ಡಿಸೆಂಬರ್ 1ರಿಂದ ಆಗಲಿರುವ 4 ಬದಲಾವಣೆಗಳಿವು
ಇನ್ನೇನು ಡಿಸೆಂಬರ್ ತಿಂಗಳು ಬಂತು. ಜನಸಾಮಾನ್ಯರ ಜೀವನದಲ್ಲಿ ಮಹತ್ತರವಾದ ಬದಲಾವಣೆ ತರುವಂಥ ಕೆಲವು ಅಂಶಗಳು ಇಲ್ಲಿವೆ. ಈ ವರದಿಯಲ್ಲಿನ ಅಂಶಗಳು ಭಾರತದಲ್ಲಿನ ಬಹುಪಾಲು ನಾಗರಿಕರ ಮೇಲೆ ಪ್ರಭಾವ ಬೀರಲಿವೆ. ಯಾವುವು ಆ ಅಂಶಗಳು ಎಂಬ ವಿವರಣೆ ತಿಳಿದುಕೊಳ್ಳುವುದಕ್ಕೆ ಮುಂದೆ ಓದಿ.
1 LPG ದರದಲ್ಲಿ ಬದಲಾವಣೆ ಆಗಬಹುದು
ಸರ್ಕಾರಿ ಸ್ವಾಮ್ಯದ ತೈಲ ಕಂಪೆನಿಗಳು ಪ್ರತಿ ತಿಂಗಳು ಎಲ್ ಪಿಜಿ ದರದ ಪರಿಷ್ಕರಣೆ ಮಾಡಬೇಕು. ಡಿಸೆಂಬರ್ ನಲ್ಲಿ ಅಡುಗೆ ಅನಿಲ ದರದಲ್ಲಿ ಬದಲಾವಣೆ ಆಗಲಿದೆ. ದೇಶದಲ್ಲಿ ಬಹುಪಾಲು ಕುಟುಂಬಗಳು ಎಲ್ ಪಿಜಿ ಸಂಪರ್ಕವನ್ನು ಹೊಂದಿವೆ. ಅದರಲ್ಲೂ ಅಡುಗೆ ಅನಿಲ ಸಿಲಿಂಡರ್ ಗಳ ಬಳಕೆ ವ್ಯಾಪಕ. ಈ ತಿಂಗಳು ಎಲ್ ಪಿಜಿ ದರ ಇನ್ನಷ್ಟು ಕಡಿಮೆ ಆಗುವ ಸಾಧ್ಯತೆ ಇದೆ. ಕೊರೊನಾ ಬಿಕ್ಕಟ್ಟಿನ ಸಂದರ್ಭದಲ್ಲಿ ಗ್ರಾಹಕರಿಗೆ ಹೊರೆ ಆಗದಿರಲಿ ಎಂಬ ಕಾರಣಕ್ಕೆ ಎಲ್ ಪಿಜಿ ದರದಲ್ಲಿ ಯಾವ ಬದಲಾವಣೆಯನ್ನೂ ಮಾಡಿರಲಿಲ್ಲ. ಎಲ್ ಪಿಜಿ ದರದ ಏರಿಕೆ ಮಾಡಿದಲ್ಲಿ ಅದರ ಪರಿಣಾಮ ಖಂಡಿತವಾಗಿಯೂ ಜನಸಾಮಾನ್ಯರ ಮೇಲಾಗುತ್ತದೆ.
2. ಇನ್ಷೂರೆನ್ಸ್ ಪ್ರೀಮಿಯಂ ಮೊತ್ತ ಬದಲಾವಣೆ ಆಗಬಹುದು
ಇನ್ಷೂರೆನ್ಸ್ ಮೊತ್ತದ ಪ್ರೀಮಿಯಂ ಅನ್ನು ಶೇಕಡಾ ಐವತ್ತರಷ್ಟು ಇಳಿಕೆ ಮಾಡಿಕೊಳ್ಳಬಹುದು. ಆದ್ದರಿಂದ ಇನ್ಷೂರೆನ್ಸ್ ದಾರರು ಅರ್ಧದಷ್ಟು ಕಂತನ್ನು ಮಾತ್ರ ಪಾವತಿಸುವ ಮೂಲಕ ಪಾಲಿಸಿ ಉಳಿಸಿಕೊಳ್ಳಬಹುದು.
ಡಿಸೆಂಬರ್ 31, 2020ರೊಳಗೆ ಐಟಿ ರಿಟರ್ನ್ಸ್ ಸಲ್ಲಿಸದಿದ್ರೆ ಏನಾಗುತ್ತೆ
3. ಡಿಸೆಂಬರ್ ನಲ್ಲಿ ಹೊಸ ರೈಲು ಸಂಚಾರ ಆರಂಭವಾಗುತ್ತದೆ
ಡಿಸೆಂಬರ್ ಒಂದನೇ ತಾರೀಕಿನಿಂದ ಸಾಮಾನ್ಯ ವಿಭಾಗದಲ್ಲಿ ಬರುವ ರೈಲುಗಳ ಸಂಚಾರವೇ ಆರಂಭವಾಗುತ್ತದೆ. ಇನ್ನು ವಿಶೇಷ ರೈಲುಗಳ ಸಂಚಾರ ಪ್ರತಿ ನಿತ್ಯವೂ ಇರುತ್ತದೆ. ಕೊರೊನಾ ಬಿಕ್ಕಟ್ಟಿನ ಸಂದರ್ಭದಲ್ಲಿ ಕೆಲ ಸಮಯ ರೈಲು ಸಂಚಾರ ನಿಂತಿತ್ತು. ಸದ್ಯಕ್ಕೆ ದೇಶದಲ್ಲಿ ನಿರ್ಬಂಧಗಳ ತೆರವಾಗುತ್ತಿದೆ. ಆದ್ದರಿಂದ ಮಾಮೂಲಿ ವೇಳಾಪಟ್ಟಿಯಂತೆಯೇ ರೈಲು ಸಂಚಾರ ಆಗಲಿದೆ.
4 ರಿಯಲ್ ಟೈಮ್ ಗ್ರಾಸ್ ಸೆಟ್ಲ್ ಮೆಂಟ್ (RTGS) ಬದಲಾವಣೆ
ಡಿಸೆಂಬರ್ ನಿಂದ ದಿನದ ಎಲ್ಲ ಸಮಯದಲ್ಲೂ RTGS ವ್ಯವಸ್ಥೆ ದೊರೆಯುತ್ತದೆ ಎಂದು ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಕಳೆದ ಅಕ್ಟೋಬರ್ ನಲ್ಲಿ ಹೇಳಿದೆ. ದ್ವೈಮಾಸಿಕ ಹಣಕಾಸು ನೀತಿ ಘೋಷಣೆ ಸಂದರ್ಭದಲ್ಲಿ ಆರ್ ಬಿಐ ಗವರ್ನರ್ ಶಕ್ತಿಕಾಂತ್ ದಾಸ್ ಈ ಬಗ್ಗೆ ಹೇಳಿದ್ದರು. ಆರ್ ಟಿಜಿಎಸ್ ಎಂಬುದು ಹಣಕಾಸು ವರ್ಗಾವಣೆ ವ್ಯವಹಾರ. ನಿರಂತರವಾಗಿ ಹಾಗೂ ಆಗಿಂದಾಗಲೇ ಮತ್ತೊಂದು ಖಾತೆಗೆ ಹಣವನ್ನು ವರ್ಗಾಯಿಸುವುದಕ್ಕೆ ಇರುವ ವ್ಯವಸ್ಥೆ. ಇನ್ನು ಮುಂದೆ ವರ್ಗಾವಣೆಯ ಮೊತ್ತಕ್ಕೂ ಯಾವುದೇ ಮಿತಿ ಇರುವುದಿಲ್ಲ.