ಸಣ್ಣ ಉದ್ಯಮದವರ ಬೆಂಬಲಕ್ಕಾಗಿ ಏರ್ಟೆಲ್ ತಂತು ಸುರಕ್ಷಾ ಸಂಬಳ
ಮುಂಬೈ, ಜೂನ್ 15: ಕೋವಿಡ್ ಪರಿಣಾಮವಾಗಿ ಸೂಕ್ಷ್ಮ, ಸಣ್ಣ ಮತ್ತು ಮಧ್ಯಮ ಉದ್ಯಮಗಳು (MSMEs) ಅಲ್ಲಿ ಕೆಲಸ ಮಾಡುವ ಕಾರ್ಮಿಕರು ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಈ ನಿಟ್ಟಿನಲ್ಲಿ ಕಾರ್ಮಿಕರಿಗೆ ಹಾಗೂ ವಹಿವಾಟು ನಡೆಸುವವರಿಗೆ ಅನುಕೂಲ ಕಲ್ಪಿಸುವುದಕ್ಕಾಗಿ ಏರ್ಟೆಲ್ ಪೇಮೆಂಟ್ ಬ್ಯಾಂಕ್, ಸಾಲರಿ ಅಕೌಂಟ್ ಅವಕಾಶ ನೀಡಿದೆ.
'ಸುರಕ್ಷಾ ಸಂಬಳ್' ಎಂದು ಇದಕ್ಕೆ ಹೆಸರಿಟ್ಟಿದ್ದು, ಏರ್ಟೆಲ್ ಬಳಕೆದಾರರು ಇದನ್ನು ಬಳಸಬಹುದಾಗಿದೆ. 'ಸುರಕ್ಷಾ ಸಂಬಳ' ಖಾತೆಯ ಮೂಲಕ, ಎಂಎಸ್ಎಂಇಗಳು ಮತ್ತು ಇತರ ಸಂಸ್ಥೆಗಳು ನಗದು ರಹಿತ ಪಾವತಿಗಳನ್ನು ಮಾಡಲು ಸಾಧ್ಯವಾಗುತ್ತದೆ ಮತ್ತು ಉದ್ಯೋಗಿಗಳಿಗೆ ಆರ್ಥಿಕ ಭದ್ರತೆ ಸಹ ಒದಗಿಸುತ್ತದೆ ಎಂದು ಏರ್ಟೆಲ್ ತಿಳಿಸಿದೆ.
ಸುರಕ್ಷಾ ಸಂಬಳ ಖಾತೆದಾರರಿಗೆ ಏರ್ಟೆಲ್ ವಿಮಾ ಸೌಲಭ್ಯವನ್ನೂ ಕಲ್ಪಿಸಿದೆ. ಅಪಘಾತ ವಿಮೆಯೂ ಇದರಲ್ಲಿ ಸೇರುತ್ತದೆ ಎಂದು ಏರ್ಟೆಲ್ ಹೇಳಿದೆ.
20,000 ಕೋಟಿ ರುಪಾಯಿ
ಸೂಕ್ಷ್ಮ, ಸಣ್ಣ ಮತ್ತು ಮಧ್ಯಮ ಉದ್ಯಮ ಕ್ಷೇತ್ರಕ್ಕೆ 20,000 ಕೋಟಿ ರುಪಾಯಿ ಹಣವನ್ನು ಬಿಡುಗಡೆ ಮಾಡುವುದಾಗಿ ಕೇಂದ್ರ ಸರ್ಕಾರ ಇತ್ತೀಚೆಗೆ ಘೋಷಿಸಿತು. ಎಂಎಸ್ಎಂಇಗಳಿಗೆ 3 ಲಕ್ಷ ಕೋಟಿ ರುಪಾಯಿ ಮೌಲ್ಯದ ಸಾಲವನ್ನು ಆತ್ಮ ನಿರ್ಭರ ಭಾರತ್ ಅಭಿಯಾನ್ ಆರ್ಥಿಕ ಪ್ಯಾಕೇಜ್ನ ಭಾಗವಾಗಿ ಘೋಷಿಸದ ಬೆನ್ನಲ್ಲೇ ವಿಶೇಷವಾಗಿ ಎಂಎಸ್ಎಂಇಗಳಿಗೆ ಏರ್ಟೆಲ್ ಸಾಲರಿ ಅಕೌಂಟ್ ತೆರದಿದೆ.
ಡಿಜಿಟಲೀಕರಣ ಮಾಡುವತ್ತ ಪ್ರಮುಖ ಹೆಜ್ಜೆ
ಏರ್ಟೆಲ್ ಪಾವತಿ ಬ್ಯಾಂಕಿನ ವೇತನ ಖಾತೆಯು ವ್ಯವಹಾರಗಳಿಗೆ ಸಂಬಳವನ್ನು ಅನುಕೂಲಕರ ರೀತಿಯಲ್ಲಿ ವಿತರಿಸಲು ಅನುವು ಮಾಡಿಕೊಡುತ್ತದೆ. ಮುಖ್ಯವಾಗಿ ಎಂಎಸ್ಎಂಇಗಳ ವ್ಯವಹಾರವನ್ನು ಡಿಜಿಟಲೀಕರಣ ಮಾಡುವತ್ತ ಪ್ರಮುಖ ಹೆಜ್ಜೆ ಇಡುತ್ತದೆ. ಏರ್ಟೆಲ್ ಪಾವತಿ ಬ್ಯಾಂಕಿನಲ್ಲಿ ತಮ್ಮ ಸಂಬಳ ಖಾತೆಗಳನ್ನು ನಿರ್ವಹಿಸಲು ಬಯಸುವ ಅಸ್ತಿತ್ವದಲ್ಲಿರುವ ಗ್ರಾಹಕರಿಗೆ ಇದು ಶೀಘ್ರದಲ್ಲೇ ಲಭ್ಯವಾಗಲಿದೆ.
ದಿನಕ್ಕೆ 400 ರುಪಾಯಿ ನೀಡಲಾಗುತ್ತದೆ
ಸುರಕ್ಷಾ ಸಂಬಳ್ ಖಾತೆದಾರರು, ಆಸ್ಪತ್ರೆಗೆ ದಾಖಲಾದ ಸಂದರ್ಭದಲ್ಲಿ, ದಿನಕ್ಕೆ 400 ರುಪಾಯಿ ನೀಡಲಾಗುತ್ತದೆ. ಗರಿಷ್ಠ 10 ದಿನಗಳವರೆಗೆ ಇರುತ್ತದೆ. ಈ ನೀತಿಯು ಕೋವಿಡ್ -19 ಅನ್ನು ಸಹ ಒಳಗೊಳ್ಳುತ್ತದೆ. ಖಾತೆದಾರನು 1 ಲಕ್ಷದ ಆಕಸ್ಮಿಕ ಸಮೂಹ ವಿಮೆಯನ್ನು ಉಚಿತವಾಗಿ ಪಡೆಯುತ್ತಾನೆ. ಖಾತೆಗೆ ಕನಿಷ್ಠ ಬ್ಯಾಲೆನ್ಸ್ ಅವಶ್ಯಕತೆಯಿಲ್ಲ.
ಅನೌಪಚಾರಿಕ ಬ್ಯಾಂಕಿಂಗ್ ಅನುಭವ
''ಎಂಎಸ್ಎಂಇಗಳಿಗೆ ತಮ್ಮ ಉದ್ಯೋಗಿಗಳಿಗೆ ಆರ್ಥಿಕ ರಕ್ಷಣೆ ಮತ್ತು ಅನೌಪಚಾರಿಕ ಬ್ಯಾಂಕಿಂಗ್ ಅನುಭವವನ್ನು ನೀಡಲು ನಾವು ಸುರಕ್ಷ ಸಂಬಳ ಖಾತೆಯನ್ನು ಅಭಿವೃದ್ಧಿಪಡಿಸಿದ್ದೇವೆ "ಎಂದು ಏರ್ಟೆಲ್ ಪಾವತಿ ಬ್ಯಾಂಕ್ನ ಎಂಡಿ ಮತ್ತು ಸಿಇಒ ಅನುಬ್ರತಾ ಬಿಸ್ವಾಸ್ ತಿಳಿಸುತ್ತಾರೆ.