Just In
Don't Miss
-
'KGF-2' ಚಿತ್ರದಿಂದ ಸಿಕ್ಕಿದ್ದು 200 ಕೋಟಿ ರೂ.; 'ಟಾಕ್ಸಿಕ್', 'ರಾಮಾಯಣ'ಕ್ಕೆ ಯಶ್ 50-50 ಡೀಲ್! -
CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ -
ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್ -
ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ -
ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ -
Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್.. -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸತತ 7ನೇ ವರ್ಷ ನಷ್ಟ ಕಂಡ ಪೇಟಿಎಂ ಮಾತೃಸಂಸ್ಥೆ One 97 ಕಮ್ಯುನಿಕೇಷನ್ಸ್
ಪೇಟಿಎಂನ ಮಾತೃಸಂಸ್ಥೆಯಾದ One 97 ಕಮ್ಯುನಿಕೇಷನ್ಸ್ 2019- 20ನೇ ಸಾಲಿಗೆ ನಷ್ಟವನ್ನು 28% ಕಡಿತ ಮಾಡಿಕೊಂಡು, 2833 ಕೋಟಿ ರುಪಾಯಿ ತಲುಪಿದೆ ಎಂದು ಎಕನಾಮಿಕ್ ಟೈಮ್ಸ್ ವರದಿ ಮಾಡಿದೆ. ನೋಯ್ಡಾ ಮೂಲದ One 97 ಕಮ್ಯುನಿಕೇಷನ್ಸ್ ವೆಚ್ಚ 20% ಕಡಿಮೆಯಾಗಿ, 5,861 ಕೋಟಿ ರುಪಾಯಿಯನ್ನು ಮುಟ್ಟಿದೆ. FY19ರಲ್ಲಿ 7,254 ಕೋಟಿ ರುಪಾಯಿ ವೆಚ್ಚವಾಗಿತ್ತು ಎಂಬ ಮಾಹಿತಿ ನೀಡಲಾಗಿದೆ.
ಇನ್ನು ಇದೇ ವೇಳೆ ಕಂಪೆನಿಯ ಆದಾಯದಲ್ಲಿ ಸ್ವಲ್ಪ ಮಟ್ಟಿಗೆ ಇಳಿಕೆ ಆಗಿದೆ. ಅಂದರೆ, 1% ಕುಸಿದು, 3350 ಕೋಟಿ ರುಪಾಯಿಯನ್ನು ಮುಟ್ಟಿದೆ. 2019- 20ರ ಹಣಕಾಸು ವರ್ಷದಲ್ಲಿ ಕಾರ್ಯ ನಿರ್ವಹಣ್ ಮೂಲಕ 3115 ಕೋಟಿ ರು. ಆದಾಯ ಬಂದಿದ್ದರೆ, FY19ರಲ್ಲಿ 3049 ಕೋಟಿ ರು. ಬಂದಿತ್ತು. 2019- 20ರಲ್ಲಿ ಬಹುತೇಕ ವೆಚ್ಚಗಳನ್ನು "ಇತರ ಖರ್ಚುಗಳು" ಎಂಬ ವಿಭಾಗದಲ್ಲಿ ಸೇರಿಸಿದ್ದು, ಅದು ಒಟ್ಟು ರು. 5861 ಕೋಟಿ ರು. ವರದಿ ಆಗಿದೆ.
ಸತತ ಏಳನೇ ಹಣಕಾಸು ವರ್ಷ ನಷ್ಟ
One 97 ಕಮ್ಯುನಿಕೇಷನ್ಸ್ ಸತತ ಏಳನೇ ಹಣಕಾಸು ವರ್ಷ ನಷ್ಟ ಕಾಣುತ್ತಿದೆ. FY22ರ ಹೊತ್ತಿಗೆ ಕಂಪೆನಿ ಲಾಭದಾಯಕ ಆಗುವ ಬಗ್ಗೆ ವಿಶ್ವಾಸ ವ್ಯಕ್ತಪಡಿಸಲಾಗಿದೆ. ಸಾಲ ವಿತರಣೆ, ಇನ್ಷೂರೆನ್ಸ್, ವೆಲ್ತ್ ಮ್ಯಾನೇಜ್ ಮೆಂಟ್, ವಾಣಿಜ್ಯ ಮತ್ತು ಗೇಮಿಂಗ್ ಸೇರಿ ಇತರ ಹಣಕಾಸು ಸೇವೆಗಳನ್ನು ಆರಂಭಿಸಲಿರುವ ಹಿನ್ನೆಲೆಯಲ್ಲಿ ಕಂಪೆನಿಗೆ ಲಾಭ ಆಗಬಹುದು ಎಂಬ ನಿರೀಕ್ಷೆಯಿದೆ.
ಇತರ ಪ್ಲಾಟ್ ಫಾರ್ಮ್ ಗಳ ಜತೆ ಪೇಟಿಎಂ ಸ್ಪರ್ಧೆ
ಯುನಿಫೈಡ್ ಪೇಮೆಂಟ್ ಇಂಟರ್ ಫೇಸ್ (UPI) ಮತ್ತು ಇ ವ್ಯಾಲೆಟ್ ನಲ್ಲಿ ಪೇಟಿಎಂನೊಂದಿಗೆ ಗೂಗಲ್ ಪೇ, ವಾಲ್ ಮಾರ್ಟ್ ನವರ ಫೋನ್ ಪೇ, ಮೊಬಿಕ್ವಿಕ್, ಭಾರತ್ ಪೇ ಮತ್ತು ಅಮೆಜಾನ್ ಪೇ ಸ್ಪರ್ಧಿಸುತ್ತಿವೆ. ಪೇಟಿಎಂಗೆ 1.7 ಕೋಟಿಗೂ ಹೆಚ್ಚು ವರ್ತಕರು ಹಾಗೂ ಸಕ್ರಿಯ ಸಣ್ಣ ಉದ್ಯಮಿಗಳು ಅದರ ಪ್ಲಾಟ್ ಫಾರ್ಮ್ ನಲ್ಲಿ ಇದ್ದಾರೆ.
ಗಣನೀಯವಾಗಿ ವೆಚ್ಚ ಇಳಿಕೆ
FY20ರ ಸೆಪ್ಟೆಂಬರ್ ತ್ರೈಮಾಸಿಕವೊಂದರಲ್ಲೇ ಪೇಟಿಎಂ ನಷ್ಟವು 37% ಇಳಿಕೆಯಾಗಿ, 2597 ಕೋಟಿ ರುಪಾಯಿ ಮುಟ್ಟಿದೆ ಎಂದು ವರದಿ ಆಗಿತ್ತು. ವೆಚ್ಚವನ್ನು ಗಣನೀಯವಾಗಿ ಇಳಿಕೆ ಮಾಡಿದ್ದು, FY22ರ ಹೊತ್ತಿಗೆ ಕಂಪೆನಿಯು ಲಾಭದಾಯಕವಾಗಲಿದೆ ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿತ್ತು.
