ಬೆಂಗಳೂರಿನಿಂದ ಬೇಸಿಗೆ ವಿಶೇಷ ರೈಲು ಆರಂಭ, ಮಾರ್ಗ ವಿವರ

ಬೆಂಗಳೂರು, ಮೇ 27: ಈಸ್ಟ್ ಸೆಂಟ್ರಲ್ ರೈಲ್ವೆಯು ಮುಜಫರ್‌ಪುರ ಮತ್ತು ಯಶವಂತಪುರ ನಡುವೆ ಪ್ರಯಾಣಿಕರ ಅನುಕೂಲಕ್ಕಾಗಿ ಬೇಸಿಗೆ ವಿಶೇಷ ರೈಲುಗಳ ಹೆಚ್ಚುವರಿ ಟ್ರಿಪ್‌ಗಳನ್ನು ಓಡಿಸಲಿದೆ.

ರೈಲು ಸಂಖ್ಯೆ 05271 ಮೇ 31 ರಂದು ಮಧ್ಯಾಹ್ನ 3.30 ಕ್ಕೆ ಮುಜಾಫರ್‌ಪುರದಿಂದ ಹೊರಟು ಭಾನುವಾರ ಸಂಜೆ 7 ಗಂಟೆಗೆ ಯಶವಂತಪುರ ತಲುಪಲಿದೆ. ರೈಲು ಸಂಖ್ಯೆ 05272 ಯಶವಂತಪುರದಿಂದ ಮೇ 27 ಮತ್ತು ಜೂನ್ 3 ರಂದು ಬೆಳಿಗ್ಗೆ 7.30 ಕ್ಕೆ ಹೊರಟು ಬುಧವಾರ ಮಧ್ಯಾಹ್ನ ಮುಜಾಫರ್‌ಪುರ ತಲುಪಲಿದೆ.

ನೈಋತ್ಯ ರೈಲ್ವೆಯು ಮುಂದಿನ ಬೇಸಿಗೆ ವಿಶೇಷ ರೈಲುಗಳನ್ನು ಸರ್‌ ಎಂ. ವಿಶ್ವೇಶ್ವರಯ್ಯ ರೈಲು ನಿಲ್ದಾಣ (SMVT) ಬೆಂಗಳೂರು ಮತ್ತು ಭುವನೇಶ್ವರ ನಡುವೆ ನಡೆಸಲಿದೆ. ರೈಲು ಸಂಖ್ಯೆ 06271 ಎಸ್‌ಎಂವಿಟಿ ಬೆಂಗಳೂರಿನಿಂದ ಮೇ 31 ರಂದು ಮಧ್ಯರಾತ್ರಿ 12.10 ಕ್ಕೆ ಹೊರಟು ಮರುದಿನ ಬೆಳಿಗ್ಗೆ 4 ಗಂಟೆಗೆ ಭುವನೇಶ್ವರ ತಲುಪಲಿದೆ. ರೈಲು ಸಂಖ್ಯೆ 06272 ಜೂನ್ 2 ರಂದು ಬೆಳಿಗ್ಗೆ 6.30 ಕ್ಕೆ ಭುವನೇಶ್ವರದಿಂದ ಹೊರಟು ಮರುದಿನ ಬೆಳಿಗ್ಗೆ 9 ಗಂಟೆಗೆ SMVT ಬೆಂಗಳೂರು ತಲುಪುತ್ತದೆ.

ರೈಲು ಸಂಖ್ಯೆ 06279 ಜೂನ್ 7 ರಂದು ಬೆಳಿಗ್ಗೆ 12.10 ಕ್ಕೆ SMVT ಬೆಂಗಳೂರಿನಿಂದ ಹೊರಟು ಮರುದಿನ ಬೆಳಿಗ್ಗೆ 5 ಗಂಟೆಗೆ ಸಂಬಲ್ಪುರವನ್ನು ತಲುಪುತ್ತದೆ. ರೈಲು ಸಂಖ್ಯೆ 06280 ಸಂಬಲ್ಪುರದಿಂದ ಜೂನ್ 8 ರಂದು ಬೆಳಿಗ್ಗೆ 11.35 ಕ್ಕೆ ಹೊರಟು ಮರುದಿನ ಬೆಳಿಗ್ಗೆ 7.30 ಕ್ಕೆ SMVT ಬೆಂಗಳೂರು ತಲುಪುತ್ತದೆ.

ಕಲಬುರಗಿಗೆ ವಿಶೇಷ ರೈಲು:

ನೈರುತ್ಯ ರೈಲ್ವೆ SMVT ಬೆಂಗಳೂರು ಮತ್ತು ಕಲಬುರಗಿ ನಡುವೆ ತ್ರಿ-ಸಾಪ್ತಾಹಿಕ ಬೇಸಿಗೆ ವಿಶೇಷ ರೈಲುಗಳ 15 ಟ್ರಿಪ್‌ಗಳನ್ನು ಓಡಿಸಲಿದೆ. ರೈಲು ಸಂಖ್ಯೆ 06261 ಪ್ರತಿ ಸೋಮವಾರ, ಬುಧವಾರ ಮತ್ತು ಗುರುವಾರ SMVT ಬೆಂಗಳೂರಿನಿಂದ ಮೇ 27 ರಿಂದ ಜೂನ್ 27 ರವರೆಗೆ ರಾತ್ರಿ 11.50 ಕ್ಕೆ ಶ್ರೀ ಸತ್ಯಸಾಯಿ ಪ್ರಶಾಂತಿ ನಿಲಯಂ ಮೂಲಕ ಹೊರಡಲಿದೆ. ರೈಲು ಸಂಖ್ಯೆ 06262 ಮೇ 28 ರಿಂದ ಜೂನ್ 28 ರವರೆಗೆ ಪ್ರತಿ ಮಂಗಳವಾರ, ಗುರುವಾರ ಮತ್ತು ಶುಕ್ರವಾರ ಕಲಬುರಗಿಯಿಂದ ಸಂಜೆ 4.50 ಕ್ಕೆ ಹೊರಡಲಿದೆ.