ಆದಾಯ, ನಿವ್ವಳ ಲಾಭ

ಜೂನ್ 30, 2017ರ ಅಂತ್ಯಕ್ಕೆ ಇನ್ಫೋಸಿಸ್ ಆದಾಯ ರೂ. 17,078 ಕೋಟಿ ಆಗಿದ್ದು, ನಿರೀಕ್ಷೆ ಮಟ್ಟಕ್ಕಿಂತ ಹೆಚ್ಚಿದೆ. ಕಂಪನಿಯ ನಿವ್ವಳ ಆದಾಯ ರೂ. 3,483 ಕೋಟಿಯಾಗಿದ್ದು, ಇದು ಕೂಡ ನಿರೀಕ್ಷಿತ ಮಟ್ಟಕ್ಕಿಂತ ಹೆಚ್ಚಿದೆ. ಇಬಿಐಟಿ (Earnings Before Interest and Tax Read)
ಕೂಡ ಸರಾಸರಿ ಉತ್ತಮವಾಗಿದೆ.

ಸಕಾರಾತ್ಮಕ ಅಂಶ

ಕಂಪನಿಯ ಮಾರ್ಗದರ್ಶನ ಬಹಳ ಸಕಾರಾತ್ಮಕವಾಗಿದೆ. ವಿಶೇಷವಾಗಿ ಡಾಲರ್ ರೆವೆನ್ಯೂ ಗೈಡೆನ್ಸ್. ಕಂಪನಿ ಆದಾಯವನ್ನು ಶೇ. 6.1-8.1 ದಿಂದ ಶೇ. 7.1-9.1 ಕ್ಕೆ ಹೆಚ್ಚಿಸಿದೆ. ಸ್ಥಿರ ಕರೆನ್ಸಿ ಗೈಡೆನ್ಸ್ 6.5% ರಿಂದ 8.5%ಕ್ಕೆ ಉಳಿಸಲಾಗಿದೆ. ಮುಂಬರುವ ತ್ರೈಮಾಸಿಕಗಳಲ್ಲಿ ಹೆಚ್ಚಿನ ಆದಾಯದ ಗೋಚರತೆಯನ್ನು ಇದು ಸೂಚಿಸುತ್ತದೆ.

ವಿಶಾಲ್ ಸಿಕ್ಕಾ ಏನಂತಾರೆ?

ಮೊದಲ ತ್ರೈಮಾಸಿಕದ ಉತ್ತಮ ಫಲಿತಾಂಶ ಬಹುರಂಗಗಳಲ್ಲಿನ ವಿಶಾಲ ಆಧಾರಿತ ಕಾರ್ಯಕ್ಷಮತೆಯನ್ನು ಪ್ರತಿಬಿಂಬಿಸುತ್ತದೆ. ಆದಾಯ ಬೆಳವಣಿಗೆ, ಆರೋಗ್ಯಕರ ನಗದು ಉತ್ಪಾದನೆ ಮತ್ತು ಒಟ್ಟಾರೆ ವ್ಯವಹಾರ ಫಲಿತಾಂಶಗಳು ಉತ್ತಮವಾಗಿವೆ. ಸತತವಾಗಿ ಆರು ತಿಂಗಳಿಗೆ ಪ್ರತಿ ಉದ್ಯೋಗಿಯ ಆದಾಯವನ್ನು ಹೆಚ್ಚಿಸುವ ಮತ್ತು ಹೊಸ ಉನ್ನತ ಬೆಳವಣಿಗೆ ಸೇವೆಗಳ ಮೂಲಕ ಹಾಗೂ ನಾವಿನ್ಯತೆ ನೇತೃತ್ವದ ಬೆಳವಣಿಗೆ ಹೆಚ್ಚಿಸುವಂತೆ ಪ್ರೋತ್ಸಾಹಿಸಿದ್ದೇನೆ ಎಂದು ಇನ್ಫೋಸಿಸ್ ಸಿಇಒ ವಿಶಾಲ್ ಸಿಕ್ಕಾ ಹೇಳಿದ್ದಾರೆ.