ಇದೇ ಮೊದಲು ದೇಶದ ಗಡಿಯಾಚೆಗೂ ಪಾರ್ಸೆಲ್ ರೈಲು ಸೇವೆ

ಇದೇ ಮೊದಲ ಬಾರಿಗೆ ದೇಶದ ಗಡಿಯಾಚೆಗೂ ಸೇವೆಯನ್ನು ವಿಸ್ತರಿಸಿದೆ ಭಾರತೀಯ ರೈಲ್ವೆ. ಇದು ವಿಶೇಷವಾದ ಪಾರ್ಸೆಲ್ ರೈಲಾಗಿತ್ತು. ಬಾಂಗ್ಲಾದೇಶದ ಬೇನಾಪೋಲ್ ಗೆ ಆಂಧ್ರಪ್ರದೇಶದ ಗುಂಟೂರು ಜಿಲ್ಲೆಯ ರೆಡ್ಡಿಪಲೆಂನಿಂದ ಒಣಮೆಣಸಿನಕಾಯಿ ಹೊತ್ತೊಯ್ದಿತು. ಈ ವಿಶೇಷ ಪಾರ್ಸೆಲ್ ರೈಲು 16 ವ್ಯಾನ್ ಗಳಿದ್ದವು. 384 ಟನ್ ಒಣ ಮೆಣಸಿನಕಾಯಿ ಸಾಗಿಸಲಾಯಿತು.

ಒಂದು ಟನ್ ಮೆಣಸಿನಕಾಯಿ ಸಾಗಾಟಕ್ಕೆ 4,608 ರುಪಾಯಿ ವೆಚ್ಚ ಆಗಿದೆ. ಇದನ್ನೇ ರಸ್ತೆ ಸಾರಿಗೆ ಮೂಲಕ ಸಾಗಾಟ ನಡೆಸಿದ್ದರೆ ಪ್ರತಿ ಟನ್ ಗೆ 7,000 ರುಪಾಯಿ ವೆಚ್ಚ ಬರುತ್ತಿತ್ತು. ಅದಕ್ಕೆ ಹೋಲಿಸಿದರೆ ರೈಲಿನಲ್ಲಿ ಸಾಗಾಟ ಮಾಡಿರುವುದರಿಂದ ಶೇಕಡಾ 30 ಪರ್ಸೆಂಟ್ ಗೂ ಹೆಚ್ಚು ಹಣ ಉಳಿತಾಯ ಆಗಿದೆ.

ಸಣ್ಣ ಪ್ರಮಾಣದಲ್ಲಿ ಗುಂಟೂರು ಸುತ್ತಮುತ್ತಲ ಪ್ರದೇಶದಿಂದ ರಸ್ತೆ ಮೂಲಕ ಬಾಂಗ್ಲಾದೇಶ್ ಗೆ ಸಾಗಾಟ ಆಗುವ ಈ ಮೆಣಸಿನಕಾಯಿಗಾಗಿ ರೈತರು ಹಾಗೂ ವರ್ತಕರು ಹಣ ನೀಡುತ್ತಾರೆ. ಲಾಕ್ ಡೌನ್ ಅವಧಿಯನ್ನು ಪೂರೈಕೆಗೆ ದೊಡ್ಡ ಹೊಡೆತ ಬಿದ್ದಿದೆ. ಕೊರೊನಾ ಅವಧಿಯಲ್ಲಿ ಪೂರೈಕೆ ಹೆಚ್ಚಿಸುವ ನಿಟ್ಟಿನಲ್ಲಿ ಭಾರತೀಯ ರೈಲ್ವೆ ಪಾರ್ಸೆಲ್ ರೈಲುಗಳ ಓಡಾಟವನ್ನು ಹೆಚ್ಚು ಮಾಡಲು ಕ್ರಮ ಕೈಗೊಂಡಿದೆ.

ಅಗತ್ಯ ವಸ್ತುಗಳಾದ ವೈದ್ಯಕೀಯ ಸಲಕರಣೆ, ಆಹಾರ ಪದಾರ್ಥ ಇತ್ಯಾದಿಗಳನ್ನು ಶೀಘ್ರವಾಗಿ ಸಾಗಾಟ ಮಾಡಲು ಪರಿಣಾಮಕಾರಿ ಕ್ರಮಗಳನ್ನು ಕೈಗೊಳ್ಳಲಾಗಿದೆ. ಆಯ್ದ ಮಾರ್ಗಗಳಲ್ಲಿ ಪಾರ್ಸೆಲ್ ರೈಲುಗಳು 4304 ಬಾರಿ ಸಂಚರಿಸಿವೆ.