YouTuber Shfa: ಕೋಟ್ಯಾಂತರ ರೂಪಾಯಿ ಗಳಿಸುವ 11 ವರ್ಷದ ಯೂಟ್ಯೂಬರ್‌, ಆದಾಯವೆಷ್ಟಿದೆ?

ಇತ್ತೀಚಿನ ಕೆಲವು ವರ್ಷಗಳಲ್ಲಿ ಸಾಮಾಜಿಕ ಜಾಲತಾಣದ ಮೂಲಕವೇ ಹಣವನ್ನು ಗಳಿಸುವವರ ಸಂಖ್ಯೆ ಹೆಚ್ಚಾಗಿದೆ. ಇನ್‌ಸ್ಟಾಗ್ರಾಂ ಮೂಲಕ, ಯೂಟ್ಯೂಬ್ ಮೂಲಕ ಆದಾಯವನ್ನು ಪಡೆಯುವವರು ಇದ್ದಾರೆ. ತಮ್ಮ ವೃತ್ತಿಯೇ ಬ್ಲಾಗಿಂಗ್ ಎನ್ನುವವರು ಇದ್ದಾರೆ. ಈ ನಡುವೆ ಕೆಲವು ಸಣ್ಣ ವಯಸ್ಸಿನವರು ಕೂಡಾ ಯೂಟ್ಯೂಬ್‌ನಿಂದ ಕೋಟ್ಯಾಂತರ ರೂಪಾಯಿಯನ್ನು ಗಳಿಸುತ್ತಿದ್ದಾರೆ ಎಂದರೆ ನೀವು ನಂಬುತ್ತೀರಾ?

ಹೌದು, ಇತ್ತೀಚಿನ ದಿನಗಳಲ್ಲಿ, ಯೂಟ್ಯೂಬ್‌ನಂತಹ ವೀಡಿಯೊ ವೇದಿಕೆಗಳು ಅನೇಕ ವ್ಯಕ್ತಿಗಳಿಗೆ ಆದಾಯದ ಲಾಭದಾಯಕ ಮೂಲಗಳಾಗಿವೆ. ಅಂತಹ ಒಂದು ಗಮನಾರ್ಹವಾದ ಯಶಸ್ಸಿನ ಕಥೆ ಶ್ಫಾರದ್ದು. ವಿಶ್ವದಲ್ಲಿ ಮಕ್ಕಳ ಯೂಟ್ಯೂಬ್‌ನಲ್ಲಿ ಜನಪ್ರಿಯತೆಯು ಆಶ್ಚರ್ಯಕರವಾಗಿದೆ. ಡಿಸೆಂಬರ್ 19, 2011 ರಂದು ಜನಿಸಿದ ಶ್ಫಾ, ಸರಿಸುಮಾರು 11 ವರ್ಷ ವಯಸ್ಸಿನ ಯೂಟ್ಯೂಬರ್ ಆಗಿದ್ದಾರೆ, ಅಂದಾಜು ನಿವ್ವಳ ಆದಾಯ ಇತರೆ ಮಾಹಿತಿ ಇಲ್ಲಿದೆ ಮುಂದೆ ಓದಿ...

PHOTO: YouTube Channel

ಈ 11 ವರ್ಷದ ಬಾಲಕಿಯ ಯೂಟ್ಯೂಬ್ ಚಾನೆಲ್‌ನಲ್ಲಿ ಇರುವ ಹಲವಾರು ವಿಡಿಯೋಗಳು ಜನಪ್ರಿಯವಾಗಿದೆ. ಎಲ್ಸಾ ಮತ್ತು ಅನ್ನಾರ ವಿಚಾರದಲ್ಲಿ ಬ್ಲಾಗಿಂಗ್ ಅನ್ನು ಬಾಲಕಿ ಶ್ಫಾ ಮಾಡುತ್ತಾಳೆ. ಯುನೈಟೆಡ್ ಅರಬ್ ಎಮಿರೇಟ್ಸ್ (ಯುಎಇ) ನ ಶ್ಫಾ ವೀಡಿಯೊಗಳನ್ನು ಅರೇಬಿಕ್ ಭಾಷೆಯಲ್ಲಿ ಇರುತ್ತದೆ. ಶ್ಫಾಳ ಯೂಟ್ಯೂಬ್ ಚಾನೆಲ್ ಅನ್ನು ಆಕೆಯ ತಾಯಿ ನಿರ್ವಹಣೆ ಮಾಡುತ್ತಿದ್ದು, ಅದೀಗ ಒಂದು ಉದ್ಯಮವಾಗಿಯೇ ಬದಲಾವಣೆಯಾಗಿದೆ. 2015ರ ಮಾರ್ಚ್‌ 29ರಿಂದ ಈವರೆಗೂ ಶ್ಫಾ ಅತೀ ಜನಪ್ರಿಯ ಯೂಟ್ಯೂಬರ್.

ಚಂದಾದಾರಿಕೆ, ವೀವ್ಸ್ ಮಾಹಿತಿ

ಸರಿಸುಮಾರು 40 ಮಿಲಿಯನ್ ಚಂದಾದಾರರು ಶ್ಫಾ ಯೂಟ್ಯೂಬ್ ಚಾನೆಲ್‌ನಲ್ಲಿ ಇದ್ದಾರೆ. ಶ್ಫಾ ಯೂಟ್ಯೂಬ್ ಮೂಲಕವೇ ಅಧಿಕ ಗಳಿಕೆಯನ್ನು ಪಡೆಯುತ್ತಾರೆ. ಚಾನಲ್‌ನ ವೀಡಿಯೊಗಳು 22 ಶತಕೋಟಿ ವೀವ್ಸ್‌ಗಳನ್ನು ಹೊಂದಿದೆ. ಇದರಿಂದಾಗಿ ಗಮನಾರ್ಹ ಆದಾಯವು ಕೂಡಾ ಇದೆ. ಯೂಟ್ಯೂಬ್ ಡೇಟಾ ವಿಶ್ಲೇಷಣೆ ಮತ್ತು ಎಬಿಪಿಲೈವ್ ವರದಿಯ ಪ್ರಕಾರ ಶ್ಫಾ ಪ್ರತಿ 1000 ವೀವ್ಸ್‌ಗಳಿಗೆ 1.21 ಡಾಲರ್ ಗಳಿಸುತ್ತಾರೆ.

ಶ್ಫಾ ಆದಾಯ ಎಷ್ಟಿದೆ ನೋಡಿ!

ಇನ್ನು ಇತ್ತೀಚಿನ ವರದಿಯ ಪ್ರಕಾರ, ಶ್ಫಾ ಇತ್ತೀಚಿನ ದಿನಗಳಲ್ಲಿ ಸುಮಾರು ಭಾರತೀಯ ರೂಪಾಯಿಯಲ್ಲಿ ನೋಡಿದಾಗ ಪ್ರತಿ 1000 ವೀವ್ಸ್‌ಗೆ 100 ರೂಪಾಯಿ ಪಡೆಯುತ್ತಾರೆ. ಮೇ 2023 ರಲ್ಲಿ ಮಾತ್ರ, ಶ್ಫಾ ಯೂಟ್ಯೂಬ್‌ನಿಂದ 200,000 ಡಾಲರ್‌ ಗಳಿಸಿದ್ದಾರೆ. ಇನ್ನು ಹಲವಾರು ಬಾರಿ ಶ್ಫಾ ಆದಾಯವು 300,000 ಡಾಲರ್ ಮೀರಿದೆ. ಕಳೆದ ಏಳು ದಿನಗಳಲ್ಲಿ, ಶ್ಫಾ 77.4 ಸಾವಿರ ಡಾಲರ್ ಅನ್ನು ಪಡೆದಿದ್ದಾರೆ. ಆಕೆಯ ಗಳಿಕೆಯು ಕಳೆದ 30 ದಿನಗಳಲ್ಲಿ 1.27 ಲಕ್ಷ ಡಾಲರ್ ಆಗಿದೆ. ಕಳೆದ 90 ದಿನಗಳಲ್ಲಿ 6.76 ಲಕ್ಷ ಡಾಲರ್ ಆಗಿದೆ.

ಎಂಟು ವರ್ಷಗಳ ಅವಧಿಯಲ್ಲಿ 984 ವಿಡಿಯೋಗಳನ್ನು ಶ್ಫಾ ಅಪ್‌ಲೋಡ್ ಮಾಡಿದ್ದಾರೆ. ಈ ಲೆಕ್ಕಾಚಾರದಲ್ಲಿ ನಾವು ನೋಡಿದಾಗ ಶ್ಫಾಳ ಒಟ್ಟು ಗಳಿಕೆಯು ಬಿಲಿಯನ್ ಡಾಲರ್ ಮಾರ್ಕ್ ಅನ್ನು ತಲುಪಿದೆ ಎಂದು ಅಬ್ಲೈವ್ ವರದಿ ಮಾಡಿದೆ. ಪ್ರಸ್ತುತ, ಶ್ಫಾ ಅಂದಾಜು ನಿವ್ವಳ ಮೌಲ್ಯವು ಸರಿಸುಮಾರು 50 ಮಿಲಿಯನ್ ಡಾಲರ್ ಆಗಿದೆ. ಭಾರತೀಯ ರೂಪಾಯಿಯಲ್ಲಿ ನಾವು ನೋಡಿದಾಗ 410 ಕೋಟಿ ರೂಪಾಯಿ ಆಗಿದೆ. ಯೂಟ್ಯೂಬ್‌ನಲ್ಲಿ ಶ್ಫಾ ಯಶಸ್ಸಿನ ಕಥೆಯು ಸ್ಪೂರ್ತಿದಾಯಕವಾಗಿದೆ.

2023ರ ಫೇಮಸ್ ಯೂಟ್ಯೂಬರ್‌ಗಳು

1.35 ಮಿಲಿಯನ್ ಚಂದಾದಾರಿಕೆ ಹೊಂದಿರುವ 22 ವರ್ಷದ ಅಲೆಕ್ಸಾ ಗುಜ್‌ಮಾನ್ 2 ಮಿಲಿಯನ್ ಡಾಲರ್ ಆದಾಯವನ್ನು ಹೊಂದಿದ್ದರೆ, 20 ವರ್ಷದ ಜೋಜೋ ಸಿವಾ 12.3 ಮಿಲಿಯನ್ ಚಂದಾದಾರರನ್ನು ಹೊಂದಿದ್ದು 20 ಮಿಲಿಯನ್ ಡಾಲರ್ ಆದಾಯವನ್ನು ಹೊಂದಿದ್ದಾರೆ. 16 ವರ್ಷದ ಪೈಪರ್ ರಾಕೆಲ್ಲೆ 10.7 ಮಿಲಿಯನ್ ಚಂದಾದಾರರನ್ನು ಹೊಂದಿದ್ದು, 2 ಮಿಲಿಯನ್ ಡಾಲರ್ ಆದಾಯವನ್ನು ಹೊಂದಿದ್ದಾರೆ.