Kanyadan Policy: ದಿನಕ್ಕೆ 75 ರೂಪಾಯಿ ಹೂಡಿಕೆ ಮಾಡಿ, ಮಗಳ ಶಿಕ್ಷಣ, ವಿವಾಹಕ್ಕೆ 14.5 ಲಕ್ಷ ರೂ. ಪಡೆಯಿರಿ

ಭಾರತೀಯ ಜೀವ ವಿಮಾ ನಿಗಮ (ಎಲ್‌ಐಸಿ) ಹಲವಾರು ಪಾಲಿಸಿಗಳನ್ನು ಹೊಂದಿದೆ. ನಾವು ನಿವೃತ್ತಿಗಾಗಿ, ಶಿಕ್ಷಣಕ್ಕಾಗಿ, ವಿವಾಹಕ್ಕಾಗಿ, ಮೊದಲಾದವುಗಳಿಗಾಗಿ ಎಲ್‌ಐಸಿಯಲ್ಲಿ ವಿಶೇಷ ಪಾಲಿಸಿಗಳು ಇದೆ. ಇನ್ನು ಎಲ್‌ಐಸಿ ಪಾಲಿಸಿಯಲ್ಲಿ ನಾವು ಉಳಿತಾಯ ಮಾಡುವುದು ಮಾತ್ರವಲ್ಲದೆ ಪಾಲಿಸಿಯ ಮೂಲಕ ಜೀವ ವಿಮೆಯನ್ನು ಕೂಡಾ ಪಡೆಯಬಹುದು. ಹಾಗೆಯೇ ನಿರ್ದಿಷ್ಟವಾಗಿ ಒಂದು ಕಾರಣಕ್ಕಾಗಿಯೇ ಹಣವನ್ನು ಉಳಿತಾಯ ಮಾಡಲು ಕೂಡಾ ಸಾಧ್ಯವಾಗುತ್ತದೆ.

ಭಾರತೀಯ ಜೀವ ವಿಮಾ ನಿಗಮವು (ಎಲ್‌ಐಸಿ) ವಿಶೇಷವಾಗಿ ಹೆಣ್ಣು ಮಕ್ಕಳಿಗಾಗಿ ಉಳಿತಾಯ ಯೋಜನೆಯನ್ನು ಪರಿಚಯಿಸಿದೆ. ಅದುವೆ ಎಲ್‌ಐಸಿಯ ಕನ್ಯಾದಾನ ಪಾಲಿಸಿ ಅಗಿದೆ. ಎಲ್ಐಸಿ ಕನ್ಯಾದಾನ ಪಾಲಿಸಿಯು ಹೆಣ್ಣು ಮಕ್ಕಳ ಶಿಕ್ಷಣ ಮತ್ತು ಮದುವೆಯ ವೆಚ್ಚಗಳಿಗೆ ಹಣಕಾಸಿನ ಉಳಿತಾಯ ಮಾಡಲು ಸಹಾಯ ಮಾಡುವ ಯೋಜನೆಯಾಗಿದೆ. ಎಲ್ಐಸಿ ಕನ್ಯಾದಾನ ಉಳಿತಾಯ ಯೋಜನೆಯನ್ನು ಹೆಣ್ಣು ಮಗುವಿನ ಪೋಷಕರು ನಿರ್ವಹಣೆ ಮಾಡಬಹುದಾದ ಯೋಜನೆಯಾಗಿದೆ. ಹೆಣ್ಣು ಮಗುವಿಗೆ ಈ ಯೋಜನೆಯ ನಿರ್ವಹಣೆಯ ಆಯ್ಕೆಯಿಲ್ಲ.

ಯೋಜನೆಯು ತಂದೆಯ ಮರಣದ ನಂತರ ಪ್ರಯೋಜನವನ್ನು ಮಗಳಿಗೆ ನೀಡುತ್ತದೆ. ಇದು ಕುಟುಂಬಕ್ಕೆ ಮತ್ತು ವಿಶೇಷವಾಗಿ ಹೆಣ್ಣು ಮಗುವಿಗೆ ಕಷ್ಟದ ಸಮಯದಲ್ಲಿ ಸಹಾಯ ಮಾಡುತ್ತದೆ. ಇದು 25 ವರ್ಷಗಳ ಅವಧಿಯನ್ನು ಹೊಂದಿದೆ. ವಿಮೆಯ ಕನಿಷ್ಠ ಅವಧಿ 13 ವರ್ಷಗಳು, ಗರಿಷ್ಠ 25 ವರ್ಷಗಳು ಆಗಿದೆ. ಹೆಣ್ಣು ಮಗುವಿನ ತಂದೆಯ ವಯಸ್ಸು 18 ರಿಂದ 50 ರ ನಡುವೆ ಇರಬೇಕು.

ಎಲ್‌ಐಸಿ ಕನ್ಯಾದಾನ ಯೋಜನೆ ಫೀಚರ್

1. ತಂದೆಯ ಮರಣವಾದರೆ ಯಾವುದೇ ಪ್ರೀಮಿಯಂ ಅನ್ನು ಪಾವತಿ ಮಾಡಬೇಕಾಗಿಲ್ಲ.
2. ಆಕಸ್ಮಿಕವಾಗಿ ಮರಣ ಹೊಂದಿದಲ್ಲಿ ತಕ್ಷಣ 10 ಲಕ್ಷ ರೂಪಾಯಿ ಲಭ್ಯವಾಗುತ್ತದೆ.
3. ಆಕಸ್ಮಿಕವಾಗಿ ಮರಣ ಹೊಂದಿದಲ್ಲಿ ತಕ್ಷಣವೇ 5 ಲಕ್ಷ ರೂಪಾಯಿ ಲಭ್ಯವಾಗುತ್ತದೆ.
4. ಮೆಚ್ಯೂರಿಟಿವರೆಗೆ ಪ್ರತಿ ವರ್ಷ 50000 ರೂಪಾಯಿ ಪಡೆಯಬಹುದು.
5. ಪ್ರತಿ ದಿನ 75 ರೂಪಾಯಿ ಹೂಡಿಕೆ ಮಾಡಿ, ವಿವಾಹದ ಸಂದರ್ಭದಲ್ಲಿ 14.5 ಲಕ್ಷ ರೂಪಾಯಿ ಪಡೆಯಿರಿ.
6. ದಿನಕ್ಕೆ 151 ರೂಪಾಯಿ ಉಳಿತಾಯ ಮಾಡಿದರೆ, ನೀವು ವಿವಾಹದ ಸಂದರ್ಭದಲ್ಲಿ 31 ಲಕ್ಷ ರೂಪಾಯಿ ಪಡೆಯಬಹುದಾಗಿದೆ.

ಹೆಣ್ಣು ಮಕ್ಕಳಿಗಾಗಿ ಇರುವ ಇತರೆ ಯೋಜನೆ

ಹೆಣ್ಣು ಮಕ್ಕಳಿಗಾಗಿ ಹಲವಾರು ಯೋಜನೆಗಳು ಇದೆ. ಅದರಲ್ಲಿ ಸುಕನ್ಯಾ ಸಮೃದ್ಧಿ ಯೋಜನೆ ಕೂಡಾ ಒಂದಾಗಿದೆ. ಎನ್‌ಆರ್‌ಐಗಳು ಸೇರಿದಂತೆ ಯಾವುದೇ ನಾಗರಿಕರು ಈ ಯೋಜನೆಯ ಮೂಲಕ ತಮ್ಮ ಮಗಳ ಮದುವೆಗೆ ಹೂಡಿಕೆ ಮಾಡಬಹುದಾಗಿದೆ. ಯಾವುದೇ ಅಂಚೆ ಕಚೇರಿಗಳು ಅಥವಾ ಬ್ಯಾಂಕ್ ಶಾಖೆಗಳಲ್ಲಿ ಖಾತೆಯನ್ನು ತೆರೆಯಬಹುದು. ಒಂದೇ ಹೆಣ್ಣು ಮಗುವಿಗೆ ಎರಡು ಖಾತೆ ತೆರೆಯಲಾಗುವುದಿಲ್ಲ. 18 ವರ್ಷ ವಯಸ್ಸಿನ ನಂತರ, ಹೆಣ್ಣು ಮಗುವಿನ ವ್ಯಾಸಂಗಕ್ಕೆ ಗರಿಷ್ಠ ಶೇಕಡ 50ರಷ್ಟು ಮೊತ್ತವನ್ನು ವಿತ್‌ಡ್ರಾ ಮಾಡಿಕೊಳ್ಳಬಹುದು.

10 ವರ್ಷಕ್ಕಿಂತ ಮೊದಲು ಹೆಣ್ಣು ಮಗುವಿನ ಹೆಸರಿನಲ್ಲಿ ಖಾತೆಯನ್ನು ತೆರೆಯಬಹುದು. ಜನನ ಪ್ರಮಾಣಪತ್ರ, ಹುಡುಗಿ ಮತ್ತು ಪೋಷಕರ ವಿಳಾಸ, ಗುರುತಿನ ಪುರಾವೆಗಳಂತಹ ದಾಖಲೆಗಳನ್ನು ಪರಿಶೀಲಿಸಲಾಗುತ್ತದೆ. ಅವುಗಳನ್ನು ಅಂಚೆ ಕಚೇರಿ ಅಥವಾ ಬ್ಯಾಂಕ್‌ನಲ್ಲಿ ಸಲ್ಲಿಸಬೇಕು. ಕನಿಷ್ಠ 250 ರೂಪಾಯಿ ಹೂಡಿಕೆ ಮಾಡಿ ಖಾತೆ ತೆರೆಯಬಹುದು. ಪ್ರತಿದಿನ 75 ರೂಪಾಯಿ ಹೂಡಿಕೆಯನ್ನು ಮಾಡಿ, ಮಾಸಿಕ ಪ್ರೀಮಿಯಂ ಪಾವತಿಸಿದ 25 ವರ್ಷಗಳ ನಂತರ ನಿಮ್ಮ ಮಗಳ ಮದುವೆಗೆ 14 ಲಕ್ಷ ರೂಪಾಯಿ ಲಭ್ಯವಾಗುತ್ತದೆ.

ಸುಕನ್ಯಾ ಸಮೃದ್ಧಿ ಯೋಜನೆಯ ಖಾತೆಯನ್ನು ದೇಶದ (ಭಾರತ) ಒಳಗೆ ಎಲ್ಲಿ ಬೇಕಾದರೂ ವರ್ಗಾಯಿಸಬಹುದು. ಹೆಣ್ಣು ಮಗುವಿನ ಸಾವು ಸಂಭವಿಸಿದರೆ, ಮರಣ ಪ್ರಮಾಣಪತ್ರವನ್ನು ತೋರಿಸಿ ಖಾತೆಯನ್ನು ಮುಚ್ಚಬಹುದು. ಹೂಡಿಕೆ ಮಾಡಿದ ಮೊತ್ತವನ್ನು ಬಡ್ಡಿಯೊಂದಿಗೆ ಪೋಷಕರು ಪಡೆಯಬಹುದಾಗಿದೆ. ಯಾವುದೇ ಮಾರಣಾಂತಿಕ ಖಾಯಿಲೆ ಇದ್ದರೆ, ಖಾತೆಯನ್ನು 5 ವರ್ಷಗಳಲ್ಲಿ ಮುಚ್ಚಬಹುದು. ಈ ಯೋಜನೆ ಸಂಪೂರ್ಣವಾಗಿ ತೆರಿಗೆ ಮುಕ್ತವಾಗಿರುತ್ತದೆ. ಹೆಚ್ಚುವರಿ ಪ್ರಯೋಜನವನ್ನು ನೀಡುತ್ತದೆ.