Deepavali Effect: ದೀಪಾವಳಿ ಎಫೆಕ್ಟ್, ವಿಮಾನ ದರ ಶೇಕಡ 200ಕ್ಕಿಂತ ಅಧಿಕ ಜಿಗಿತ!

ದೀಪಾವಳಿಯು ಆರಂಭವಾಗಲು ಇನ್ನು ಕೆಲವೇ ದಿನಗಳು ಇದೆ. ಇದಕ್ಕೂ ಮುನ್ನವೇ ಕೆಲವು ಜನಪ್ರಿಯ ಮಾರ್ಗಗಳ ವಿಮಾನ ದರಗಳು ಗಗನಕ್ಕೇರುತ್ತಿವೆ. ಏರ್‌ಲೈನ್‌ಗಳ ಹೆಚ್ಚಿನ ಬೇಡಿಕೆ ಮತ್ತು ಕಡಿಮೆ ಲಭ್ಯತೆಯಿಂದಾಗಿ ವಿಮಾನ ದರಗಳಲ್ಲಿ ಹಠಾತ್ ಏರಿಕೆ ಉಂಟಾಗುತ್ತಿದೆ ಎಂದು ವರದಿಯಾಗಿದೆ.

ಈ ವರ್ಷದ ದಾಖಲೆಯ ಅಂಕಿಅಂಶಗಳ ಪ್ರಕಾರ, ಈ ಹಬ್ಬದ ಸೀಸನ್‌ನಲ್ಲಿ ಸಾಮಾನ್ಯ ವಿಮಾನಗಳ ದರವು ಶೇಕಡ 282 ವರೆಗೆ ಹೆಚ್ಚಳವಾಗಿದೆ. ಅಹಮದಾಬಾದ್‌ನಿಂದ ಕೊಚ್ಚಿಗೆ ನೇರ ವಿಮಾನದ ರಿಟರ್ನ್ ಟಿಕೆಟ್‌ಗೆ ಪ್ರತಿ ವ್ಯಕ್ತಿಗೆ ನಂಬಲಾಗದಷ್ಟು ವೆಚ್ಚವಾಗುತ್ತದೆ.

ಅಂದರೆ 57,000 ರೂಪಾಯಿ ವೆಚ್ಚವಾಗುತ್ತದೆ. ಇನ್ನು ಬಾಗ್ಡೋಗ್ರಾಕ್ಕೆ ಟಿಕೆಟ್‌ಗೆ ಪ್ರತಿ ವ್ಯಕ್ತಿಗೆ 45,000 ರೂಪಾಯಿ ವೆಚ್ಚವಾಗುತ್ತದೆ. ಒಂದು ವಾರ ಮುಂಚಿತವಾಗಿ ಕಾಯ್ದಿರಿಸುವಾಗ, ಚಂಡೀಗಢದ ಟಿಕೆಟ್‌ನ ವೆಚ್ಚವು 10,000 ರೂಪಾಯಿ ಬದಲಾಗಿ 35,000 ರೂಪಾಯಿ ಆಗುವ ಸಾಧ್ಯತೆಯಿದೆ.

ದೀಪಾವಳಿ ವಾರದಲ್ಲಿ ಮುಂಬೈನಿಂದ ಶ್ರೀನಗರ, ಬಾಗ್ಡೋಗ್ರಾ ಮತ್ತು ಪಾಟ್ನಾದಂತಹ ಸ್ಥಳಗಳಿಗೆ ತಡೆರಹಿತ ವಿಮಾನಗಳಲ್ಲಿ ಪ್ರಯಾಣಿಸಲು ಲಭ್ಯವಿರುವ ಅಗ್ಗದ ವಾಪಸಾತಿ ದರವು 35 ಸಾವಿ ರೂಪಾಯಿ ಮತ್ತು ಅದಕ್ಕಿಂತ ಅಧಿಕವಾಗಿದೆ.

ರಾಂಚಿ, ಪ್ರಯಾಗ್‌ರಾಜ್, ಜೋಧ್‌ಪುರ, ರಾಯ್‌ಪುರ್ ಮತ್ತು ಕೊಚ್ಚಿಯಂತಹ ಇತರ ಸ್ಥಳಗಳಿಗೆ ವಿಮಾನಗಳಲ್ಲಿ ಹಿಂದಿರುಗುವ ದರವು 20,000 ರೂಪಾಯಿ ಅಥವಾ ಅದಕ್ಕಿಂತ ಅಧಿಕವಾಗಿರುತ್ತದೆ. ದೆಹಲಿಯಿಂದಾದರೆ, 20,000 ರೂಪಾಯಿ ಮತ್ತು ಬಾಗ್ಡೋಗ್ರಾ, ಮಂಗಳೂರು, ಕೊಚ್ಚಿ ಮತ್ತು ಪಾಟ್ನಾಗೆ ಟಿಕೆಟ್ ದರವು ಅದಕ್ಕಿಂತ ಅಧಿಕವಾಗಿದೆ.

ಟ್ರಾವೆಲ್ ಏಜೆಂಟ್ಸ್ ಅಸೋಸಿಯೇಷನ್ ಆಫ್ ಇಂಡಿಯಾ (ಟಿಎಎಐ) ಅಧ್ಯಕ್ಷ ವೀರೇಂದ್ರ ಶಾ ಪ್ರಕಟಣೆಯಲ್ಲಿ ಈ ಬಗ್ಗೆ ವಿವರಿಸಿದ್ದಾರೆ. "ಈ ಬಾರಿ, ದೀಪಾವಳಿ ಪ್ರಯಾಣದ ಒಟ್ಟಾರೆ ಪ್ರಮಾಣವು ಗಮನಾರ್ಹವಾಗಿ ಹೆಚ್ಚಾಗಿದೆ. ಯುರೋಪ್‌ಗೆ ವೀಸಾ ಸಮಸ್ಯೆಗಳು ಇನ್ನೂ ಮುಂದುವರಿದಂತೆ, ಅನೇಕ ಜನರು ಬೇರೆ ಪ್ರದೇಶಕ್ಕೆ ಪ್ರಯಾಣದ ಪ್ಲ್ಯಾನ್ ಮಾಡುತ್ತಿದ್ದಾರೆ. ಹೆಚ್ಚಾಗಿ ದೇಶೀಯ ಪ್ರಯಾಣ ಮಾಡುತ್ತಿದ್ದಾರೆ. ಇದರಿಂದಾಗಿ ಟಿಕೆಟ್ ಬೇಡಿಕೆ ಅಧಿಕವಾಗಿ, ಬೆಲೆ ಏರಿಕೆಯಾಗಿದೆ," ಎಂದು ತಿಳಿಸಿದರು.

ಶ್ರೇಣಿ 1, 2, 3 ನಗರಗಳಲ್ಲಿನ ವಿಮಾನ ದರಗಳು

ಅಕ್ಟೋಬರ್ 21-27, 2022 ರ ಅವಧಿಯಲ್ಲಿ ದೆಹಲಿ-ಶ್ರೀನಗರ ಮಾರ್ಗದ ವಿಮಾನಯಾನ ಬೆಲೆ 3,794 ರೂಪಾಯಿ ಆಗಿತ್ತು. ಆದರೆ ನವೆಂಬರ್ 10 ರಿಂದ 16, 2023ರವೆಗೆ ಬೆಲೆ 7,175 ರೂಪಾಯಿಗೆ ಏರಿಕೆಯಾಗಿದೆ. ಅದೇ ರೀತಿ, ದೆಹಲಿ-ಅಹಮದಾಬಾದ್ ಮಾರ್ಗದ ವಿಮಾನ ದರಗಳು 3,311 ರೂಪಾಯಿಯಿಂದ 5,688 ರೂಪಾಯುಗೆ ಏರಿಕೆಯಾಗಿದೆ.

ಈ ಅಂಕಿಅಂಶಗಳು ಮುಂಗಡ ಖರೀದಿ ದರಗಳನ್ನು ಅಂದರೆ 80 ದಿನಗಳಿಗಿಂತ ಮುನ್ನ ಖರೀದಿ ಮಾಡುವ ದರಗಳನ್ನು ಕೂಡಾ ಹೊಂದಿದೆ. ನವೆಂಬರ್ 19 ರಂದು ವಿಶ್ವಕಪ್ ಫೈನಲ್‌ನ ಕಾರಣ, ಪ್ರಮುಖ ನಗರಗಳು ಮತ್ತು ಜನಪ್ರಿಯ ಸ್ಥಳಗಳಿಂದ ಅಹಮದಾಬಾದ್‌ಗೆ ಒಳಬರುವ ವಿಮಾನಗಳ ದರವು ಗಮನಾರ್ಹವಾಗಿ ಹೆಚ್ಚಿವೆ.

ಬೆಲೆ ಏರಿಕೆಯು ಕೇವಲ ಮೆಟ್ರೋ ಮಾರ್ಗಗಳಿಗೆ ಸೀಮಿತವಾಗಿಲ್ಲ. ಭುವನೇಶ್ವರ, ಇಂದೋರ್, ಲಕ್ನೋ ಮತ್ತು ಜೈಪುರದಂತಹ ಶ್ರೇಣಿ 2-3 ನಗರಗಳಲ್ಲಿಯೂ ನಾವು ಕಾಣಬಹುದಾಗಿದೆ. ಈ ನಗರಗಳಲ್ಲಿ ಮುಂಬೈ, ದೆಹಲಿ ಮತ್ತು ಬೆಂಗಳೂರಿನಂತಹ ಪ್ರಮುಖ ಕೇಂದ್ರಗಳಿಂದ ವಿಮಾನಯಾನ ದರವು ಶೇಕಡ 5-15 ರಷ್ಟು ಜಿಗಿತವನ್ನು ಕಂಡಿದೆ. ಈ ಕೇಂದ್ರಗಳಲ್ಲಿ ಜನರು ದೀಪಾವಳಿಗಾಗಿ ತಮ್ಮ ಊರಿಗೆ ಪ್ರಯಾಣ ಮಾಡುತ್ತಾರೆ.