NPS: ಈ ಯೋಜನೆ ಮೂಲಕ ಮಾಸಿಕವಾಗಿ 1 ಲಕ್ಷ ರೂಪಾಯಿ ಪಡೆಯುವುದು ಹೇಗೆ?

ರಾಷ್ಟ್ರೀಯ ಪಿಂಚಣಿ ಯೋಜನೆಯು ನಿವೃತ್ತಿಯ ಸಂದರ್ಭದಲ್ಲಿ ಒತ್ತಡರಹಿತವಾದ ಪರಿಹಾರವನ್ನು ನೀಡುತ್ತದೆ. ಮಾತ್ರವಲ್ಲದೇ ಮಾಸಿಕ ಪಿಂಚಣಿಗಳನ್ನು ಸುಮಾರು 1 ಲಕ್ಷ ರೂಪಾಯಿವರೆಗೂ ಒದಗಿಸುತ್ತದೆ. ಸರ್ಕಾರಿ, ಖಾಸಗಿ ವಲಯದ ಉದ್ಯೋಗಿಯಾಗಿರಲಿ ಅಥವಾ ಬೇರೆ ಯಾರೇ ಆಗಿರಲಿ ಈ ಯೋಜನೆಯಲ್ಲಿ ಮುಕ್ತವಾಗಿ ಹೂಡಿಕೆ ಮಾಡಬಹುದಾಗಿದೆ.

18 ರಿಂದ 70 ವರ್ಷ ವಯಸ್ಸಿನ ನಾಗರಿಕರು ರಾಷ್ಟ್ರೀಯ ಪಿಂಚಣಿ ಯೋಜನೆಯಲ್ಲಿ ಭಾಗಿಗಳಾಗಬಹುದು. ಉದ್ಯೋಗಸ್ಥರಿಗೆ ನಿವೃತ್ತಿಯಾಗುವುದು ಮಾನಸಿಕವಾಗಿ ಒತ್ತಡ ನೀಡುವುದರಿಂದ ಈ ಯೋಜನೆ ಮುಂದೆ ಆರ್ಥಿಕ ಸಬಲತೆಗೆ ಆದರ್ಶ ನಿವೃತ್ತಿಯ ಹೂಡಿಕೆಯ ಆಯ್ಕೆಯಾಗಿದೆ.

ಎನ್‌ಪಿಎಸ್‌ನ ಪ್ರಮುಖ ಅಂಶಗಳು :

ಎಲ್ಲರಿಗೂ ಮುಕ್ತ : ಇದು ಕೇವಲ ಸರ್ಕಾರಿ ನೌಕರರಿಗೆ ಸೀಮಿತವಾಗಿರದೆ, ಖಾಸಗಿ ವಲಯದ ಕೆಲಸಗಾರರು ಮತ್ತು ವ್ಯಕ್ತಿಗಳು ಎನ್‌ಪಿಎಸ್‌ನಲ್ಲಿ ಹೂಡಿಕೆ ಮಾಡಬಹುದಾಗಿದೆ.

ಎನ್‌ಪಿಎಸ್‌ ಯೋಜನೆಗೆ ವಯೋಮಿತಿ: 18 ರಿಂದ 70 ವರ್ಷದೊಳಗಿನ ನಾಗರಿಕರು ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆಯಲ್ಲಿ ಭಾಗವಹಿಸಬಹುದು.

ದೀರ್ಘಾವಧಿಯ ಹೂಡಿಕೆ: ಎನ್‌ಪಿಎಸ್ ಸ್ವಯಂಪ್ರೇರಿತವಾಗಿರುವ ಮತ್ತು ದೀರ್ಘಾವಧಿಯ ಹೂಡಿಕೆ ಯೋಜನೆಯಾಗಿದ್ದು, ಇದು ಆರ್ಥಿಕ ಭದ್ರತೆಯನ್ನು ಖಚಿತಪಡಿಸುತ್ತದೆ.

ಗ್ಲೋಬಲ್ ಇನ್ವೆಸ್ಟ್ ಮೆಂಟ್: ಎನ್‌ಪಿಎಸ್ ಇನ್ನೊಂದು ಅನುಕೂಲವೆಂದರೆ ಈ ಪಿಂಚಣಿ ಯೋಜನೆಯಲ್ಲಿ ಎನ್‌ಆರ್‌ಐಗಳು ಕೂಡ ಹೂಡಿಕೆ ಮಾಡಬಹುದು.

ಅವಧಿ: ಪಿಂಚಣಿ ಯೋಜನೆಯಾಗಿ, 60 ವರ್ಷದವರೆಗೆ ಹೂಡಿಕೆಯನ್ನು ಮುಂದುವರಿಸಬೇಕು ಅಥವಾ 20 ವರ್ಷಗಳ ಮೆಚ್ಯೂರಿಟಿ ಅವಧಿ ಅಗತ್ಯವಿದೆ.

ಹೂಡಿಕೆಯ ಮೇಲಿನ ಲಾಭ: ಈ ಯೋಜನೆಯು ಶೇಕಡ 9 ರಿಂದ ಶೇಕಡ 12 ವರೆಗಿನ ಸರಾಸರಿ ಆದಾಯವನ್ನು ನೀಡುತ್ತದೆ.

ಮಾಸಿಕ ಪಿಂಚಣಿ ಲೆಕ್ಕಾಚಾರ: 30 ವರ್ಷಗಳವರೆಗೆ ಮಾಸಿಕ 10,000 ರೂಪಾಯಿ ಹೂಡಿಕೆ ಮಾಡುವುದರಿಂದ 1 ಲಕ್ಷ ರೂಪಾಯಿ ಮಾಸಿಕ ಪಿಂಚಣಿ ಸಿಗುತ್ತದೆ.

ಈಕ್ವಿಟಿ ಎಕ್ಸ್‌ಫೋಸರ್ (Equity exposure): ಈ ಯೋಜನೆಯು ಶೇಕಡ 50 ರಿಂದ ಶೇಕಡ 75 ರ ರೇಂಜ್‌ನಲ್ಲಿ ಈಕ್ವಿಟಿ ಎಕ್ಸ್‌ಫೋಸರ್ ಅಥವಾ Equity exposure ಒದಗಿಸುತ್ತದೆ.

ತೆರಿಗೆ ಪ್ರಯೋಜನಗಳು: ಸೆಕ್ಷನ್ 80ಸಿಸಿಡಿ (1) ಅಡಿಯಲ್ಲಿ 50,000 ರೂಪಾಯಿ ಮತ್ತು ಸೆಕ್ಷನ್ 80C ಅಡಿಯಲ್ಲಿ 1.5 ಲಕ್ಷ ರೂಪಾಯಿವರೆಗೆ ತೆರಿಗೆ ಉಳಿತಾಯ ಮಾಡಬಹುದು.

ಆರ್ಥಿಕ ಸ್ವಾತಂತ್ರ್ಯ ಮತ್ತು ತೆರಿಗೆ ಪ್ರಯೋಜನಗಳನ್ನು ನೀಡುವ ವಿಶ್ವಾಸಾರ್ಹ ಆಯ್ಕೆಯಾದ ರಾಷ್ಟ್ರೀಯ ಪಿಂಚಣಿ ಯೋಜನೆಯೊಂದಿಗೆ ನಿಮ್ಮ ನಿವೃತ್ತಿಯನ್ನು ಸುಭದ್ರಗೊಳಿಸಬಹುದು.