ಎಲ್‌ಐಸಿ ಐಪಿಒ: ಮೇ 12 ರಂದು ಬಿಡ್ಡರ್‌ಗಳಿಗೆ ಷೇರು ಹಂಚಿಕೆ, ಮೇ 17 ರಂದು ಲೀಸ್ಟಿಂಗ್

ಮೇ 12 ರಂದು ಎಲ್‌ಐಸಿ ಐಪಿಒದ ಬಿಡ್‌ದಾರರಿಗೆ ಷೇರುಗಳನ್ನು ಹಂಚಿಕೆ ಮಾಡಲಾಗುತ್ತದೆ. ಮೇ 17 ರಂದು ಸ್ಟಾಕ್ ಎಕ್ಸ್‌ಚೇಂಜ್‌ಗಳಲ್ಲಿ ಎಲ್‌ಐಸಿ ಐಪಿಒನ ಲೀಸ್ಟಿಂಗ್ ಮಾಡಲಾಗುತ್ತದೆ ಎಂದು ಹೂಡಿಕೆ ಮತ್ತು ಸಾರ್ವಜನಿಕ ಆಸ್ತಿ ನಿರ್ವಹಣೆ ಇಲಾಖೆ (ಡಿಐಪಿಎಎಂ) ಕಾರ್ಯದರ್ಶಿ ತುಹಿನ್ ಕಾಂತಾ ಪಾಂಡೆ ಸೋಮವಾರ ತಿಳಿಸಿದ್ದಾರೆ.

ಎಲ್‌ಐಸಿ ಐಪಿಒ ಕೊನೆಯಾದ ಬಳಿಕ ಸುದ್ದಿಗಾರರಿಗೆ ಮಾಹಿತಿ ನೀಡಿದ ಹೂಡಿಕೆ ಮತ್ತು ಸಾರ್ವಜನಿಕ ಆಸ್ತಿ ನಿರ್ವಹಣೆ ಇಲಾಖೆ (ಡಿಐಪಿಎಎಂ) ಕಾರ್ಯದರ್ಶಿ ತುಹಿನ್ ಕಾಂತಾ ಪಾಂಡೆ, "ಎಲ್ಐಸಿ ಐಪಿಒ ಎಲ್ಲಾ ವಿಭಾಗಗಳಲ್ಲಿ ಅದ್ಭುತ ಯಶಸ್ಸನ್ನು ಕಂಡಿದೆ. ದೇಶೀಯ ಹೂಡಿಕೆದಾರರು ಎಲ್ಐಸಿ ಐಪಿಒವನ್ನು ಯಶಸ್ವಿಯಾಗಿ ಹಿಂತೆಗೆದುಕೊಂಡಿದ್ದಾರೆ. ಇದು ಆತ್ಮನಿರ್ಭರ ಭಾರತಕ್ಕೆ ಉದಾಹರಣೆಯಾಗಿದೆ. ನಾವು ಕೇವಲ ವಿದೇಶಿ ಹೂಡಿಕೆದಾರರನ್ನು ಅವಲಂಬಿಸಿಲ್ಲ," ಎಂದು ಹೇಳಿದರು.

ಡಿಐಪಿಎಎಂ ಕಾರ್ಯದರ್ಶಿ ತುಹಿನ್ ಕಾಂತಾ ಪಾಂಡೆ, ಎಲ್‌ಐಸಿ ಐಪಿಒ ಬಂಡವಾಳ ಮಾರುಕಟ್ಟೆಯನ್ನು ವಿಸ್ತಾರ ಮಾಡಲು ಸಹಾಯ ಮಾಡುತ್ತದೆ. ಆರಂಭಿಕ ಸಾರ್ವಜನಿಕ ಕೊಡುಗೆ (ಐಪಿಒ) ಮೂಲಕ ಎಲ್‌ಐಸಿಯಲ್ಲಿ ಸರ್ಕಾರವು 3.5 ಶೇಕಡಾ ಪಾಲನ್ನು ಮಾರಾಟ ಮಾಡಿದೆ. ಐಪಿಒನಲ್ಲಿ ಹೂಡಿಕೆದಾರರಿಗೆ ಹಂಚಿಕೆಯನ್ನು ಮೇ 12 ರಂದು ಮಾಡಲಾಗುವುದು ಎಂದು ಮಾಹಿತಿ ನೀಡಿದ್ದಾರೆ.

47,83,25,760 ಬಿಡ್‌ಗಳ ಸ್ವೀಕಾರ

ದೇಶದ ಅತಿದೊಡ್ಡ ಸಾರ್ವಜನಿಕ ಕೊಡುಗೆಯಾದ ಜೀವ ವಿಮಾ ನಿಗಮದ ಐಪಿಒ ಕೊಡುಗೆಯ ಅವಧಿಯ ಕೊನೆಯ ದಿನದಂದು ಸೋಮವಾರ 2.95 ಪಟ್ಟು ಚಂದಾದಾರಿಕೆಯಾಗಿದೆ. ಸರ್ಕಾರವು ಸುಮಾರು 21,000 ಕೋಟಿ ರೂಪಾಯಿಯ 16,20,78,067 ಷೇರುಗಳನ್ನು ಎಲ್‌ಐಸಿ ಐಪಿಒ ಮೂಲಕ ಮಾರಾಟಕ್ಕೆ ಮುಂದಾಗಿದ್ದು, 47,83,25,760 ಬಿಡ್‌ಗಳನ್ನು ಸ್ವೀಕರಿಸಲಾಗಿದೆ ಎಂದು ಸ್ಟಾಕ್ ಎಕ್ಸ್‌ಚೇಂಜ್‌ಗಳಲ್ಲಿ ಉಲ್ಲೇಖ ಮಾಡಲಾಗಿದೆ.

ಅರ್ಹ ಸಾಂಸ್ಥಿಕ ಖರೀದಿದಾರರ ವರ್ಗವು 2.83 ಬಾರಿ ಚಂದಾದಾರರಾಗಿದ್ದಾರೆ. ಈ ವಿಭಾಗಕ್ಕೆ ಮೀಸಲಿಟ್ಟ 3.95 ಕೋಟಿ ಷೇರುಗಳಿಗೆ 11.20 ಕೋಟಿ ಬಿಡ್‌ಗಳನ್ನು ಸ್ವೀಕರಿಸಲಾಗಿದೆ. ಸಾಂಸ್ಥಿಕವಲ್ಲದ ಹೂಡಿಕೆದಾರರಿಗೆ ಸಂಬಂಧಿಸಿದಂತೆ, ವರ್ಗಕ್ಕೆ ಕಾಯ್ದಿರಿಸಿದ 2,96,48,427 ಷೇರುಗಳಿಗೆ ಒಟ್ಟು 8,61,93,060 ಬಿಡ್‌ಗಳನ್ನು ಸ್ವೀಕರಿಸಲಾಗಿದೆ, ಇದು 2.91 ಬಾರಿ ಚಂದಾದಾರಿಕೆಯಾಗಿದೆ.

ಚಿಲ್ಲರೆ ವೈಯಕ್ತಿಕ ಹೂಡಿಕೆದಾರರು 13.77 ಕೋಟಿ ಷೇರುಗಳಿಗೆ ಬಿಡ್ ಮಾಡಿದರು. ಈ ವಿಭಾಗಕ್ಕೆ 6.9 ಕೋಟಿ ಷೇರುಗಳನ್ನು ನೀಡಲಾಯಿತು. ಇದು 1.99 ಪಟ್ಟು ಹೆಚ್ಚಿನ ಚಂದಾದಾರಿಕೆಯಾಗಿದೆ. ಪಾಲಿಸಿದಾರರ ಭಾಗವು ಸ್ವಲ್ಪಮಟ್ಟಿಗೆ 6 ಬಾರಿ ಚಂದಾದಾರರಾಗಿದ್ದರೆ, ಉದ್ಯೋಗಿಗಳಿಗೆ 4.4 ಬಾರಿ ಚಂದಾದಾರರಾಗಿದ್ದಾರೆ.

ಎಲ್‌ಐಸಿ ಪ್ರತಿ ಈಕ್ವಿಟಿ ಷೇರಿನ ಬೆಲೆಯನ್ನು 902-949 ರೂಪಾಯಿ ಎಂದು ಗೊತ್ತು ಮಾಡಲಾಗಿದೆ. ಅರ್ಹ ಉದ್ಯೋಗಿಗಳು ಮತ್ತು ಪಾಲಿಸಿದಾರರಿಗೆ ಮೀಸಲಾತಿಯನ್ನು ಒಳಗೊಂಡಿದೆ. ಚಿಲ್ಲರೆ ಹೂಡಿಕೆದಾರರು ಮತ್ತು ಅರ್ಹ ಉದ್ಯೋಗಿಗಳು ಪ್ರತಿ ಈಕ್ವಿಟಿ ಷೇರಿಗೆ 45 ರೂಪಾಯಿಗಳ ರಿಯಾಯಿತಿಯನ್ನು ಪಡೆಯುತ್ತಾರೆ ಮತ್ತು ಪಾಲಿಸಿದಾರರು ಪ್ರತಿ ಷೇರಿಗೆ 60 ರೂಪಾಯಿಗಳ ರಿಯಾಯಿತಿಯನ್ನು ಪಡೆಯುತ್ತಾರೆ.