ಬೆಂಗಳೂರಿನ ಸರ್ಜಾಪುರದಲ್ಲಿ 15 ಎಕರೆ ಜಾಗ ಖರೀದಿಸಿದ ಗೋದ್ರೆಜ್ ಪ್ರಾಪರ್ಟೀಸ್

ಹೌಸಿಂಗ್ ಪ್ರಾಜೆಕ್ಟ್ ಅಭಿವೃದ್ಧಿ ಪಡಿಸುವ ಸಲುವಾಗಿ ಬೆಂಗಳೂರಿನಲ್ಲಿ 15 ಎಕರೆ ಜಾಗ ಖರೀದಿ ಮಾಡಿರುವುದಾಗಿ ಮಂಗಳವಾರ ಗೋದ್ರೆಜ್ ಪ್ರಾಪರ್ಟೀಸ್ ತಿಳಿಸಿದೆ. ರೆಗ್ಯುಲೇಟರಿ ಫೈಲಿಂಗ್ ನಲ್ಲಿ ಈ ಬಗ್ಗೆ ಕಂಪೆನಿ ತಿಳಿಸಿದ್ದು, ಬೆಂಗಳೂರಿನ ಸರ್ಜಾಪುರದಲ್ಲಿ ಅತ್ಯುತ್ತಮ ಸ್ಥಳವೊಂದರಲ್ಲಿ ಔಟ್ ರೈಟ್ ವ್ಯವಹಾರವೊಂದನ್ನು ಮಾಡಲಾಗಿದೆ ಎಂದು ಮಾಹಿತಿ ನೀಡಲಾಗಿದೆ.

27 ಎಕರೆ ಜಾಗ 1,359 ಕೋಟಿಗೆ ಬಿಕರಿ: ಖರೀದಿಸಿದ್ದು ಯಾರು, ಎಲ್ಲಿ?

ಗೋದ್ರೆಜ್ ಸಮೂಹದಲ್ಲಿ ವ್ಯವಹಾರದ ಒಂದು ಭಾಗ ಗೋದ್ರೆಜ್ ಪ್ರಾಪರ್ಟೀಸ್. ಈ ಭೂಮಿ ಖರೀದಿಗಾಗಿ ಎಷ್ಟು ಮೊತ್ತ ನೀಡಲಾಗಿದೆ ಹಾಗೂ ಮಾರಾಟ ಮಾಡಿದವರು ಯಾರು ಎಂಬ ಬಗ್ಗೆ ಮಾಹಿತಿ ಬಹಿರಂಗ ಮಾಡಿಲ್ಲ. 15 ಎಕರೆಯಷ್ಟು ವಿಶಾಲವಾಗಿ ಈ ಜಾಗ ದೊರೆಯಲಿದೆ. 16 ಲಕ್ಷ ಚದರಡಿಯಷ್ಟು ಮಾರಾಟ ಮಾಡಬಹುದಾದ ಸ್ಥಳ ಸಿಗಲಿದೆ. ಅಲ್ಲಿ ವಿವಿಧ ಅಳತೆಯ ವಸತಿ ಅಪಾರ್ಟ್ ಮೆಂಟ್ ಗಳನ್ನು ನಿರ್ಮಾಣ ಮಾಡಲಾಗುತ್ತದೆ.

ಗೋದ್ರೆಜ್ ಪ್ರಾಪರ್ಟೀಸ್ ನ ಕಾರ್ಯ ನಿರ್ವಾಹಕ ಅಧ್ಯಕ್ಷ ಪಿರೋಜ್ ಶಾ ಗೋದ್ರೆಜ್ ಮಾತನಾಡಿ, ನಮ್ಮ ಪಾಲಿಗೆ ಬೆಂಗಳೂರು ಪ್ರಮುಖವಾದ ಮಾರ್ಕೆಟ್. ದೇಶದ ಪ್ರಮುಖ ರಿಯಲ್ ಎಸ್ಟೇಟ್ ಮಾರ್ಕೆಟ್ ನಲ್ಲಿ ನಮ್ಮ ಅಸ್ತಿತ್ವವನ್ನು ಇನ್ನಷ್ಟು ಗಾಢವಾಗಿ ಇರುವಂತೆ ಮಾಡಬೇಕು ಎಂಬ ನಮ್ಮ ವ್ಯೂಹಕ್ಕೆ ಈ ಪ್ರಾಜೆಕ್ಟ್ ಸೇರ್ಪಡೆಯಿಂದ ಅನುಕೂಲ ಆಗಲಿದೆ ಎಂದಿದ್ದಾರೆ.