ದಿನದ ಅಂತ್ಯಕ್ಕೆ ಸೆನ್ಸೆಕ್ಸ್ ಚೇತರಿಕೆ

ಡೊನಾಲ್ಡ್ ಟ್ರಂಪ್ ಅಮೆರಿಕಾದ ಮುಂದಿನ ಅಧ್ಯಕ್ಷರಾಗಿ ಆಯ್ಕೆಯಾಗುತ್ತಿದ್ದಂತೆ ಷೇರುಪೇಟೆ ವಹಿವಾಟಿನಲ್ಲಿ ಚೇತರಿಕೆ ಕಂಡು ಬಂದಿತು.

ಸೆನ್ಸೆಕ್ಸ್ ಸೂಚ್ಯಂಕ 338.61 ಅಂಕಗಳೊಂದಿಗೆ ಅಂತ್ಯ ಕಂಡರೆ, ನಿಪ್ಟಿ ಸೂಚ್ಯಂಕ 111.55 ಅಂಕಗಳೊಂದಿಗೆ ದಿನದ ವಹಿವಾಟನ್ನು ಮುಗಿಸಿತು.

ಕೇಂದ್ರ ಸರ್ಕಾರ ರೂ. 500, 1000 ಮುಖಬೆಲೆಯ ನೋಟುಗಳ ಚಲಾವಣೆ ರದ್ದುಪಡಿಸಿದ್ದರಿಂದಾಗಿ ರಿಯಲ್ ಎಸ್ಟೇಟ್ ಸ್ಟಾಕ್ ಗಳು ಭಾರೀ ಒತ್ತಡವನ್ನು ಅನುಭವಿಸಬೇಕಾಯಿತು.

ಎಚ್ಡಿಐಎಲ್, ಶೋಭಾ ಡೆವಲಪರ್ಸ್ ಮತ್ತು ಪ್ರೆಸ್ಟಿಜ್ ರಿಯಲ್ ಎಸ್ಟೇಟ್ ಷೇರುಗಳು ಕುಸಿತ ಕಂಡವು. H1-B ವಿಸಾ ಬಳಸುತ್ತಿರುವ ಭಾರತೀಯ ಐಟಿ ಕಂಪನಿಗಳಾದ ಇನ್ಫೋಸಿಸ್, ಟಿಸಿಎಸ್, ಟೆಕ್ ಮಹೀಂದ್ರಾ ಸ್ಟಾಕ್ ಗಳು ಭಾರೀ ಮಾರಾಟ ಒತ್ತಡವನ್ನು ಅನುಭವಿಸಿದವು.

ಸ್ಟೇಟ್ ಬ್ಯಾಂಕ್ ಇಂಡಿಯಾ ಷೇರುಗಳು ಗಮನಾರ್ಹವಾಗಿ ಚೇತರಿಕೆ ಕಂಡು ಶೇ. 2 ಹೆಚ್ಚಿನ ಅಂಶಗಳೊಂದಿಗೆ ಕೊನೆಗೊಂಡಿತು.