ನಿರೀಕ್ಷೆಗಿಂತ ಕಡಿಮೆಯಾದ ಟಿಸಿಎಸ್ ಲಾಭ 8049 ಕೋಟಿ; ಷೇರಿಗೆ 6 ರು. ಲಾಭಾಂಶ

ಐಟಿ ವಲಯದ ಪ್ರಮುಖ ಕಂಪೆನಿ ಟಿಸಿಎಸ್ ನ ನಾಲ್ಕನೇ ತ್ರೈಮಾಸಿಕ ಫಲಿತಾಂಶ ಗುರುವಾರ (ಏಪ್ರಿಲ್ 16) ಬಂದಿದೆ. 8049 ಕೋಟಿ ರುಪಾಯಿ ನಿವ್ವಳ ಲಾಭ ಬಂದಿದ್ದು, ಕಳೆದ ವರ್ಷದ ಇದೇ ಅವಧಿಯಲ್ಲಿ 8126 ಕೋಟಿ ರುಪಾಯಿ ನಿವ್ವಳ ಲಾಭ ಬಂದಿತ್ತು. ಸಿಎನ್ ಬಿಸಿ ಟಿವಿ 18 ಅಂದಾಜು 8200 ಕೋಟಿ ರುಪಾಯಿ ಇತ್ತು. ಕಂಪೆನಿಯ ಆದಾಯ 39,946 ಕೋಟಿ ರುಪಾಯಿ ಬಂದಿದೆ.

ಜಾಗತಿಕ ಮಟ್ಟದಲ್ಲಿ ಕೊರೊನಾದಿಂದ ಲಾಕ್ ಡೌನ್ ಆಗಿದ್ದು, ಅದರ ಪರಿಣಾಮ ಟಿಸಿಎಸ್ ಗಳಿಕೆ ಮೇಲೂ ಆಗಿದೆ. ಇನ್ನು ಮುಂಬರುವ ತ್ರೈ ಮಾಸಿಕಗಳಲ್ಲಿ ವಿದೇಶಗಳಿಂದ ಬೇಡಿಕೆ ಕಡಿಮೆ ಆಗುವುದರಿಂದ ಆದಾಯದಲ್ಲಿ ಇಳಿಕೆ ಆಗಬಹುದು ಎಂಬ ಅಂದಾಜಿದೆ. ಕಳೆದ ಕೆಲವು ವಾರಗಳಿಂದ ಸಿಬ್ಬಂದಿಯ ಆರೋಗ್ಯ, ಆರ್ಥಿಕ ಸ್ಥಿತಿ ಕಾಪಾಡಿಕೊಳ್ಳುವುದು ಮುಖ್ಯ. ಜಾಗತಿಕ ಮಟ್ಟದಲ್ಲಿ ನಮ್ಮ ಸೇವೆಗಳು ಮುಂದುವರಿಯಲಿವೆ. ನಾವು ಹಿಂದೆಂದಿಗಿಂತ ಹೆಚ್ಚು ಬಲವಾಗಿ ಹಿಂತಿರುಗುತ್ತೇವೆ ಎಂದು ಟಿಸಿಎಸ್ ಸಿಇಒ- ಎಂ.ಡಿ. ತಿಳಿಸಿದ್ದಾರೆ.

ಈ ತ್ರೈಮಾಸಿಕದಲ್ಲಿ $ 5,444 ಮಿಲಿಯನ್ ಬಂದಿದ್ದು, ನಿರಂತರ ಕರೆನ್ಸಿ ಆದಾಯ ಬೆಳವಣಿಗೆ ಮೂರು ಪರ್ಸೆಂಟ್ ಆಗಿದೆ ಎಂದು ತಿಳಿಸಲಾಗಿದೆ. ಅಂದ ಹಾಗೆ ಟಿಸಿಎಸ್ ನಿಂದ ಅಂತಿಮ ಲಾಭಾಂಶ ಪ್ರತಿ ಷೇರಿಗೆ 6 ರುಪಾಯಿಯಂತೆ ಘೋಷಣೆ ಮಾಡಲಾಗಿದೆ.