LIC Plan: ಪ್ರತಿದಿನ 87 ರೂಪಾಯಿ ಹೂಡಿಕೆ ಮಾಡಿ 11 ಲಕ್ಷ ರೂಪಾಯಿ ಪಡೆಯುವುದು ಹೇಗೆ?

ನಾವು ಹೂಡಿಕೆ ಎಂದಾಗ ಕಡಿಮೆ ಹೂಡಿಕೆ ಮಾಡಿ ಎಲ್ಲಿ ಅಧಿಕ ಹಣವನ್ನು ಪಡೆಯಲು ಸಾಧ್ಯವೆಂದು ನೋಡುತ್ತೇವೆ. ಹಾಗಿದ್ದಾಗ ನಮಗೆ ಇರುವ ಬೆಸ್ಟ್ ಆಯ್ಕೆಗಳಲ್ಲಿ ಎಲ್‌ಐಸಿ ಕೂಡಾ ಒಂದಾಗಿದೆ. ದೇಶದ ಪ್ರಮುಖ ವಿಮಾ ಸಂಸ್ಥೆಯಾದ ಭಾರತೀಯ ಜೀವ ವಿಮಾ ನಿಗಮ ಎಲ್ಲ ವರ್ಗಕ್ಕೆ ವಿಮೆ ಹಾಗೂ ಉಳಿತಾಯ ಆಯ್ಕೆಗಳನ್ನು ನೀಡುತ್ತದೆ.

ನಮ್ಮ ಹಣಕಾಸಿನ ಅಗತ್ಯಕ್ಕೆ ಅನುಗುಣವಾಗಿ ಎಲ್‌ಐಸಿಯಲ್ಲಿ ಯೋಜನೆಗಳು ಇದೆ. ಅಂತಹ ಒಂದು ಯೋಜನೆ, ನಿರ್ದಿಷ್ಟವಾಗಿ ಮಹಿಳೆಯರಿಗಾಗಿ ವಿನ್ಯಾಸಗೊಳಿಸಲಾಗಿದೆ. ಅದು ಆಧಾರ್ ಶಿಲಾ ಯೋಜನೆಯಾಗಿದ್ದು, ಈ ಯೋಜನೆಯಲ್ಲಿ ನೀವು ಪ್ರತಿ ದಿನ 87 ರೂಪಾಯಿ ಹೂಡಿಕೆ ಮಾಡಿದರೆ, 11 ಲಕ್ಷ ರೂಪಾಯಿ ಪಡೆಯಲು ಸಾಧ್ಯವಾಗುತ್ತದೆ.

ಎಲ್‌ಐಸಿ ಆಧಾರ್ ಶಿಲಾ ಯೋಜನೆಯು ಮಹಿಳಾ ಪಾಲಿಸಿದಾರರಿಗೆ ಮೀಸಲಾದ ನಾನ್‌ ಲಿಂಕ್ಡ್ ವೈಯಕ್ತಿಕ ಜೀವ ವಿಮಾ ಯೋಜನೆಯಾಗಿದೆ. ಈ ಯೋಜನೆಯ ಭಾಗವಾಗಿ, ವಿಮಾದಾರರಿಗೆ ಮೆಚ್ಯೂರಿಟಿ ಬಳಿಕ ನಿಗದಿತ ಮೊತ್ತ ಪಾವತಿ ಮಾಡಲಾಗುತ್ತದೆ. ಆಕೆಯ ಅಕಾಲಿಕ ಮರಣದ ಸಂದರ್ಭದಲ್ಲಿ, ಕುಟುಂಬಕ್ಕೆ ಆರ್ಥಿಕ ಸಹಾಯವನ್ನು ನೀಡಲಾಗುತ್ತದೆ.

ಎಲ್‌ಐಸಿ ಅತೀ ಕಡಿಮೆ ಅಪಾಯಕಾರಿ, ಗ್ರಾಹಕ-ಕೇಂದ್ರಿತ ಪಾಲಿಸಿಗಳಿಗೆ ಹೆಸರುವಾಸಿಯಾಗಿದೆ. ಹಣಕಾಸಿನ ಅಗತ್ಯಕ್ಕೆ ತಕ್ಕ ಬೇರೆ ಬೇರೆ ಪಾಲಿಸಿಗಳನ್ನು ಹೊಂದಿದೆ. ಎಲ್‌ಐಸಿ ಆಧಾರ್ ಶಿಲಾ ಯೋಜನೆಯು ಹೂಡಿಕೆದಾರರಿಗೆ ದಿನಕ್ಕೆ 87 ರೂಪಾಯಿ ಹೂಡಿಕೆ ಮಾಡಿದರೆ, ಮೆಚ್ಯೂರಿಟಿ ವೇಳೆ 11 ಲಕ್ಷ ರೂಪಾಯಿ ನೀಡುವ ಯೋಜನೆಯಾಗಿದೆ.

ದಿನಕ್ಕೆ 87 ರೂಪಾಯಿ ಹೂಡಿಕೆ, 11 ಲಕ್ಷ ರೂಪಾಯಿ ಉಳಿತಾಯ ಹೇಗೆ?

ಉದಾಹರಣೆಗೆ, 55 ವರ್ಷ ವಯಸ್ಸಿನ ವ್ಯಕ್ತಿಯೊಬ್ಬರು ಮುಂದಿನ 15 ವರ್ಷಗಳವರೆಗೆ ಪ್ರತಿ ದಿನ 87 ರೂಪಾಯಿ ಡೆಪಾಸಿಟ್ ಮಾಡಿದರೆ, ಮೊದಲ ವರ್ಷದ ಕೊನೆಯಲ್ಲಿ ಒಟ್ಟು ಡೆಪಾಸಿಟ್ 31,755 ರೂಪಾಯಿ ಆಗುತ್ತದೆ. ಹತ್ತು ವರ್ಷಗಳ ಅವಧಿಯಲ್ಲಿ, ಡೆಪಾಸಿಟ್ ಮಾಡಿದ ಮೊತ್ತವು 3,17,550 ರೂಪಾಯಿ ಆಗಿರುತ್ತದೆ. ಅಂತಿಮವಾಗಿ, 70 ವರ್ಷವನ್ನು ತಲುಪಿದ ನಂತರ, ವಿಮೆದಾರರು ಒಟ್ಟು 11 ಲಕ್ಷ ರೂಪಾಯಿ ಪಡೆಯಲು ಸಾಧ್ಯವಾಗುತ್ತದೆ.

ಎಲ್‌ಐಸಿ ಆಧಾರ್ ಶಿಲಾ ಯೋಜನೆ: ವಿವರಗಳು

ಎಲ್ಐಸಿ ಆಧಾರ್ ಶಿಲಾ ಯೋಜನೆಯಡಿ, ಯೋಜನೆಗೆ ಕನಿಷ್ಠ ಪ್ರವೇಶ ವಯಸ್ಸು 8 ವರ್ಷಗಳು, ಗರಿಷ್ಠ ವಯಸ್ಸಿನ ಮಿತಿ 55 ವರ್ಷಗಳು ಆಗಿದೆ. ಹೂಡಿಕೆದಾರರು ಕನಿಷ್ಠ 10 ವರ್ಷಗಳ ಅವಧಿಗೆ ಹೂಡಿಕೆ ಮಾಡಬಹುದು. ಗರಿಷ್ಠ 20 ವರ್ಷಗಳ ಪಾಲಿಸಿ ಖರೀದಿಸಬಹುದು. ಗರಿಷ್ಠ ಮೆಚ್ಯೂರಿಟಿ ವಯಸ್ಸು 70 ವರ್ಷವಾಗಿದೆ. ಹೂಡಿಕೆದಾರರು ಕನಿಷ್ಠ 75,000 ರೂಪಾಯಿಯಿಂದ ಗರಿಷ್ಠ 3 ಲಕ್ಷ ರೂಪಾಯಿವರೆಗೆ ಹೂಡಿಕೆ ಮಾಡಬಹುದು.

ಎಲ್ಐಸಿ ಆಧಾರ್ ಶಿಲಾ ಯೋಜನೆ: ಪ್ರಯೋಜನಗಳು

1. ಸಂಪೂರ್ಣ ಪಾಲಿಸಿ ಅವಧಿಯನ್ನು ಉಳಿದುಕೊಂಡ ನಂತರ, ಜೀವ ವಿಮಾದಾರರು ಮೆಚ್ಯೂರಿಟಿ ಪ್ರಯೋಜನವನ್ನು ಪಡೆಯಲು ಅರ್ಹರಾಗುತ್ತಾರೆ. ಮುಕ್ತಾಯದ ನಂತರ, ಪಾಲಿಸಿದಾರರು ಹೊಸ ಪಾಲಿಸಿಯಲ್ಲಿ ಒಟ್ಟು ಮೊತ್ತವನ್ನು ಮರುಹೂಡಿಕೆ ಮಾಡಬಹುದು.

2. ಯೋಜನೆಯು ಡೆತ್ ಬೆನಿಫಿಟ್‌ಗಳನ್ನು ಸಹ ನೀಡುತ್ತದೆ. ವಿಮಾದಾರರ ಅಕಾಲಿಕ ಮರಣದ ಸಂದರ್ಭದಲ್ಲಿ, ಡೆತ್ ಬೆನಿಫಿಟ್‌ ಪಾಲಿಸಿಯ ನಾಮಿನಿಗೆ ಪಾವತಿಸಲಾಗುತ್ತದೆ.

3. ಪಾಲಿಸಿದಾರರು ಸತತ ಎರಡು ಪಾಲಿಸಿ ವರ್ಷಗಳನ್ನು ಪೂರ್ಣಗೊಳಿಸಿದ ನಂತರ ತಮ್ಮ ಪಾಲಿಸಿಯನ್ನು ಸರೆಂಡರ್ ಮಾಡಲು ಅರ್ಜಿ ಸಲ್ಲಿಸಬಹುದು. ಪಾಲಿಸಿಯನ್ನು ಸರೆಂಡರ್ ಮಾಡಿದ ನಂತರ, ಪಾಲಿಸಿಯ ಅವಧಿಯಲ್ಲಿ ಪಾವತಿಸಬೇಕಾದ ಖಾತರಿಯ ಸರೆಂಡರ್ ಮೌಲ್ಯವು ಪಾವತಿಸಿದ ಒಟ್ಟು ಪ್ರೀಮಿಯಂಗೆ ಸಮನಾಗಿರಬೇಕು.

4. ಪಾಲಿಸಿಯು ಸರೆಂಡರ್ ಸಮಯ ಕಳೆದ ಬಳಿಕ ನಂತರ ಹೂಡಿಕೆದಾರರು ಸಾಲದ ಪ್ರಯೋಜನಗಳನ್ನು ತೆಗೆದುಕೊಳ್ಳಬಹುದು.

5. ಪಾವತಿ ಅವಧಿಯ ಪ್ರೀಮಿಯಂ, ಪಾಲಿಸಿ ಅವಧಿಗೆ ಸಮನಾಗಿರುತ್ತದೆ ಮತ್ತು ವಾರ್ಷಿಕ, ಮಾಸಿಕ, ತ್ರೈಮಾಸಿಕ ಅಥವಾ ಅರ್ಧ-ವಾರ್ಷಿಕ ವಿಧಾನಗಳಲ್ಲಿ ಪಾವತಿಸಬಹುದು.