ ಪ್ರತಿ ವರ್ಷ 5 ಕೋಟಿ ರೂಪಾಯಿ ಗಳಿಸುವುದು ಹೇಗೆ?

ಹೆಚ್ಚುವರಿ ಆದಾಯವನ್ನು ಪಡೆಯಲು ಬಯಸುವವರು, ರಿಯಲ್ ಎಸ್ಟೇಟ್ ಹೂಡಿಕೆಗಳಿಂದ ಹಿಡಿದು ಆನ್‌ಲೈನ್ ವ್ಯವಹಾರಗಳವರೆಗೆ ಅನೇಕ ಹೂಡಿಕೆ ಆಯ್ಕೆಗಳನ್ನು ಹೊಂದಿರುತ್ತಾರೆ. ಆದರೆ ನಾವು ಕೃಷಿಯ ಮೂಲಕವೂ ಅಧಿಕ ಆದಾಯ ಗಳಿಸಬಹುದು ಎಂಬುವುದು ನಿಮಗೆ ತಿಳಿದಿದೆಯೇ?. ಈ ಪೈಕಿ ಹೆಚ್ಚು ಲಾಭದಾಯಕ ಉದ್ಯಮ ಶ್ರೀಗಂಧದ ಉತ್ಪಾದನೆಯಾಗಿದೆ.

ಶ್ರೀಗಂಧವು ತನ್ನ ವಿಶಿಷ್ಟವಾದ ಸುಗಂಧವನ್ನು ಹೊಂದಿದೆ. ಹಲವಾರು ಕೈಗಾರಿಕೆಗಳಲ್ಲಿ ವ್ಯಾಪಕವಾದ ಬೇಡಿಕೆಗೆ ಶ್ರೀಗಂಧದ ಫಾರ್ಮ್ ಹೆಸರುವಾಸಿಯಾಗಿದೆ. ಯಶಸ್ವಿ ಶ್ರೀಗಂಧದ ಕೃಷಿ ವ್ಯವಹಾರವನ್ನು ಪ್ರಾರಂಭಿಸುವ ಬಗ್ಗೆ ವಿವರವನ್ನು ಈ ಲೇಖನದಲ್ಲಿ ನೀಡಲಾಗಿದೆ. ವರ್ಷಕ್ಕೆ 5 ಕೋಟಿ ರೂಪಾಯಿಗಳವರೆಗೆ ಆದಾಯವನ್ನು ಗಳಿಸಲು ಸಾಧ್ಯವಾಗುತ್ತದೆ. ಈ ಬಗ್ಗೆ ಇಲ್ಲಿದೆ ವಿವರ...

ಶ್ರೀಗಂಧದ ಮರಗಳನ್ನು ನೆಡುವುದು

ಶ್ರೀಗಂಧದ ಮರಗಳನ್ನು ಎರಡು ಪ್ರಾಥಮಿಕ ವಿಧಾನಗಳನ್ನು ಬಳಸಿ ಬೆಳೆಸಬಹುದು. ಅದರಲ್ಲಿ ಒಂದು ಸಾವಯವ ಕೃಷಿ ಮತ್ತು ಇನ್ನೊಂದು ಸಾಂಪ್ರದಾಯಿಕ ಕೃಷಿಯಾಗಿದೆ. ಸಾವಯವ ವಿಧಾನದಲ್ಲಿ 10 ರಿಂದ 15 ವರ್ಷಗಳಲ್ಲಿ ಗಿಡವು ಮರವಾಗಿ ಬೆಳೆಯುತ್ತದೆ. ಆದರೆ ಸಾಂಪ್ರದಾಯಿಕ ವಿಧಾನದಲ್ಲಿ ಗಿಡವು ಮರವಾಗಿ ಬೆಳೆಯಲು 20 ರಿಂದ 25 ವರ್ಷಗಳು ಬೇಕಾಗುತ್ತವೆ.

ಆರಂಭಿಕ ಎಂಟು ವರ್ಷಗಳಲ್ಲಿ, ಮರಗಳಿಗೆ ಸಾಮಾನ್ಯವಾಗಿ ಕನಿಷ್ಠ ರಕ್ಷಣೆ ಅಗತ್ಯವಿರುತ್ತದೆ. ಒಮ್ಮೆ ಶ್ರೀಗಂಧದ ಮರದಿಂದ ಪರಿಮಳ ಬರಲು ಪ್ರಾರಂಭಿಸಿದರೆ, ಕಳ್ಳಸಾಗಾಣಿಕೆದಾರರು ಮತ್ತು ಪ್ರಾಣಿಗಳ ಬೆದರಿಕೆಯಿಂದ ರಕ್ಷಿಸುವುದು ಅತೀ ಮುಖ್ಯವಾಗುತ್ತದೆ. ಮರಳು ಅಥವಾ ಹಿಮ ಇರುವ ಪ್ರದೇಶವನ್ನು ಹೊರತುಪಡಿಸಿ, ಶ್ರೀಗಂಧದ ಮರಗಳು ವಿವಿಧ ಪ್ರದೇಶಗಳಲ್ಲಿ ಬೆಳೆಯಬಹುದು.

ಎಷ್ಟು ಲಾಭ ಲಭ್ಯವಾಗುತ್ತದೆ?

ಶ್ರೀಗಂಧದ ಕೃಷಿಯಿಂದ ಭಾರೀ ಲಾಭ ಲಭ್ಯವಾಗುವ ಭರವಸೆ ಇದೆ. ಒಂದು ಶ್ರೀಗಂಧದ ಮರವನ್ನು ನೆಟ್ಟರೆ ವಾರ್ಷಿಕವಾಗಿ ನೀವು 3 ರಿಂದ 5 ಲಕ್ಷ ರೂಪಾಯಿವರೆಗೆ ಆದಾಯವನ್ನು ಪಡೆಯಬಹುದು. 5 ರಿಂದ 10 ಮರಗಳನ್ನು ಬೆಳೆಸುವುದರಿಂದ ವಾರ್ಷಿಕವಾಗಿ 30 ಲಕ್ಷ ರೂಪಾಯಿಗಿಂತ ಅಧಿಕ ಆದಾಯವನ್ನು ಪಡೆಯಬಹುದು. 100 ಕ್ಕಿಂತ ಹೆಚ್ಚು ಬಲಿತ ಮರಗಳನ್ನು ಹೊಂದಿರುವವರಿಗೆ, ಆದಾಯವು ವರ್ಷಕ್ಕೆ 5 ಕೋಟಿ ರೂಪಾಯಿ ಆಗಿದೆ.

ಸರ್ಕಾರದ ನಿಯಮಗಳು

ನೀವು ಶ್ರೀಗಂಧದ ಕೃಷಿ ಅಥವಾ ಫಾರ್ಮ್ ಅನ್ನು ನಿರ್ಮಾಣ ಮಾಡಬೇಕಾದರೆ ಹಲವಾರು ನಿಯಮಗಳು ಇದೆ. ಈ ಉದ್ಯಮವನ್ನು ನಿಯಂತ್ರಿಸುವ ಸರ್ಕಾರದ ನಿಯಮಗಳನ್ನು ಅರ್ಥಮಾಡಿಕೊಳ್ಳುವುದು ಅತ್ಯಗತ್ಯ. 2017 ರಲ್ಲಿ, ಭಾರತ ಸರ್ಕಾರವು ಶ್ರೀಗಂಧದ ಮರವನ್ನು ಖಾಸಗಿಯಾಗಿ ಖರೀದಿಸುವುದು ಮತ್ತು ಮಾರಾಟ ಮಾಡುವುದನ್ನು ನಿಷೇಧಿಸಿದೆ.

ಈ ಕಾನೂನಿನ ಅಡಿಯಲ್ಲಿ, ವ್ಯಕ್ತಿಗಳು ಶ್ರೀಗಂಧದ ಮರಗಳನ್ನು ನೆಡಬಹುದು. ಆದರೆ ಅವುಗಳನ್ನು ಸರ್ಕಾರಕ್ಕೆ ಪ್ರತ್ಯೇಕವಾಗಿ ಮಾರಾಟ ಮಾಡಬೇಕು. ಶ್ರೀಗಂಧದ ಮರಗಳನ್ನು ನೆಡುವವರು ಮೊದಲು ಅರಣ್ಯ ಇಲಾಖೆಗೆ ಮಾಹಿತಿ ನೀಡಬೇಕು. ಕಟಾವು ಮಾಡಿದ ಶ್ರೀಗಂಧವನ್ನು ಸರ್ಕಾರಕ್ಕೆ ಮಾರಾಟ ಮಾಡಲು ಅನುಮತಿಯನ್ನು ಪಡೆಯಬೇಕು. ಹಾಗೆಯೇ ಇದರ ಸುರಕ್ಷತೆಗೆ ಆದ್ಯತೆ ನೀಡಬೇಕು.