ಸತತ 4ನೇ ದಿನ ಕುಸಿದ ಪೆಟ್ರೋಲ್ ದರ

ದೇಶದಲ್ಲಿ ಪೆಟ್ರೋಲ್ ಬೆಲೆಯು ಸತತ 4ನೇ ದಿನವು ಕಡಿತಗೊಂಡಿದೆ. ಸರ್ಕಾರಿ ಸ್ವಾಮ್ಯದ ಇಂಧನ ಚಿಲ್ಲರೆ ವ್ಯಾಪಾರಿಗಳು(ರಿಟೈಲರ್) ಶನಿವಾರ 5 ಪೈಸೆ ಬೆಲೆ ಇಳಿಕೆ ಮಾಡಿದ್ದಾರೆ. ಆದರೆ ಡೀಸೆಲ್ ಬೆಲೆಯಲ್ಲಿ ಯಾವುದೇ ವ್ಯತ್ಯಾಸವಾಗಿಲ್ಲ. ಅಂತರಾಷ್ಟ್ರೀಯ ತೈಲ ಸಂಸ್ಥೆಗಳು ದರವನ್ನು ಹೆಚ್ಚಿಸಿದ್ದರಿಂದ ಡಿಸೆಂಬರ್ 9ರಂದು ಪೆಟ್ರೋಲ್ ಬೆಲೆಯು ಮೊದಲ ಬಾರಿಗೆ 75 ರುಪಾಯಿ ತಲುಪಿತ್ತು.

ಕಳೆದ ತಿಂಗಳು ಡೀಸೆಲ್ ಬೆಲೆಯು ಪ್ರತಿ ಲೀಟರ್‌ಗೆ 65 ರಿಂದ 66 ರುಪಾಯಿಗಳ ಒಳಗೆ ಏರಿಳಿತ ಕಾಣುತ್ತಿತ್ತು. ಹಾಗೆಯೇ ಪೆಟ್ರೋಲ್ ಕಳೆದ ತಿಂಗಳಿನಲ್ಲಿ ಲೀಟರ್‌ಗೆ 2.30 ರುಪಾಯಿ ಏರಿಕೆ ದಾಖಲಿಸಿತ್ತು. ಭಾರತದಲ್ಲಿ ಇಂಧನದ ಚಿಲ್ಲರೆ(ರಿಟೈಲ್) ದರವನ್ನು ನಿಗದಿಪಡಿಸಲು ಅಂತರರಾಷ್ಟ್ರೀಯ ಕಚ್ಚಾ ಬೆಲೆಗಳು ಮತ್ತು ವಿದೇಶಿ ವಿನಿಮಯ ದರಗಳನ್ನು ಗಣನೆಗೆ ತೆಗೆದುಕೊಳ್ಳಲಾಗುತ್ತದೆ.

ಪೆಟ್ರೋಲ್ ದರವು ಈ ಕೆಳ ಕಂಡ ನಗರಗಳಲ್ಲಿ ಹೀಗಿವೆ
ನವದೆಹಲಿಯಲ್ಲಿ ರು. 74.84
ಕೋಲ್ಕತ್ತಾದಲ್ಲಿ ರು. 77.44
ಮುಂಬೈನಲ್ಲಿ ರು. 80.49
ಚೆನ್ನೈನಲ್ಲಿ ರು. 77.81
ಬೆಂಗಳೂರಿನಲ್ಲಿ ರು. 77.40

ಡೀಸಲ್ ದರ ಈ ಕೆಳಕಂಡ ನಗರಗಳಲ್ಲಿ ಹೀಗಿವೆ.
ನವದೆಹಲಿಯಲ್ಲಿ ರು. 66.04
ಕೋಲ್ಕತ್ತಾದಲ್ಲಿ ರು.. 68.45
ಮುಂಬೈನಲ್ಲಿ ರು. 69.27
ಚೆನ್ನೈ ನಲ್ಲಿ ರು. 69.81
ಬೆಂಗಳೂರಿನಲ್ಲಿ ರು. 68.29