ಜಾಕ್ ಮಾ ರನ್ನು ಹಿಂದಿಕ್ಕಿ ಏಷ್ಯಾದ ಶ್ರೀಮಂತ ವ್ಯಕ್ತಿಯಾದ ಮುಖೇಶ್ ಅಂಬಾನಿ
ರಿಲಯನ್ಸ್ ಇಂಡಸ್ಟ್ರೀಸ್ ಅಧ್ಯಕ್ಷ ಮುಕೇಶ್ ಅಂಬಾನಿ ಶುಕ್ರವಾರ ಅಲಿಬಾಬಾ ಗ್ರೂಪ್ ನ ಜಾಕ್ ಮಾ ರನ್ನು ಹಿಂದಿಕ್ಕಿ ಏಷ್ಯಾದ ಅತೀ ಶ್ರೀಮಂತ ವ್ಯಕ್ತಿಯಾಗಿದ್ದಾರೆ ಎಂದು ಬ್ಲೂಮ್ ಬರ್ಗ್ ವರದಿ ಮಾಡಿದೆ.
ರಿಲಯನ್ಸ್ ಇಂಡಸ್ಟ್ರೀಸ್ ಅಧ್ಯಕ್ಷ ಮುಖೇಶ್ ಅಂಬಾನಿ ಶುಕ್ರವಾರ ಅಲಿಬಾಬಾ ಗ್ರೂಪ್ ನ ಜಾಕ್ ಮಾ ರನ್ನು ಹಿಂದಿಕ್ಕಿ ಏಷ್ಯಾದ ಅತೀ ಶ್ರೀಮಂತ ವ್ಯಕ್ತಿಯಾಗಿದ್ದಾರೆ ಎಂದು ಬ್ಲೂಮ್ ಬರ್ಗ್ ವರದಿ ಮಾಡಿದೆ.
ಬ್ಲೂಮ್ ಬರ್ಗ್ ವರದಿ ಅನ್ವಯ ಏಷ್ಯಾದ ಸಿರಿವಂತರ ಪಟ್ಟಿಯಲ್ಲಿ ಮುಕೇಶ್ ಅಗ್ರ ಗಣ್ಯರಾಗಿ ಹೊರಹೊಮ್ಮಿದ್ದು,
ಭಾರತದ ಇ - ಕಾಮರ್ಸ್ ವಲಯದಲ್ಲಿ ರಿಲಯನ್ಸ್ ಸಂಚಲನ ಮೂಡಿಸಿದ ಪರಿಣಾಮ ಏಷ್ಯಾದ ಶ್ರೀಮಂತರಾಗಿ ಮುಖೇಶ್ ಅಂಬಾನಿ ಹೊರಹೊಮ್ಮಿದ್ದಾರೆ.
ಅಂಬಾನಿ ಆಸ್ತಿ ಮೌಲ್ಯ
ಬ್ಲೂಮ್ ಬರ್ಗ್ ನೀಡಿರುವ ಏಷ್ಯಾದ ಸಿರಿವಂತರ ಪಟ್ಟಿಯಲ್ಲಿ ಮುಖೇಶ್ 44.3 ಬಿಲಿಯನ್ ಆಸ್ತಿ ಅಂದರೆ ಅಂದಾಜು ರೂ. 3 ಲಕ್ಷ ಕೋಟಿಯೊಂದಿಗೆ ಮೊದಲ ಸ್ಥಾನದಲ್ಲಿದ್ದಾರೆ. ಇದರೊಂದಿಗೆ ಮುಕೇಶ್ ಅಂಬಾನಿ ಚೀನಾದ ಅಲಿಬಾಬಾ ಗ್ರೂಪ್ ನ ಅಧ್ಯಕ್ಷ ಜಾಕ್ ಮಾ ಅವರನ್ನ ಹಿಂದಿಕ್ಕಿದ್ದಾರೆ.
ಜಾಕ್ ಮಾ ಸಂಪತ್ತು
ಜಾಕ್ ಮಾ ರ ಅಲಿಬಾಬಾ ಗ್ರೂಪ್ ಹೋಲ್ಡಿಂಗ್ ಲಿಮಿಟೆಡ್ 1.4 ಬಿಲಿಯನ್ ಡಾಲರ್ ನಷ್ಟ ಅನುಭವಿಸಿದ ಹಿನ್ನಲೆಯಲ್ಲಿ ಏಷ್ಯಾದ ಸಿರಿವಂತರ ಪಟ್ಟಿಯಲ್ಲಿ ಎರಡನೇ ಸ್ಥಾನ ಪಡೆದಿದ್ದಾರೆ.
RIL ಷೇರು ಏರಿಕೆ
ರಿಲಯನ್ಸ್ ಷೇರುಗಳಲ್ಲೂ ಧನಾತ್ಮಕ ಬೆಳವಣಿಗೆಯಾಗಿದ್ದು, ಶುಕ್ರವಾರ ರಿಲಯನ್ಸ್ ಇಂಡಸ್ಟ್ರೀಸ್ ನ ಷೇರುಗಳಲ್ಲಿ ಶೇಕಡಾ 1.6 ರಷ್ಟು ಬೆಳವಣಿಗೆ ಕಂಡುಬಂದಿದೆ. ರಿಲಯನ್ಸ್ ಪೆಟ್ರೋ ಕೆಮಿಕಲ್ಸ್ ಸಾಮರ್ಥ್ಯ ದುಪ್ಪಟ್ಟಾಗಿದ್ದರಿಂದ ಆಸ್ತಿ ಮೌಲ್ಯಕ್ಕೆ ರೂ. 27 ಸಾವಿರ ಕೋಟಿ ಹರಿದು ಬಂದಿದೆ.