ಕೇಂದ್ರ ಬಜೆಟ್ 2018 : ತೆರಿಗೆ ಮಿತಿಯಲ್ಲಿ ಹೆಚ್ಚಳ, ಮಧ್ಯಮ ವರ್ಗಕ್ಕೆ ಹೆಚ್ಚು ಲಾಭ ನಿರೀಕ್ಷೆ!
ಕೇಂದ್ರ ಸರ್ಕಾರ ಮುಂದಿನ ಲೋಕಸಭಾ ಚುನಾವಣೆಯನ್ನು ಗಮನದಲ್ಲಿಟ್ಟು ಮಧ್ಯಮವರ್ಗವನ್ನು ತನ್ನೆಡೆಗೆ ಸೆಳೆಯಲು ಹೆಚ್ಚು ಪ್ರಾಮುಖ್ಯತೆ ನೀಡಲಿದೆ ಎಂದು ವಿಶ್ಲೇಷಿಸಲಾಗುತ್ತಿದೆ.
2018-19ರ ಕೇಂದ್ರ ಬಜೆಟ್ ನಲ್ಲಿ ಮಧ್ಯಮವರ್ಗದ ಜನರಿಗೆ ಹೆಚ್ಚು ಲಾಭದಾಯಕವಾಗಿರಲಿದೆ!
ಕೇಂದ್ರ ಸರ್ಕಾರ ಮುಂದಿನ ಲೋಕಸಭಾ ಚುನಾವಣೆಯನ್ನು ಗಮನದಲ್ಲಿಟ್ಟು ಮಧ್ಯಮವರ್ಗವನ್ನು ತನ್ನೆಡೆಗೆ ಸೆಳೆಯಲು ಹೆಚ್ಚು ಪ್ರಾಮುಖ್ಯತೆ ನೀಡಲಿದೆ ಎಂದು ವಿಶ್ಲೇಷಿಸಲಾಗುತ್ತಿದೆ.
ಮಧ್ಯಮ ವರ್ಗದ ಮತದಾರರನ್ನು ಸೆಳೆಯಲು ಆದಾಯ ತೆರಿಗೆ ಮಿತಿ ಹೆಚ್ಚಳ ಮಾಡುವ ಕುರಿತಾಗಿ ಪರಿಶೀಲನೆ ನಡೆದಿದೆ. ಪ್ರಸ್ತುತ ಇರುವ ತೆರಿಗೆಯ ವಿನಾಯಿತಿ ಮಿತಿಯನ್ನು ವಾರ್ಷಿಕ 2.5 ಲಕ್ಷದಿಂದ ಕನಿಷ್ಟ ರೂ. 3 ಲಕ್ಷಕ್ಕೆ ಹೆಚ್ಚಿಸುವ ಸಾಧ್ಯತೆ ಇದೆ. ಜತೆಗೆ ಕೇಂದ್ರ ಸರ್ಕಾರ ರೂ. 2.5-5 ಲಕ್ಷ ವರೆಗಿನ ಆದಾಯ ಹೊಂದಿರುವವರಿಗೆ ಶೇ. 10 ರಿಂದ ಶೇ. 5ಕ್ಕೆ ಆದಾಯ ತೆರಿಗೆ ಪ್ರಮಾಣವನ್ನು ಇಳಿಸುವ ಕುರಿತು ಚಿಂತನೆಯಲ್ಲಿದೆ.
ಮಧ್ಯಮ ಆದಾಯದ ಗುಂಪಿನವರಿಗೆ, ವಿಶೇಷವಾಗಿ ಸಂಬಳ ಪಡೆಯುವ ವರ್ಗಕ್ಕೆ ಪರಿಹಾರವನ್ನು ನೀಡುವುದನ್ನು ಸಚಿವಾಲಯ ಪರಿಗಣಿಸಲಿದೆ. 2018ರ ಬಜೆಟ್ ನಲ್ಲಿ ಆರೋಗ್ಯ ವಿಮೆ ಒಳಗೊಂಡಂತೆ ಸ್ಥಿರ ಠೇವಣಿ, ಮ್ಯೂಚುವಲ್ ಫಂಡ್ ಹೂಡಿಕೆಗೆ ಉತ್ತೇಜನ ನೀಡುವ ಸಾಧ್ಯತೆ ಇದೆ ಎನ್ನಲಾಗಿದೆ.