ಗುಡ್ ನ್ಯೂಸ್! ಐಟಿ ಕಂಪನಿಗಳಲ್ಲಿ 78,500 ಉದ್ಯೋಗಿಗಳ ನೇಮಕಾತಿ

78,500 ನೇಮಕಾತಿ

ಮಾಹಿತಿ ತಂತ್ರಜ್ಞಾನ ಕ್ಷೇತ್ರದ ಆಕಾಂಕ್ಷಿಗಳಿಗೆ ಬಂಪರ್ ಸುದ್ದಿ ಇದಾಗಿದ್ದು, ದೇಶದ ಪ್ರಮುಖ ಐಟಿ ಕಂಪನಿಗಳು ಸುಮಾರು 78,500 ಹೊಸ ಉದ್ಯೋಗಿಗಳಿಗೆ ನೇಮಕಾತಿಗೆ ಸಜ್ಜಾಗಿದೆ. ಐಟಿ ವಲಯದ ಕಳೆದ 8 ವರ್ಷಗಳ ಅವಧಿಯಲ್ಲಿಯೇ ಅತ್ಯಧಿಕ ನೇಮಕಾತಿ ಪ್ರಕ್ರಿಯೆ ಇದಾಗಿದೆ. ಐಟಿ ಕ್ಷೇತ್ರದ ಉದ್ಯೋಗಗಳಿಗಾಗಿ ಎದುರು ನೋಡುವವರ ಪಾಲಿಗೆ ಇದು ಸುಗ್ಗಿ ಕಾಲವಾಗಿದೆ. ಐಟಿ, ಎಂಎನ್‍ಸಿ ಉದ್ಯೋಗಿಗಳಲ್ಲಿ ಹೆಚ್ಚುತ್ತಿರುವ ಹತಾಶೆಗೆ ಕಾರಣಗಳೇನು?

ಯಾವ ಕಂಪನಿಗಳಲ್ಲಿ ಕೆಲಸ?

ಭಾರತದ ಪ್ರಮುಖ 4 ಮಾಹಿತಿ ತಂತ್ರಜ್ಞಾನ (ಐಟಿ) ಸಂಸ್ಥೆಗಳು 8,500 ಉದ್ಯೋಗಗಳ ನೇಮಕಾತಿ ಮಾಡಲಿವೆ.
ಟಿಸಿಎಸ್
ಇನ್ಫೋಸಿಸ್
ವಿಪ್ರೋ
ಎಚ್.ಸಿ.ಎಲ್

ಅತ್ಯಧಿಕ ನೇಮಕಾತಿ ಪ್ರಕ್ರಿಯೆ

ಐಟಿ ವಲಯದ ಇತಿಹಾಸದಲ್ಲಿ ಕಳೆದ 8 ವರ್ಷಗಳ ಅವಧಿಯಲ್ಲೇಯೇ ಇದು ಬೃಹತ್ ಪ್ರಮಾಣದ ನೇಮಕಾತಿ ಪ್ರಕ್ರಿಯೆಯಾಗಿದೆ. 2018 ರ ಸಾಲಿನಲ್ಲಿ ಜಾಬ್ ಲಾಸ್ ಪ್ರಮಾನ ಹೆಚ್ಚಾಗಿತ್ತು. 2019 ರ ಮಾರ್ಚ್ ಅಂತ್ಯಕ್ಕೆ ಇನ್ಫೋಸಿಸ್, ವಿಪ್ರೋ, ಟಿಸಿಎಸ್, ಎಚ್.ಸಿ.ಎಲ್ ಕಂಪನಿಗಳಲ್ಲಿ ಉದ್ಯೋಗಿಗಳ ಸಂಖ್ಯೆ 9.6 ಲಕ್ಷಕ್ಕೆ ಹೆಚ್ಚಿದೆ. ಅಗತ್ಯ ಕೌಶಲ್ಯ ಹೊಂದಿರುವವರಿಗೆ ಉದ್ಯೋಗ ಸಿಗಲಿದೆ.

ಎಚ್.ಸಿ.ಎಲ್ ನಲ್ಲಿ 12,000 ಪದವೀಧರರ ನೇಮಕಾತಿ

ಎಚ್ಸಿಎಲ್ ಟೆಕ್ನಾಲಜೀಸ್ ಪ್ರಸಕ್ತ ಆರ್ಥಿಕ ವರ್ಷದಲ್ಲಿ ಕ್ಯಾಂಪಸ್ ಸಂದರ್ಶನದ ಮೂಲಕ ಸುಮಾರು 12,000 ಪದವೀಧರರನ್ನು ನೇಮಕಾತಿ ಮಾಡಿಕೊಳ್ಳುವುದಾಗಿ ಇದೇ ವಾರ ಹೇಳಿದೆ. ಅಲ್ಲದೇ 2-10 ವರ್ಷ ಅನುಭವವಿರುವ 20 ಸಾವಿರ ಜನರನ್ನು ನೇಮಕ ಮಾಡಲಾಗುವುದು ಎಂದಿದೆ. 12,000 ಪದವೀಧರರ ಪೈಕಿ 10,000 ಮಂದಿ ಭಾರತದ ಕ್ಯಾಂಪಸ್ ಸಂದರ್ಶನದಲ್ಲಿ ಹಾಗು 2000 ಮಂದಿ ಅಮೆರಿಕ ವಿಶ್ವವಿದ್ಯಾನಿಲಯಗಳಿಂದ ನೇಮಕಾತಿ ಮಾಡಿಕೊಳ್ಳಲಿದೆ. ಕಂಪನಿಯು ಉದ್ಯೋಗಿಗಳ ನೇಮಕಾತಿ ಸಂದರ್ಭದಲ್ಲಿ ಮಹಿಳೆಯರ ನೇಮಕಕ್ಕೆ ಹೆಚ್ಚಿನ ಆದ್ಯತೆ ನೀಡಲಿದೆ ಎಂದಿದೆ. ಮಾರುಕಟ್ಟೆಯಲ್ಲಿ ಬಹುಬೇಡಿಕೆಯಿರುವ ಈ ಬಿಸಿನೆಸ್ ಆರಂಭಿಸಿ ವರ್ಷಕ್ಕೆ 97 ಲಕ್ಷ ಗಳಿಸಿ