Yash Jain: 5 ತಿಂಗಳಲ್ಲಿ 50 ಕೋಟಿ ರೂ. ಗಳಿಸಿದ ಯುವಕ ಯಶ್ ಜೈನ್ ಉದ್ಯಮ ಯಾವುದು?

ತಂತ್ರಜ್ಞಾನದ ಪ್ರಗತಿಯಾಗಿರುವ ಇಂದಿನ ಯುಗವು, ಚಿಕ್ಕ ವಯಸ್ಸಿನಲ್ಲಿಯೇ ಉದ್ಯಮಗಳನ್ನು ಪ್ರಾರಂಭಿಸಲು ಗಮನಾರ್ಹವಾಗಿ ಯುವ ಉದ್ಯಮಿಗಳಿಗೆ ಹೇರಳವಾದ ಅವಕಾಶಗಳನ್ನು ಮಾಡಿಕೊಟ್ಟಿದೆ. ಇಂಟ್ರಾಪ್ರೆನಿಯರ್ ಆಗಬೇಕೆಂಬ ಮನೋಭಾವವನ್ನು ಹೊಂದಿರುವ ದೂರದೃಷ್ಟಿಯ ಯುವಕನಾಗಿದ್ದ ಯಶ್ ಜೈನ್ ಅವರು, ತಮ್ಮ 18 ನೇ ವಯಸ್ಸಿನಲ್ಲಿ ರಾಜೀವ್ ಪ್ರತಾಪ್ ಅವರೊಂದಿಗೆ ನಿಂಬಸ್‌ಪೋಸ್ಟ್ (NimbusPost) ಅನ್ನು ಸಹ-ಸ್ಥಾಪಿಸುವಾಗ ತಮ್ಮಉದ್ಯಮಶೀಲ ಪ್ರಯಾಣವನ್ನು ಪ್ರಾರಂಭಿಸಿದರು. ಆದರೆ ಇಂದು ಅವರ ಕಂಪನಿಯು ಇ-ಕಾಮರ್ಸ್ ಉದ್ಯಮದಲ್ಲಿ ಗಮನಾರ್ಹ ಯಶಸ್ಸನ್ನು ಸಾಧಿಸಿದೆ, ಕೋಟಿಗಳಲ್ಲಿ ವ್ಯವಹಾರ ನಡೆಸುತ್ತಿದೆ.

ಮೂಲತಃ ಛತ್ತೀಸ್‌ಗಢದ ಭಿಲಾಯಿಯವರಾದ ಯಶ್ ಜೈನ್ ಅವರು ಉದ್ಯಮಿಯಾಗಿ ತಮ್ಮ ಯಶಸ್ಸಿಗೆ ಶೈಕ್ಷಣಿಕ ಶ್ರೀಮಂತಿಕೆ ಹಿನ್ನೆಲೆ ಕಾರಣವೆಂದು ವಿವರಿಸುತ್ತಾರೆ. ಯಶ್ ಜೈನ್ ಅವರು 2018 ರಲ್ಲಿ, ನಿಂಬಸ್‌ಪೋಸ್ಟ್(NimbusPost) ಸ್ಥಾಪಿಸಿದ್ದು ಇದು ಇಂದು ವೇಗವಾಗಿ ಬೆಳೆಯುತ್ತಿರುವ ಕಿರಿಕಿರಿ-ಮುಕ್ತ ಶಿಪ್ಪಿಂಗ್ ಪರಿಹಾರಗಳ ಪೂರೈಕೆದಾರರಾಗಿ, ವಿಸ್ತಾರವಾದ ವ್ಯಾಪ್ತಿಯು ಮತ್ತು ಅಚಲವಾದ ಬದ್ಧತೆಯ ಕಸ್ಟಮರ್ ಸಪೋರ್ಟ್ ಗೆ ಹೆಸರುವಾಸಿಯಾಗಿದೆ.

ಸ್ಟಾರ್ಟ್‌ಅಪ್‌ಗಳು ಮತ್ತು ಹೊಸ ಉದ್ಯಮಿ (ಇಂಟ್ರಾಪ್ರೆನಿಯರ್) ಗಳ ಮೇಲೆ ಪ್ರಾಥಮಿಕ ಗಮನವನ್ನು ಹೊಂದಿರುವ ನಿಂಬಸ್‌ಪೋಸ್ಟ್ ಇ-ಕಾಮರ್ಸ್ ನಲ್ಲಿ ವ್ಯಾಪಾರ ಮಾಲೀಕರು ಪ್ರತಿದಿನ ಎದುರಿಸುತ್ತಿರುವ ಸವಾಲುಗಳನ್ನು ಪರಿಹರಿಸುವ ಗುರಿಯನ್ನು ಹೊಂದಿದೆ.ನಿಂಬಸ್‌ಪೋಸ್ಟ್ ತನ್ನ ಗ್ರಾಹಕರ ವಿವಿಧ ಅಗತ್ಯಗಳನ್ನು ಪೂರೈಸಲು ವಿನ್ಯಾಸಗೊಳಿಸಲಾದ ವ್ಯಾಪಕ ಸೇವೆಗಳನ್ನು ನೀಡುವ ಮೂಲಕ ಗಮನ ಸೆಳೆಯುತ್ತದೆ.

ಇದು ದೇಶೀಯ ಮಾತ್ರವಲ್ಲದೇ ಅಂತರಾಷ್ಟ್ರೀಯ ಶಿಪ್ಪಿಂಗ್ ಪರಿಹಾರಗಳಿಂದ ಹಿಡಿದು ವಿಶ್ವಾದ್ಯಂತ ವಿತರಣಾ ಮತ್ತು ಪೂರೈಸುವ ಸೇವೆಗಳವರೆಗೆ, ಕಂಪನಿಯು ತನ್ನ ಸಮರ್ಥ ಮತ್ತು ವಿಶ್ವಾಸಾರ್ಹ ಲಾಜಿಸ್ಟಿಕ್ಸ್ ಪರಿಹಾರಗಳಿಗಾಗಿ ಖ್ಯಾತಿ ಪಡೆದಿದೆ."ಸಕಾರಾತ್ಮಕ ಕೆಲಸದ ಸಂಸ್ಕೃತಿಯನ್ನು ಬೆಳೆಸುವಲ್ಲಿ ನಾಯಕತ್ವದ ಪ್ರಮುಖ ಪಾತ್ರ ಮುಖ್ಯ," ಎಂದು ಇತ್ತೀಚೆಗೆ ಸಂದರ್ಶನವೊಂದರಲ್ಲಿ ಯಶ್ ಜೈನ್ ಒತ್ತಿ ಹೇಳಿದ್ದಾರೆ. ಸಂಸ್ಥೆಗಳಲ್ಲಿ ಉದ್ಯೋಗಿ-ಸ್ನೇಹಿ ನೀತಿಗಳ ಅನುಷ್ಠಾನದ ಮೂಲಕ ಹೆಚ್ಚಿನ ಮಾರಾಟ ಮತ್ತು ಮಾರುಕಟ್ಟೆ ಮೌಲ್ಯಕ್ಕಾಗಿ ಶ್ರಮಿಸುವ ಸಂಸ್ಥೆಗಳು ಅವರ ಗುರಿಗಳನ್ನು ಸಾಧಿಸಬಹುದು ಎಂದು ಅವರು ದೃಢವಾಗಿ ನಂಬಿದ್ದಾರೆ.

50 ಕೋಟಿ ರೂಪಾಯಿಗಳ ವಾರ್ಷಿಕ ವಹಿವಾಟು

ವರದಿಗಳ ಪ್ರಕಾರ ನಿಂಬಸ್‌ಪೋಸ್ಟ್ 2022 ರಲ್ಲಿ 50 ಕೋಟಿ ರೂಪಾಯಿಗಳ ವಾರ್ಷಿಕ ವಹಿವಾಟನ್ನು ಸಾಧಿಸಿದ್ದು ಹೀಗಾಗಿ ಮತ್ತಷ್ಟು ಉತ್ಸಾಹಿತರಾಗಿರುವ ಯಶ್ ಜೈನ್ ಮತ್ತು ಅವರ ತಂಡವು ಮಹತ್ವಾಕಾಂಕ್ಷೆಯ ಗುರಿಗಳನ್ನು ಹೊಂದಿದ್ದು, 2023ರ ವೇಳೆಗೆ 350 ಕೋಟಿ ರೂಪಾಯಿಗಳ ವಹಿವಾಟನ್ನು ತಲುಪುವ ಗುರಿಯನ್ನು ಹಾಕಿಕೊಂಡಿದೆ. ಡೆಲಿವರಿ, ಫೆಡ್ಎಕ್ಸ್, ಬ್ಲೂ ಡಾರ್ಟ್, Gati, ಎಕ್ಸ್‌ಪ್ರೆಸ್‌ಬೀಸ್ ಮತ್ತು ಶಾಡೋಫ್ಯಾಕ್ಸ್‌ನಂತಹ ಪ್ರಮುಖ ವಿತರಣಾ ಪಾಲುದಾರರೊಂದಿಗೆ ಸಹಯೋಗದೊಂದಿಗೆ, NimbusPost ಪ್ರತಿದಿನದ ಆಧಾರದ ಮೇಲೆ ಸುಮಾರು ಎರಡು ಮಿಲಿಯನ್ ವಹಿವಾಟುಗಳನ್ನು ನಿರ್ವಹಿಸುತ್ತದೆ.

ಈ ಯಶಸ್ವಿಗೆ ಅವರು ಬಳಸಿಕೊಂಡಿರುವ ಅತ್ಯಾಧುನಿಕ ಕೃತಕ ಬುದ್ಧಿಮತ್ತೆ (Artificial Intelligence) ತಂತ್ರಜ್ಞಾನದ ಬಳಕೆ, ಇನ್ನೂರಕ್ಕೂ ಹೆಚ್ಚು ತಾಂತ್ರಿಕವಾಗಿ ಪಳಗಿರುವ ಎಂಜಿನಿಯರ್‌ಗಳು ಮತ್ತು ಲಾಜಿಸ್ಟಿಕ್ಸ್ ತಜ್ಞರನ್ನು ಒಳಗೊಂಡಿರುವ ಪರಿಣಿತಿ ಹೊಂದಿರುವ ತಂಡದ ಕಾರಣವೆಂದು ಹೇಳಬಹುದು. ಯಶ್ ಜೈನ್ ಅವರ ಉದ್ಯಮಶೀಲತೆಯ ಪ್ರಯಾಣ ನಿಜಕ್ಕೂ ಮಹತ್ವಾಕಾಂಕ್ಷಿ ಯುವ ಉದ್ಯಮಿಗಳಿಗೆ ಸ್ಫೂರ್ತಿಯಾಗಿದ್ದು, ಇ-ಕಾಮರ್ಸ್‌ನ ನಿರಂತರವಾಗಿ ವಿಕಸನಗೊಳ್ಳುತ್ತಿರುವ ಜಗತ್ತಿನಲ್ಲಿ ನಿರ್ಣಯ, ನಾಯಕತ್ವ ಮತ್ತು ಉತ್ಕೃಷ್ಟತೆಯ ಬದ್ಧತೆಯ ಮೂಲಕ ಅವರು ಗುರುತಿಸಿಕೊಂಡಿದ್ದಾರೆ.