1 ಗಂಟೆಯಲ್ಲಿ 85,773 ಕೋಟಿ ರುಪಾಯಿ ವಹಿವಾಟು ನಡೆಸಿದ ಅಲಿಬಾಬಾ

ಚೀನಾದ ಬಹುದೊಡ್ಡ ಇ-ಕಾಮರ್ಸ್ ಸಂಸ್ಥೆ ಅಲಿಬಾಬಾ ಕೇವಲ 1 ಗಂಟೆಯಲ್ಲಿ ದಾಖಲೆಯ ವಹಿವಾಟು ನಡೆಸುವುದರ ಮೂಲಕ ವಿಶ್ವದಾದ್ಯಂತ ಭಾರೀ ಸಂಚಲನ ಮೂಡಿಸಿದೆ.

ಸೋಮವಾರ (ನವೆಂಬರ್ 11) ಜಾಗತಿಕ ಶಾಪಿಂಗ್ ಫೆಸ್ಟಿವಲ್ ಆರಂಭಿಸಿರುವ ಅಲಿಬಾಬಾ, ಮೊದಲ 1 ನಿಮಿಷ 8 ಸೆಕೆಂಡ್‌ಗಳಲ್ಲಿ 1 ಬಿಲಿಯನ್ ಅಮೆರಿಕನ್ ಡಾಲರ್(ಭಾರತದ ರುಪಾಯಿಗಳಲ್ಲಿ 7,147 ಕೋಟಿ 75 ಲಕ್ಷ) ವಹಿವಾಟು ನಡೆಸಿತು. ಹಾಗೆಯೇ ಮೊದಲ ಒಂದು ಗಂಟೆಯಲ್ಲಿ 12 ಬಿಲಿಯನ್ ಅಮೆರಿಕನ್ ಡಾಲರ್ (ಭಾರತದ ರುಪಾಯಿಗಳಲ್ಲಿ 85,773 ಕೋಟಿ) ಮೊತ್ತದ ಸರಕುಗಳು ಮಾರಾಟಗೊಂಡಿವೆ.

ಡಬಲ್ 11 ಅಥವಾ ಸಿಂಗಲ್ಸ್ ಡೇ ಎಂದು ಕರೆಯಲಾಗುವ ಈ ಶಾಪಿಂಗ್ ಫೆಸ್ಟಿವಲ್‌ಗೆ ಭಾರೀ ಪ್ರತಿಕ್ರಿಯೆ ವ್ಯಕ್ತವಾಗಿದ್ದು 2016ರ 11.11 ಶಾಪಿಂಗ್ ಫೆಸ್ಟಿವಲ್‌ ಒಟ್ಟು ಮಾರಾಟ ಮೌಲ್ಯವನ್ನ ಮೀರಿದೆ. ಮೊದಲ 9 ಗಂಟೆಯಲ್ಲಿ 23 ಬಿಲಿಯನ್ ಅಮೆರಿಕನ್ ಡಾಲರ್ (ಭಾರತದ ರುಪಾಯಿಗಳಲ್ಲಿ 1 ಲಕ್ಷದ 64 ಸಾವಿರ ಕೋಟಿ) ವಹಿವಾಟು ನಡೆಸಿದೆ.

ದೇಶೀಯ ಮಾರುಕಟ್ಟೆಯಲ್ಲಿ 12,000 ಕೋಟಿ ರುಪಾಯಿ ಹೂಡಿಕೆ

ಡಬಲ್ 11 ಎಂದು ಕರೆಯಲ್ಪಡುವ ಈ ಶಾಪಿಂಗ್ ಫೆಸ್ಟಿವಲ್‌ 2009ರಲ್ಲಿ ಮೊದಲು ಆರಂಭವಾಯಿತು. ಆ ವೇಳೆ 27 ಬ್ರ್ಯಾಂಡ್ ಗಳಷ್ಟೇ ಭಾಗವಹಿಸಿದ್ದವು. ಇದೀಗ ಈ ಶಾಪಿಂಗ್ ಫೆಸ್ಟಿವಲ್‌ ನಲ್ಲಿ 2 ಲಕ್ಷ ಬ್ರ್ಯಾಂಡ್ ಗಳು ಸೇರಿಕೊಂಡಿವೆ. ಅಲ್ಲದೆ 2009ರಲ್ಲಿ ನಡೆದಿದ್ದ ಖರೀದಿಗಿಂತಲೂ 1,360 ಪಟ್ಟು ಹೆಚ್ಚು ವಹಿವಾಟು ನಡೆದಿದೆ.