ಫೆಬ್ರವರಿಯಲ್ಲಿ ಜಿಎಸ್‌ಟಿ ಸಂಗ್ರಹ ಶೇ.9.1 ಏರಿಕೆ ಆದರೆ ಜನವರಿಗಿಂತ ಕಡಿಮೆ! ಎಷ್ಟು?

GST ಸಂಗ್ರಹದಲ್ಲಿ ಭಾರತ ಜನವರಿ ತಿಂಗಳಲ್ಲಿ ದಾಖಲೆಯನ್ನು ಬರೆದಿತ್ತು. ಆದರೆ ಫೆಬ್ರವರಿಯಲ್ಲಿ ಇಳಿಕೆ ಕಂಡಿದೆ. ಹೌದು, 2025ರ ಮೊದಲ ತಿಂಗಳಲ್ಲಿ ಸರಕು ಮತ್ತು ಸೇವಾ ತೆರಿಗೆ (GST) ಸಂಗ್ರಹ ಒಟ್ಟು 1.96 ಲಕ್ಷ ಕೋಟಿ GST ಸಂಗ್ರಹವಾಗಿದೆ. ಅದರೆ ಫೆಬ್ರವರಿ ತಿಂಗಳಲ್ಲಿ ಸರಕು ಮತ್ತು ಸೇವಾ ತೆರಿಗೆ (ಜಿಎಸ್‌ಟಿ) ಸಂಗ್ರಹವು ಕಳೆದ ವರ್ಷಕ್ಕೆ ಹೋಲಿಸಿದರೆ ಕಡಿಮೆಯಾಗಿದೆ. ಹಾಗಿದ್ರೆ ಫೆಬ್ರವರಿಯಲ್ಲಿ ಸಂಗ್ರಹವಾದ ಜೆಎಸ್‌ಟಿ ತೆರಿಗೆ ಎಷ್ಟು? ಎಂಬ ಹೆಚ್ಚಿನ ವಿವರನ್ನು ಈ ಲೇಖನದಲ್ಲಿ ತಿಳಿಯೋಣ ಬನ್ನಿ...

ಶನಿವಾರ ಬಿಡುಗಡೆಯಾದ ಸರ್ಕಾರಿ ಅಂಕಿಅಂಶಗಳ ಪ್ರಕಾರ, ಫೆಬ್ರವರಿ 2025 ರ ಒಟ್ಟು ಸರಕು ಮತ್ತು ಸೇವಾ ತೆರಿಗೆ (ಜಿಎಸ್‌ಟಿ) ಸಂಗ್ರಹವು ಕಳೆದ ವರ್ಷದ ಇದೇ ತಿಂಗಳಿಗೆ ಹೋಲಿಸಿದರೆ ಶೇ 9.1 ರಷ್ಟು ಹೆಚ್ಚಳವನ್ನು ಕಂಡಿದ್ದು, ಸರಿಸುಮಾರು 1.84 ಲಕ್ಷ ಕೋಟಿ ರೂ.ಗಳನ್ನು ತಲುಪಿದೆ. ಇದರಲ್ಲಿ ಕೇಂದ್ರ ಜಿಎಸ್‌ಟಿ 35,204 ಕೋಟಿ ರೂ., ರಾಜ್ಯ ಜಿಎಸ್‌ಟಿ 43,704 ಕೋಟಿ ರೂ.ಆದರೆ ಇಂಟಿಗ್ರೇಟೆಡ್ ಜಿಎಸ್ 90,870 ಕೋಟಿ ರೂ. ಇದೆ. ಜನವರಿಗೆ ಹೋಲಿಸಿದರೆ ಫೆಬ್ರವರಿಯಲ್ಲಿ ಜಿಎಸ್‌ಟಿ ಸಂಗ್ರಹ ಇಳಿಕೆಯಾಗಿದೆ.

ಭಾರತದ ಆರ್ಥಿಕತೆಯು ವರ್ಷದ ನಾಲ್ಕನೇ ತಿಂಗಳು ಮತ್ತು ಅಂತಿಮ ತ್ರೈಮಾಸಿಕದಲ್ಲಿ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಿದೆ. ಆದರೆ ಜನವರಿಯಲ್ಲಿ 1.96 ಲಕ್ಷ ಕೋಟಿ ರೂ. ಜಿಎಸ್‌ಟಿ ಸಂಗ್ರಹವಾಗಿತ್ತು. ಫೆಬ್ರವರಿಯಲ್ಲಿ ಕೇವಲ 28 ದಿನಗಳಿರುವುದರಿಂದ ಜನವರಿಗೆ ಹೋಲಿಸಿದರೆ ಜಿಎಸ್‌ಟಿ ಸಂಗ್ರಹ ಕಡಿಮೆಯಾಗಿದೆ ಎಂದು ಆರ್ಥಿಕ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.

ಮರುಪಾವತಿಗಳಲ್ಲಿ ಫೆಬ್ರವರಿ ತಿಂಗಳ ನಿವ್ವಳ ಜಿಎಸ್‌ಟಿ ಸಂಗ್ರಹವು ಹಿಂದಿನ ವರ್ಷದ ಇದೇ ಅವಧಿಗೆ ಹೋಲಿಸಿದರೆ ಶೇ. 8.1ರಷ್ಟು ಹೆಚ್ಚಳವಾಗಿದೆ. ನಾಲ್ಕು ತಿಂಗಳ ಕಾಲ ಒಂದೇ ರೀತಿಯಲ್ಲಿ ಇದ್ದ ಸರಕು ಮತ್ತು ಸೇವಾ ತೆರಿಗೆ ಸಂಗ್ರಹದಲ್ಲಿನ ಬೆಳವಣಿಗೆಯು ಜನವರಿಯಲ್ಲಿ ಶೇ. 12.3ರನ್ನು ತಲುಪುವ ಮೂಲಕ ಒಂಬತ್ತು ತಿಂಗಳ ಗರಿಷ್ಠ ಮಟ್ಟಕ್ಕೆ ಏರಿಕೆಯ ಮಟ್ಟವನ್ನು ತಲುಪಿದೆ.

ಶೇ. 6.2 ಜಿಡಿಪಿ ಬೆಳವಣಿಗೆ

ಫೆಬ್ರವರಿ 28 ರಂದು ಬಿಡುಗಡೆಯಾದ ಡೇಟಾ ವರದಿಯ ಪ್ರಕಾರ, ಡಿಸೆಂಬರ್‌ಗೆ ಕೊನೆಗೊಂಡ ಮೂರನೇ ತ್ರೈಮಾಸಿಕದಲ್ಲಿ ಭಾರತದ ಆರ್ಥಿಕತೆಯು ಶೇ. 6.2ರಷ್ಟು ಬೆಳವಣಿಯನ್ನು ದಾಖಲೆ ಮಾಡಿತ್ತು. ಇದಕ್ಕೂ ಮುನ್ನ, ಸೆಪ್ಟೆಂಬರ್‌ ತ್ರೈಮಾಸಿಕದಲ್ಲಿ ಜಿಡಿಪಿ ಬೆಳವಣಿಗೆಯು ಶೇ. 5.6ರಷ್ಟು ಇತ್ತು, ಆದ್ದರಿಂದ ಆರ್ಥಿಕ ಬದಲಾವಣೆಯಲ್ಲಿ ಸುಧಾರಣೆಯನ್ನು ಕಾಣಬಹುದು.

ಭಾರತವು ಸಂಪೂರ್ಣವಾಗಿ ಆರ್ಥಿಕ ಪರಿಸ್ಥಿತಿಯನ್ನು ಎದುರಿಸಲು ಯಶಸ್ವಿಯಾಗಿ ಮುನ್ನಡೆಸಿದಂತೆಯೂ, ಮೇಲ್ಸೂಚನೆಯು ಮುಂದಿನ ತಿಂಗಳುಗಳಲ್ಲಿ ಮತ್ತಷ್ಟು ಸ್ಥಿರತೆ ಮತ್ತು ಬೆಳವಣಿಗೆಯನ್ನು ತಲುಪುವ ನಿರೀಕ್ಷೆಯನ್ನು ಹುಟ್ಟುಹಾಕುತ್ತದೆ.
ಈ ಬೆಳವಣಿಗೆಗಳು ಭಾರತೀಯ ಆರ್ಥಿಕತೆಯಾದ ಹಲವಾರು ವಲಯಗಳಲ್ಲಿ ಉತ್ತಮ ಚಟುವಟಿಕೆಯನ್ನು ತರುವ ಹಂತವನ್ನು ಕಾಣಬಹುದು. ಜೊತೆಗೆ ಸರಕಾರ ಮತ್ತು ನೀತಿ ನಿರ್ಮಾಣದ ಕ್ರಮಗಳ ಸಹಾಯದಿಂದ ಆದಾಯದ ವೃದ್ಧಿ ಪ್ರಕ್ರಿಯೆಯು ಮುಂದುವರಿಯಬಹುದು.

ಮೂರನೇ ತ್ರೈಮಾಸಿಕದಲ್ಲಿ ಜಿಡಿಪಿ ಬೆಳವಣಿಗೆಯು ಶೇ. 6.3ರಷ್ಟು ಇರಬಹುದು ಎಂದು ಅಂದಾಜಿಸಲಾಗಿತ್ತು. ಆದರೆ, ಇದಕ್ಕಿಂತ ಅಲ್ಪ ಕಡಿಮೆ ಬೆಳವಣಿಗೆ ದಾಖಲಾಗಿದೆ. ಹೀಗಿದ್ದೂ 2025ನೇ ಆರ್ಥಿಕ ವರ್ಷದಲ್ಲಿ ಭಾರತದ ಆರ್ಥಿಕತೆಯು ಶೇ. 6.5ರ ಬೆಳವಣಿಯನ್ನು ಕಾಣಬಹುದು ಎಂದು ಕೇಂದ್ರ ಸರ್ಕಾರ ಅಂದಾಜು ಮಾಡಿದೆ.

ಭಾರತದ ಆರ್ಥಿಕತೆಯು ನಾಲ್ಕನೇ ತ್ರೈಮಾಸಿಕದಲ್ಲಿ ಶೇ. 6.5ರ ಬೆಳವಣಿಗೆ ಗುರಿಯನ್ನು ಸಾಧಿಸಬೇಕಾಗುತ್ತದೆ. ಭಾರತೀಯ ಆರ್ಥಿಕತೆಯು ನಾಲ್ಕನೇ ತ್ರೈಮಾಸಿಕದಲ್ಲಿ ಅಂದರೆ ಮಾರ್ಚ್‌ ತ್ರೈಮಾಸಿಕದಲ್ಲಿ ಶೇ. 7.6ರ ಬೆಳವಣಿಗೆಯನ್ನು ಕಂಡರೆ ದಾಖಲೆಯ ಮಟ್ಟವನ್ನು ತಲುಪುತ್ತದೆ ಎಂದು ಆಂದಾಜು ಮಾಡಲಾಗಿದೆ.