ವೈದ್ಯಕೀಯ ಸಿಬ್ಬಂದಿಗೆ ಇಂಡಿಗೋ ಪ್ರಯಾಣ ದರದಲ್ಲಿ 25% ವಿನಾಯಿತಿ
ವೈದ್ಯರು, ನರ್ಸ್ ಗಳಿಗೆ ಈ ವರ್ಷದ ಕೊನೆ ತನಕ ಪ್ರಯಾಣ ದರದಲ್ಲಿ 25% ರಿಯಾಯಿತಿ ಘೋಷಣೆ ಮಾಡಿದೆ ಇಂಡಿಗೋ ವಿಮಾನ ಯಾನ ಸಂಸ್ಥೆ. ಕೊರೊನಾ ವಿರುದ್ಧ ಹೋರಾಟದಲ್ಲಿ ಅತಿ ಮುಖ್ಯ ಪಾತ್ರ ವಹಿಸುತ್ತಿರುವ ಅವರಿಗೆ ಈ ರಿಯಾಯಿತಿ ನೀಡಲಾಗುತ್ತಿದೆ ಎಂದು ತಿಳಿಸಲಾಗಿದೆ.
ಅಂತರರಾಷ್ಟ್ರೀಯ ಪ್ರಯಾಣಿಕರ ವಿಮಾನ ಹಾರಾಟ ಜುಲೈ 31ರ ತನಕ ಇಲ್ಲ
"ನರ್ಸ್ ಗಳು ಮತ್ತು ವೈದ್ಯರು ಅಧಿಕೃತವಾದ ಆಸ್ಪತ್ರೆ ಗುರುತಿನ ಚೀಟಿಯನ್ನು ಚೆಕ್ ಇನ್ ಸಂದರ್ಭದಲ್ಲಿ ಸಾಕ್ಷಿಯಾಗಿ ನೀಡಬೇಕು" ಎಂದು ಹೇಳಿಕೆ ನೀಡಲಾಗಿದೆ. ವೈದ್ಯಕೀಯ ಸಿಬ್ಬಂದಿಗೆ ಧನ್ಯವಾದ ಹೇಳುವ ಸಲುವಾಗಿ ಈ ಅಭಿಯಾನ ಆರಂಭಿಸಲಾಗಿದೆ. ಚೆಕ್ ಇನ್ ಆದ ಸಂದರ್ಭದಿಂದಲೂ ವಿಶೇಷವಾಗಿ ಬರಮಾಡಿಕೊಳ್ಳಲು ಕೂಡ ತೀರ್ಮಾನಿಸಲಾಗಿದೆ.
ಇಂಡಿಗೋ ವೆಬ್ ಸೈಟ್ ಮೂಲಕ ಬುಕ್ಕಿಂಗ್ ಮಾಡಿದಲ್ಲಿ ಈ ರಿಯಾಯಿತಿ ದೊರೆಯಲಿದೆ. ಜುಲೈ 1, 2020ರಿಂದ ಡಿಸೆಂಬರ್ 31, 2020ರ ಪ್ರಯಾಣಕ್ಕೆ ಮಾತ್ರ ಇದು ಅನ್ವಯ ಆಗಲಿದೆ. ದೇಶೀಯವಾಗಿ ವಿಮಾನಗಳ ಹಾರಾಟವನ್ನು ಆರಂಭ ಮಾಡಲಾಗಿದ್ದು, ಅಂತರರಾಷ್ಟ್ರೀಯ ಪ್ರಯಾಣಿಕರ ವಿಮಾನ ಹಾರಾಟದ ಅಮಾನತನ್ನು ಜುಲೈ 31ರ ತನಕ ವಿಸ್ತರಣೆ ಮಾಡಲಾಗಿದೆ.