ಕೊಟಕ್ ಮಹೀಂದ್ರಾ ಬ್ಯಾಂಕ್ ಗೆ ಸಿಇಒ ಆಗಿ ಉದಯ್ ಮರು ನೇಮಕಕ್ಕೆ ಒಪ್ಪಿಗೆ

ಕೊಟಕ್ ಮಹೀಂದ್ರಾ ಬ್ಯಾಂಕ್ ನ ಕಾರ್ಯ ನಿರ್ವಾಹಕ ನಿರ್ದೇಶಕ ಮತ್ತು ಸಿಇಒ ಆಗಿ ಉದಯ್ ಕೊಟಕ್ ಅವರನ್ನು ಮರು ನೇಮಕ ಮಾಡುವುದಕ್ಕೆ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾವು ಒಪ್ಪಿಗೆ ನೀಡಿದೆ. ಸ್ಟಾಕ್ ಎಕ್ಸ್ ಚೇಂಜ್ ಫೈಲಿಂಗ್ ನಲ್ಲಿ ಈ ಬಗ್ಗೆ ಸೋಮವಾರ ಮಾಹಿತಿ ನೀಡಲಾಗಿದೆ.

5 ರುಪಾಯಿ ಮುಖಬೆಲೆ ಷೇರಿಗೆ 974 ರು. ಡಿವಿಡೆಂಡ್ ಘೋಷಿಸಿದ ಮೆಜೆಸ್ಕೋ

ಈಗಾಗಲೇ ಉದಯ್ ಕೊಟಕ್ ಹದಿನೇಳು ವರ್ಷಗಳ ಕಾಲ ಬ್ಯಾಂಕ್ ಮುಖ್ಯಸ್ಥರಾಗಿ ಸೇವೆ ಸಲ್ಲಿಸಿದ್ದಾರೆ. ಇನ್ನೂ ಮೂರು ವರ್ಷ ಎಂ.ಡಿ., ಸಿಇಒ ಆಗಿ ಅವರು ಮುಂದುವರಿಯಲಿದ್ದಾರೆ. ಇನ್ನು ಪ್ರಕಾಶ್ ಆಪ್ಟೆ ಅವರನ್ನು ಅರೆಕಾಲಿಕ ಮುಖ್ಯಸ್ಥರಾಗಿ ಮತ್ತು ದೀಪಕ್ ಗುಪ್ತಾ ಅವರನ್ನು ಜಂಟಿ ಕಾರ್ಯನಿರ್ವಾಹಕ ನಿರ್ದೇಶಕರಾಗಿ ಮೂರು ವರ್ಷಗಳ ಅವಧಿಗೆ ನೇಮಿಸಲಾಗಿದೆ. ಈ ನೇಮಕವು 2021ರ ಜನವರಿಯಿಂದ ಜಾರಿಗೆ ಬರಲಿದೆ.

ಆಡಳಿತ ಮಂಡಳಿಯ ನಿರ್ದೇಶಕರು ಮತ್ತು ಬ್ಯಾಂಕ್ ಷೇರುದಾರರು ಈ ಮರು ನೇಮಕಾತಿಗೆ ಒಪ್ಪಿಗೆ ಸೂಚಿಸಿದ್ದಾರೆ. ಕಳೆದ ಮೇ 13 ಹಾಗೂ ಆಗಸ್ಟ್ 18ನೇ ತಾರೀಕಿನಂದು ನಡೆದಿದ್ದ ಸಭೆಯಲ್ಲಿ ಒಪ್ಪಿಗೆ ನೀಡಲಾಗಿದೆ.