2018ರ ಕೇಂದ್ರ ಬಜೆಟ್ ಮಂಡನೆಗೆ ಎರಡು ವಾರಗಳು ಮಾತ್ರ ಬಾಕಿ ಉಳಿದಿದ್ದು, ಜನಸಾಮಾನ್ಯರ ನಿರೀಕ್ಷೆಗಳು ಗರಿಗೆದರಿವೆ.

ಹಣಕಾಸು ಸಚಿವ ಅರುಣ್ ಜೇಟ್ಲಿ ಅವರು ಸೆಕ್ಷನ್ 80 ಸಿ ಕಡಿತ ಮಿತಿಯಲ್ಲಿ ಹೆಚ್ಚಳ ಮಾಡಬಹುದು ಎನ್ನುವುದು ಜನಸಾಮಾನ್ಯರ ಸಾಮಾನ್ಯ ನಿರೀಕ್ಷೆಯಾಗಿದೆ. ಏಕೆಂದರೆ ಸೆಕ್ಷನ್ 80ಸಿ ಕಡಿತ ಮಿತಿಯನ್ನು ಕಳೆದ 2014 ರ ಬಜೆಟ್ ನಲ್ಲಿ ಪರಿಷ್ಕರಿಸಲಾಗಿತ್ತು. ಏರುತ್ತಿರುವ ಬೆಲೆ ಹಾಗು ಹಣದುಬ್ಬರದ ನಡುವೆ ಇದು ಜಾನಸಾಮಾನ್ಯರಿಗೆ ಸಲ್ಪ ಮಟ್ಟಿಗೆ ಪರಿಹಾರ ನೀಡಬಹುದು ಎಂಬ ನಿರೀಕ್ಷೆಯಾಗಿದೆ.

ಪ್ರತಿ ಬಾರಿಯೂ ಸಾಮಾನ್ಯ ಜನರ ನಿರೀಕ್ಷೆಯ ತೆರಿಗೆ ಪರಿಹಾರ ಮತ್ತು ಆದಾಯದ ಒತ್ತಡಗಳನ್ನು ನಿಭಾಯಿಸಿ ಸಮತೋಲನ ಸಾಧಿಸುವಲ್ಲಿ ಹಣಕಾಸು ಸಚಿವರು ವಿಫಲವಾಗುತ್ತಿದ್ದಾರೆ ಎಂದು ತೆರಿಗೆ ತಜ್ಞರು ಅಭಿಪ್ರಾಯ ಪಟ್ಟಿದ್ದಾರೆ. ಕೇಂದ್ರ ಬಜೆಟ್ 2018: ತೆರಿಗೆದಾರರು ಈ ಪ್ರಯೋಜನಗಳನ್ನು ಪಡೆಯಬಹುದು!

ಆದಾಯ ತೆರಿಗೆ ಕಾಯಿದೆಯ ಸೆಕ್ಷನ್ 80ಸಿ ಏನು ಒದಗಿಸುತ್ತದೆ?
ಆದಾಯ ತೆರಿಗೆ ಕಾಯಿದೆಯ ಸೆಕ್ಷನ್ 80ಸಿ ವಾಸ್ತವವಾಗಿ, ಮ್ಯೂಚುಯಲ್ ಫಂಡ್, ಬ್ಯಾಂಕ್ ಠೇವಣಿಗಳು ಮತ್ತು ಲೈಫ್ ಇನ್ಶುರೆನ್ಸ್ ಯೋಜನೆಗಳಲ್ಲಿ(ದೀರ್ಘಕಾಲದ ಉಳಿತಾಯ, ಪಿಂಚಣಿ ಯೋಜನೆ)ಮಾಡಿದ ಹೂಡಿಕೆಯ ಮೇಲೆ ಕಡಿತವನ್ನು ಒದಗಿಸುತ್ತದೆ. ಇದರಲ್ಲಿ ಬೋಧನಾ ಶುಲ್ಕಗಳು, ವಸತಿ ಸಾಲದ ಪ್ರಮುಖ ಮರುಪಾವತಿ ಇತ್ಯಾದಿಗಳು ಸಹ ಒಳಗೊಂಡಿವೆ.