ವರ್ಷದ ಎಲ್ಲ ದಿನವೂ RTGS ವ್ಯವಸ್ಥೆ ಡಿ. 14 ಮಧ್ಯರಾತ್ರಿ 12.30ರಿಂದ ಜಾರಿ
ರಿಯಲ್ ಟೈಮ್ ಗ್ರಾಸ್ ಸೆಟ್ಲ್ ಮೆಂಟ್ (ಆರ್ ಟಿಜಿಎಸ್) ವ್ಯವಸ್ಥೆಯು ಡಿಸೆಂಬರ್ 14, 2020ರ ಮಧ್ಯರಾತ್ರಿ 12.30ರಿಂದ 24X7 ಕಾರ್ಯ ನಿರ್ವಹಣೆ ಮಾಡಲಿದೆ ಎಂದು ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾದ ಗವರ್ನರ್ ಶಕ್ತಿಕಾಂತ ದಾಸ್ ಅವರು ಭಾನುವಾರ ಹೇಳಿದ್ದಾರೆ.
2020ರ ಡಿಸೆಂಬರ್ ನಿಂದ RTGS ಹಣ ವರ್ಗಾವಣೆ 24X7
ಆರ್ ಟಿಜಿಎಸ್ ಮೊದಲ ಬಾರಿಗೆ ಕಾರ್ಯ ನಿರ್ವಹಣೆ ಆರಂಭಿಸಿದ್ದು ಮಾರ್ಚ್ 26, 2004ರಿಂದ. ಕೇವಲ ನಾಲ್ಕು ಬ್ಯಾಂಕ್ ಗಳೊಂದಿಗೆ ಆರಂಭವಾದ ಈ ವಹಿವಾಟು, ಸದ್ಯಕ್ಕೆ ಪ್ರತಿ ದಿನ 6.35 ಲಕ್ಷ ವ್ಯವಹಾರ ಆಗುತ್ತದೆ. ಒಟ್ಟು 237 ಬ್ಯಾಂಕ್ ಗಳಿಂದ 4.17 ಲಕ್ಷ ಕೋಟಿ ರುಪಾಯಿಯ ವ್ಯವಹಾರ ಆಗುತ್ತಿದೆ. ನವೆಂಬರ್ 2020ಕ್ಕೆ ಆರ್ ಟಿಜಿಎಸ್ ಸರಾಸರಿ ಟಿಕೆಟ್ ಗಾತ್ರ 57.96 ಲಕ್ಷ ರುಪಾಯಿ.
ಈಗ ವರ್ಷದ ಎಲ್ಲ ದಿನವೂ, ಇಪ್ಪತ್ನಾಲ್ಕು ಗಂಟೆಯೂ ಆರ್ ಟಿಜಿಎಸ್ ಸೌಲಭ್ಯ ದೊರೆಯುವುದರಿಂದ ವ್ಯಾಪಾರ- ವ್ಯವಹಾರಕ್ಕೆ ಅನುಕೂಲ ಆಗಲಿದೆ. ಇದರಿಂದ ಭಾರತದ ಹಣಕಾಸು ಮಾರುಕಟ್ಟೆ ಮತ್ತು ವಿದೇಶಗಳಿಗೆ ಹಣ ವರ್ಗಾವಣೆ ಕಾರ್ಯ ನಿರ್ವಹಣೆ ಇನ್ನಷ್ಟು ವಿಸ್ತರಣೆ ಆಗುತ್ತದೆ.