Elon Musk: 1 ದಿನದಲ್ಲೇ 1.9 ಬಿಲಿಯನ್ ಡಾಲರ್ ನಷ್ಟ, ಮತ್ತೆ ವಿಶ್ವದ ಶ್ರೀಮಂತರ ಪಟ್ಟಿಯಲ್ಲಿ ಕೆಳಗಿಳಿದ ಮಸ್ಕ್!

ಎಲಾನ್ ಮಸ್ಕ್ ಮತ್ತೆ ಭಾರೀ ನಷ್ಟವನ್ನು ಅನುಭವಿಸಿದ್ದಾರೆ. ವಿಶ್ವದಲ್ಲೇ ಅತೀ ಶ್ರೀಮಂತ ವ್ಯಕ್ತಿ ಎನಿಸಿಕೊಂಡಿದ್ದ ಎಲಾನ್ ಮಸ್ಕ್ ಈಗಾಗಲೇ ಎರಡನೇ ಸ್ಥಾನಕ್ಕೆ ಕುಸಿದಿದ್ದಾರೆ. ಈಗ ಮತ್ತೆ ಎಲಾನ್ ಮಸ್ಕ್ ಕಳೆದ 48 ಗಂಟೆಗಳಲ್ಲಿ ಭಾರೀ ನಷ್ಟವನ್ನು ಕಂಡಿದ್ದಾರೆ. ಈ ವಾರದಲ್ಲಿ ಟೆಸ್ಲಾ ಮತ್ತು ಸ್ಪೇಸ್‌ಎಕ್ಸ್ ಮುಖ್ಯಸ್ಥರು ವಿಶ್ವ ಸಂಪತ್ತಿನ ಪಿರಾಮಿಡ್‌ನಲ್ಲಿ ಒಂದನೇ ಸ್ಟಾಪ್‌ನಲ್ಲಿ ಕಂಡಿದೆ. ಬ್ಲ್ಯೂಬರ್ಗ್ ಬಿಲಿಯನೇರ್ ಇಂಡೆಕ್ಸ್ ಪ್ರಕಾರ, ಎಲಾನ್ ಮಸ್ಕ್ ನಿವ್ವಳ ಆದಾಯವುದ 187.1 ಬಿಲಿಯನ್ ಡಾಲರ್‌ಗೆ ತಲುಪಿದೆ.

ಆದರೆ ಎಲಾನ್ ಮಸ್ಕ್ ಷೇರು ಬುಧವಾರ ಶೇಕಡ 5ರಷ್ಟು ಕುಸಿದಿದೆ. ಇದರಿಂದಾಗಿ ಎಲಾನ್ ಮಸ್ಕ್ ಆದಾಯವು 2 ಬಿಲಿಯನ್ ಡಾಲರ್‌ನಷ್ಟು ಇಳಿದಿದೆ. ಇದರಿಂದಾಗಿ ಫ್ರೆಂಚ್ ಬಿಲಿಯನರ್, ಲೂಯಿಸ್‌ ವಿಟಾ ಸಿಇಒ ಬರ್ನಾರ್ಡ್ ಅರ್ನಾಲ್ಟ್ ಮತ್ತೆ ಮೊದಲ ಸ್ಥಾನಕ್ಕೆ ಜಿಗಿದಿದ್ದಾರೆ. ಎಲಾನ್ ಮಸ್ಕ್ ನಿವ್ವಳ ಆದಾಯವು ಒಂದು ದಿನದಲ್ಲೇ 1.91 ಬಿಲಿಯನ್ ಡಾಲರ್ ಇಳಿಕೆಯಾಗಿದ್ದು, 184 ಬಿಲಿಯನ್ ಡಾಲರ್‌ಗೆ ತಲುಪಿದೆ. ಮೊದಲ ಸ್ಥಾನದಲ್ಲಿ ಇರುವ ಅರ್ನೌಲ್ಟ್ 186 ಬಿಲಿಯನ್ ಡಾಲರ್ ಆದಾಯ ಹೊಂದಿದ್ದಾರೆ.

ಈ ಹಿಂದೆ ಹಲವಾರು ತಿಂಗಳುಗಳಿಂದ ವಿಶ್ವದ ಶ್ರೀಮಂತ ವ್ಯಕ್ತಿ ಅನಿಸಿಕೊಂಡಿದ್ದ ಎಲಾನ್ ಮಸ್ಕ್ ಟ್ವಿಟ್ಟರ್ ಅನ್ನು ಖರೀದಿ ಮಾಡಿದ ಬಳಿಕ ವಿಶ್ವದ ಶ್ರೀಮಂತ ವ್ಯಕ್ತಿ ಪಟ್ಟವನ್ನು ಲೂಯಿಸ್‌ ವಿಟಾ ಸಿಇಒ ಬರ್ನಾರ್ಡ್ ಅರ್ನಾಲ್ಟ್‌ಗೆ ಬಿಟ್ಟುಕೊಟ್ಟು ಎರಡನೇ ಸ್ಥಾನಕ್ಕೆ ಇಳಿದಿದ್ದರು. ಆದರೆ ಈಗ ಎರಡು ದಿನಕ್ಕೂ ಮುನ್ನ ಎಲಾನ್ ಮಸ್ಕ್ ಟಾಪ್ ಸ್ಥಾನಕ್ಕೆ ಏರಿದ್ದರು. ಆದರೆ ಎರಡು ದಿನದಲ್ಲೇ ಮತ್ತೆ ನಷ್ಟವನ್ನು ಕಂಡ ಎಲಾನ್ ಮಸ್ಕ್‌ ಮತ್ತೆ ಎರಡನೇ ಸ್ಥಾನಕ್ಕೆ ಇಳಿದಿದ್ದಾರೆ.

ಶೇಕಡ 65ರಷ್ಟು ಕುಸಿದ ಟೆಸ್ಲಾ ಷೇರು

ಈ ಹಿಂದೆ ಎಲಾನ್ ಮಸ್ಕ್ ಆದಾಯ ನಿರಂತರವಾಗಿ ಏರಿಕೆಯನ್ನು ಕಂಡಿತ್ತು. ಅಕ್ಟೋಬರ್ 2021ರಲ್ಲಿ ಟೆಸ್ಲಾ ಮಾರುಕಟ್ಟೆ ಮೌಲ್ಯ ಸುಮಾರು 1 ಟ್ರಿಲಿಯನ್ ಡಾಲರ್‌ಗೆ ಮೊದಲ ಬಾರಿಗೆ ಏರಿಕೆಯಾಗಿತ್ತು. ಆದರೆ ಟೆಸ್ಲಾ ಷೇರುಗಳು ಭಾರೀ ಇಳಿಕೆಯಾಗಿದೆ. 2022ರಲ್ಲಿ ಟೆಸ್ಲಾ ಷೇರು ಸುಮಾರು ಶೇಕಡ 65ರಷ್ಟು ಇಳಿಕೆಯಾಗಿದೆ. ಪ್ರಸ್ತುತ ಮಸ್ಕ್ ಕೇವಲ ಶೇಕಡ 42.2ರಷ್ಟು ಷೇರನ್ನು ಮಾತ್ರ ಹೊಂದಿದ್ದಾರೆ.

ಈ ಎಲ್ಲ ಬೆಳವಣಿಗೆಯು ಎಲಾನ್ ಮಸ್ಕ್ ಟ್ವಿಟ್ಟರ್ ಖರೀದಿ ಮಾಡಿದ ಬಳಿಕ ನಡೆದಿದೆ. ಹಲವಾರು ಗೊಂದಲ, ಕೋರ್ಟ್‌ ವಿವಾದಗಳ ಬಳಿಕ ಎಲಾನ್ ಮಸ್ಕ್ ಟ್ವಿಟ್ಟರ್ ಅನ್ನು ಖರೀದಿ ಮಾಡಿದ್ದಾರೆ. ಆದರೆ ಅದಾದ ಬಳಿಕ ಟ್ವಿಟ್ಟರ್ ಭಾರೀ ನಷ್ಟವನ್ನು ಕಂಡಿದೆ. ಇದರಿಂದಾಗಿ ಮಸ್ಕ್ ಟೆಸ್ಲಾ ಷೇರುಗಳನ್ನು ಕೂಡಾ ಮಾರಾಟ ಮಾಡಬೇಕಾದ ಸ್ಥಿತಿ ಉಂಟಾಗಿದೆ. ಹಾಗೆಯೇ ಟ್ವಿಟ್ಟರ್‌ನಲ್ಲಿ ಉದ್ಯೋಗ ಕಡಿತವನ್ನು ಕೂಡಾ ಮಾಡಿದ್ದಾರೆ. ಅಷ್ಟು ಮಾತ್ರವಲ್ಲದೆ ಇತಿಹಾಸದಲ್ಲೇ ಮೊದಲ ಬಾರಿಗೆ ಸುಮಾರು 200 ಬಿಲಿಯನ್ ಡಾಲರ್ ಕಳೆದುಕೊಂಡ ಓರ್ವ ಶ್ರೀಮಂತ ವ್ಯಕ್ತಿ ಎನಿಸಿಕೊಂಡಿದ್ದಾರೆ.