ಕೊನೆಯ ಕ್ಷಣದಲ್ಲಿ ಹರಿದು ಬಂತು ಎಲ್‌ಐಸಿ ಐಪಿಒಗೆ ವಿದೇಶಿ ಹೂಡಿಕೆ

ಜಾಗತಿಕವಾಗಿ ಅನಿಶ್ಚಿತತೆಯ ನಡುವೆ ಎಲ್‌ಐಸಿ ಐಪಿಒ ಮೇಲೆ ವಿದೇಶಿ ಹೂಡಿಕೆದಾರರು ಹೆಚ್ಚು ಹೂಡಿಕೆ ಮಾಡಿರಲಿಲ್ಲ. ಹಲವಾರು ಅಂಶಗಳು ಎಲ್‌ಐಸಿ ಹೂಡಿಕೆದಾರರ ಮೇಲೆ ಪ್ರಭಾವ ಬೀರಿದ್ದವು. ಆದರೆ ಕೊನೆಯ ಕ್ಷಣದಲ್ಲಿ ವಿದೇಶಿ ಹೂಡಿಕೆದಾರರು ಎಲ್‌ಐಸಿ ಐಪಿಒ ಮೇಲೆ ಹೂಡಿಕೆ ಮಾಡಿದ್ದಾರೆ.

ಸೋಮವಾರ ಚಂದಾದಾರಿಕೆಯ ಮುಕ್ತಾಯದ ಕೊನೆಯ ಗಂಟೆಗಳಲ್ಲಿ ಭಾರತದ ಅತಿದೊಡ್ಡ ಷೇರು ಮಾರಾಟಕ್ಕೆ ತಮ್ಮ ಬಿಡ್‌ಗಳನ್ನು ವಿದೇಶಿ ಹೂಡಿಕೆದಾರರು ಹೆಚ್ಚಿಸಿದ್ದಾರೆ. ಮಾಹಿತಿಯ ಪ್ರಕಾರ ಲೈಫ್ ಇನ್ಶುರೆನ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾದ 2.7 ಬಿಲಿಯನ್ ಡಾಲರ್ ಆರಂಭಿಕ ಸಾರ್ವಜನಿಕ ಕೊಡುಗೆಯಲ್ಲಿ ಸಾಂಸ್ಥಿಕ ಖರೀದಿದಾರರಿಗೆ ಮೀಸಲಿಟ್ಟ ಶೇಕಡ 61 ಷೇರುಗಳಿಗೆ ಸಾಗರೋತ್ತರ ಹೂಡಿಕೆದಾರರು ಹೂಡಿಕೆ ಮಾಡಿದ್ದಾರೆ.

ಬಿಡ್ಡಿಂಗ್‌ನ ಅಂತ್ಯದ ವೇಳೆಗೆ ಈ ಭಾಗವನ್ನು ಸುಮಾರು ಮೂರು ಬಾರಿ ಓವರ್‌ಸಬ್‌ಸ್ಕ್ರೈಬ್ ಮಾಡಲಾಗಿದೆ. ಸಂಚಿಕೆಯು ಮೇ 4 ರಂದು ಪ್ರಾರಂಭವಾಯಿತು ಮತ್ತು ವಾರಾಂತ್ಯದಲ್ಲೂ ಬಿಡ್‌ಗಳನ್ನು ಸ್ವೀಕಾರ ಮಾಡಲಾಯಿತು. ಐಪಿಒದ ಆಂಕರ್ ವೇಳೆ ನಾರ್ವೆ ಮತ್ತು ಸಿಂಗಾಪುರದಿಂದ ಹೂಡಿಕೆ ಮಾಡಲಾಗಿದೆ.

ಹೆಚ್ಚಿನ ಹೂಡಿಕೆದಾರರು ದೇಶೀಯ ಹೂಡಿಕೆದಾರರು

"ನಮ್ಮ ದೇಶೀಯ ಹೂಡಿಕೆದಾರರು ಮತ್ತು ಮಾರುಕಟ್ಟೆಗಳ ಸಾಮರ್ಥ್ಯವು ಗಣನೀಯವಾಗಿ ಏರಿದೆ ಎಂದು ಇದು ತೋರಿಸುತ್ತದೆ. ನಾವು ವಿದೇಶಿಯರ ಮೇಲೆ ಅವಲಂಬಿತರಾಗದೆ ನಮ್ಮ ಬಂಡವಾಳ ಮಾರುಕಟ್ಟೆಗಳನ್ನು ನಡೆಸಬಹುದು, ಆದರೂ ಅವರನ್ನು ಸ್ವಾಗತಿಸುತ್ತೇವೆ," ಎಂದು ಹಣಕಾಸು ಸಚಿವಾಲಯದ ವಿತರಣಾ ವಿಭಾಗದ ಕಾರ್ಯದರ್ಶಿ ತುಹಿನ್ ಕಾಂತಾ ಪಾಂಡೆ ನವದೆಹಲಿಯಲ್ಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಹೇಳಿದರು.

ವಿದೇಶಿ ಸಾಂಸ್ಥಿಕ ನಿಧಿಗಳು ಸಾಂಸ್ಥಿಕ ಖರೀದಿದಾರರಿಗೆ ಮೀಸಲಿಟ್ಟ ಷೇರುಗಳಲ್ಲಿ 2 ಪ್ರತಿಶತದಷ್ಟು ಮಾತ್ರ ಚಂದಾದಾರಿಕೆಯಾಗಿದ್ದವು. ಎಲ್‌ಐಸಿ ಐಪಿಒದಲ್ಲಿ ಹೆಚ್ಚಿನ ಹೂಡಿಕೆದಾರರು ದೇಶೀಯ ಹೂಡಿಕೆದಾರರು ಆಗಿದ್ದಾರೆ. ಈ ನಡುವೆ ಎಲ್‌ಐಸಿ ಐಪಿಒ ಮೇಲೆ ವಿದೇಶಿ ಹೂಡಿಕೆದಾರರು ಯಾಕೆ ಒಲವು ತೋರಿಲ್ಲ ಎಂಬ ಪ್ರಶ್ನೆಗಳು ಮೂಡಿದ್ದವು. ಫೆಡರಲ್ ದರ ಏರಿಕೆ, ಡಾಲರ್ ಎದುರು ರೂಪಾಯಿ ಕುಸಿತ, ತತ್ತರಿಸಿದ ಜಾಗತಿಕ ಮಾರುಕಟ್ಟೆಯ ಕಾರಣದಿಂದಾಗಿ ಎಲ್‌ಐಸಿ ಐಪಿಒ ಮೇಲೆ ವಿದೇಶಿ ಹೂಡಿಕೆ ಕಡಿಮೆಯಾಗಿದ್ದವು. ಆದರೆ ಕೊನೆಯ ಕ್ಷಣದಲ್ಲಿ ಎಲ್‌ಐಸಿ ಐಪಿಒಗೆ ವಿದೇಶಿ ಹೂಡಿಕೆ ಹರಿದು ಬಂದಿದೆ.

ವಿದೇಶಿ ಹೂಡಿಕೆದಾರರು ಕೊನೆಯ ದಿನದಂದು ಮಾತ್ರ ವೇಗವನ್ನು ಪಡೆದುಕೊಂಡರೆ, ಚಂದಾದಾರಿಕೆಗಾಗಿ ಬಿಡುಗಡೆಯಾದ ನಂತರ ಚಿಲ್ಲರೆ ಖರೀದಿದಾರರು ಹೆಚ್ಚಾಗಿದ್ದಾರೆ. ಪಾಲಿಸಿದಾರರು ಅವರಿಗೆ ಕಾಯ್ದಿರಿಸಿದ ಷೇರುಗಳ ಆರು ಪಟ್ಟು ಹೆಚ್ಚು ಬಿಡ್‌ಗಳನ್ನು ಹಾಕಿದ್ದಾರೆ. ಆದರೆ ಉದ್ಯೋಗಿ ಭಾಗವು ಲಭ್ಯವಿರುವ ಮೊತ್ತಕ್ಕಿಂತ ನಾಲ್ಕು ಪಟ್ಟು ಹೆಚ್ಚು ಬಿಡ್‌ಗಳು ಬಂದಿದೆ ಎಂದು ಸ್ಟಾಕ್ ಎಕ್ಸ್‌ಚೇಂಜ್ ಡೇಟಾ ತೋರಿಸಿದೆ. ಹಾಗೆಯೇ ಚಿಲ್ಲರೆ ಹೂಡಿಕೆದಾರರು ಮತ್ತು ಪಾಲಿಸಿದಾರರು ಕೊಡುಗೆ ಬೆಲೆಯಲ್ಲಿ ರಿಯಾಯಿತಿಗಳನ್ನು ಪಡೆಯುತ್ತಾರೆ.