ಟಿಕ್ಟಾಕ್ನಿಂದ ಕೋಟಿಗಟ್ಟಲೆ ಹಣ ಸಂಪಾದಿಸುವ ಈ 23 ವರ್ಷದ ಹುಡುಗಿ
ಟಿಕ್ಟಾಕ್, ಸದ್ಯ ಯುವ ಜನತೆಯನ್ನು ಅಯಸ್ಕಾಂತದಂತೆ ಸೆಳೆದಿರುವ ಮೊಬೈಲ್ ವಿಡಿಯೋ ಆ್ಯಪ್. ಮಕ್ಕಳಿಂದ ಹಿಡಿದು ಮಧ್ಯ ವಯಸ್ಸಿನವರು ಈ ಆ್ಯಪ್ ಬಳಸುತ್ತಿದ್ದಾರೆ. ಕೇವಲ ವಿಡಿಯೋ ಮೂಲಕ ಫೇಮಸ್ ಆಗೋದಷ್ಟೇ ಅಲ್ಲದೆ ಈ ಆ್ಯಪ್ ಮೂಲಕ ಹಣ ಸಂಪಾದನೆ ಮಾಡುವವರು ಇದ್ದಾರೆ. ಇಂಗ್ಲೆಂಡ್ನ ಈ 23 ವರ್ಷದ ಹುಡುಗಿ ಮನೆಯಿಂದಲೇ ಕೋಟಿಗಟ್ಟಲೆ ಹಣ ಸಂಪಾದಿಸುತ್ತಿದ್ದಾಳೆ.
TikTok ಆ್ಯಪ್ ಮೂಲಕ ಹಣ ಸಂಪಾದಿಸುವುದು ಹೇಗೆ?
ಈಕೆಯ ಹೆಸರು ಹಾಲಿ ಹಾರ್ನ್, ವಯಸ್ಸು 23, ಆದರೆ ಗಳಿಸುವ ಆದಾಯ ಮಾತ್ರ ಕೋಟಿಗಟ್ಟಲೆ ಹಣ. ಸದ್ಯ ಟಿಕ್ಟಾಕ್ ನ ಸೂಪರ್ ಸ್ಟಾರ್ ಎಂದೇ ಗುರುತಿಸಿಕೊಂಡಿರುವ ಈಕೆಯ ಟಿಕ್ಟಾಕ್ ಫಾಲೋವರ್ಸ್ ಬರೋಬ್ಬರಿ 16 ಮಿಲಿಯನ್ ಆಗಿದೆ.
ಹಾಲಿ ಹಾರ್ನ್ ಆದಾಯ ಎಷ್ಟರ ಮಟ್ಟಿಗೆ ಇದೆ ಎಂದರೆ, ಈಕೆ ಬಾಡಿಗಾರ್ಡ್ ಇಟ್ಟುಕೊಂಡಿದ್ದು, ಆಕೆಯ ತಾಯಿ ಕೆಲಸವನ್ನೇ ಬಿಟ್ಟು ಮನೆಯಲ್ಲಿ ಆರಾಮಾಗಿ ಕಾಲ ಕಳೆಯುತ್ತಿದ್ದಾರೆ. 16 ಮಿಲಿಯನ್ ಫಾಲೋವರ್ಸ್ ಹೊಂದಿರುವ ಈಕೆಯ 15 ಸೆಕೆಂಡ್ ವಿಡಿಯೋ ಒಂದು ಕಳೆದೊಂದು ವರ್ಷದಿಂದ 77.2 ಮಿಲಿಯನ್ ವೀವ್ಸ್ ಪಡೆದಿದೆ.
ಟಿಕ್ಟಾಕ್ ನಲ್ಲಿ 328.7 ಮಿಲಿಯನ್ ಲೈಕ್ಸ್ ಪಡೆದಿರುವ ಇಂಗ್ಲೆಂಡ್ನ ಈ ಹುಡುಗಿಗೆ ೮ ರಿಂದ ೧೫ ವರ್ಷ ವಯಸ್ಸಿನವರೇ ಹೆಚ್ಚು ಫಾಲೋವರ್ಸ್ ಇದ್ದಾರೆ. ಈಕೆಯ ಒಟ್ಟು ಫಾಲೋವರ್ಸ್ನಲ್ಲಿ 80 ಪರ್ಸೆಂಟ್ ಹುಡುಗಿಯರಿದ್ದು, 20 ಪರ್ಸೆಂಟ್ ಹುಡುಗರಿದ್ದಾರೆ ಎಂದು ಅಂಕಿ-ಅಂಶಗಳು ತಿಳಿಸಿವೆ.