2,415 ಕೋಟಿ ರುಪಾಯಿ ವಿದೇಶಿ ಬಂಡವಾಳ ಹೊರಹರಿವು

ವಿದೇಶಿ ಬಂಡವಾಳ ಹೂಡಿಕೆದಾರರು ದೇಶದ ಬಂಡವಾಳ ಮಾರುಕಟ್ಟೆಯಿಂದ ತಮ್ಮ ಹೂಡಿಕೆಯನ್ನು ಬಹು ಪ್ರಮಾಣದಲ್ಲಿ ಹಿಂದಕ್ಕೆ ಪಡೆದಿದ್ದಾರೆ. ಅಮೆರಿಕಾ ಇರಾನ್ ಸಂಘರ್ಷದ ನಡುವೆ ವಿದೇಶಿ ಹೂಡಿಕೆದಾರರು (ಎಫ್‌ಪಿಐ) ಕಳೆದ ವಾರ ಷೇರು ಮಾರಾಟಕ್ಕೆ ಹೆಚ್ಚು ಒಲವು ತೋರಿದ್ದಾರೆ.

ಜನವರಿ 1ರಿಂದ 10ರೊಳಗೆ ವಿದೇಶಿ ಹೂಡಿಕೆದಾರರು 777 ಕೋಟಿ ರುಪಾಯಿ ಮೌಲ್ಯದ ಷೇರುಗಳನ್ನು ಖರೀದಿಸಿದ್ದರೆ, ತದ್ವಿರುದ್ದವಾಗಿ 3.193 ಕೋಟಿ ರುಪಾಯಿ ಮೌಲ್ಯದ ಸಾಲಪತ್ರಗಳನ್ನು ಮಾರಾಟ ಮಾಡಿದ್ದಾರೆ. ಇದರಿಂದಾಗಿ ಒಟ್ಟಾರೆ ಹೊರಹರಿವು 2,415 ಕೋಟಿ ರುಪಾಯಿಗಳಷ್ಟಿದೆ.

2019 ಸೆಪ್ಟೆಂಬರ್‌ನಿಂದ ಸತತ ನಾಲ್ಕು ತಿಂಗಳು ವಿದೇಶಿ ಹೂಡಿಕೆದಾರರು ಷೇರುಗಳನ್ನು ಖರೀದಿಸಲು ಆಸಕ್ತಿ ತೋರಿದರು. ಆದರೆ ಜನವರಿಯಲ್ಲಿ ಇದುವರೆಗಿನ ವಹಿವಾಟನ್ನು ಮಾರಾಟಕ್ಕೆ ಗಮನ ನೀಡಿದ್ದಾರೆ.

ಆದಾಗ್ಯೂ, ಅಮೆರಿಕಾ ಮತ್ತು ಇರಾನ್ ನಡುವೆ ಯುದ್ಧ ಸಂಘರ್ಷ ಭೀತಿಯು ಭಾರತದ ಷೇರು ಮಾರುಕಟ್ಟೆಗೆ ಧನಾತ್ಮಕವಾಗಿ ಪರಿಣಮಿಸಬಹುದು. ಅಲ್ಲದೆ ಭಾರತೀಯ ಮಾರುಕಟ್ಟೆಗಳಲ್ಲಿ ವಿದೇಶಿ ಹರಿವು ಧನಾತ್ಮಕವಾಗಿರಬಹುದು ಎಂದು ಅಂದಾಜಿಸಲಾಗಿದೆ.