ಅಮೆರಿಕ - ಚೀನಾ ಟ್ರೇಡ್ ವಾರ್ ಹೆಚ್ಚುತ್ತಿರುವ ಪರಿಣಾಮ ಜಾಗತಿಕ ಷೇರುಪೇಟೆ ಕುಸಿತಕ್ಕೆ ಒಳಗಾಗಿದೆ. ಇದರ ಪ್ರಭಾವಕ್ಕೆ ಒಳಗಾಗಿರುವ ಮುಂಬೈ ಷೇರು ಪೇಟೆ ನಷ್ಟ ಅನುಭವಿಸಿದೆ.

ಸೋಮವಾರದ ಆರಂಭಿಕ ವಹಿವಾಟಿನಲ್ಲಿ ಸೆನ್ಸೆಕ್ಸ್‌ ಸೂಚ್ಯಂಕ 70 ಅಂಕಗಳ ಕುಸಿತಕ್ಕೆ ಗುರಿಯಾದರೆ, ನಿಫ್ಟಿ ಸೂಚ್ಯಂಕ 27 ಪಾಯಿಂಟ್ ಕುಸಿತ ಕಂಡಿತ್ತು. ಆದರೆ ಬೆಳಿಗ್ಗೆ 10.45ರ ಆಸುಪಾಸು ಮುಂಬೈ ಷೇರು ಪೇಟೆಯ ಸೂಚ್ಯಂಕ 68.71 ಅಂಕಗಳ ಕೊಂಚ ಚೇತರಿಕೆ ಕಂಡಿತು. ರಾಷ್ಟ್ರೀಯ ಷೇರು ಪೇಟೆಯ ನಿಫ್ಟಿ ಸೂಚ್ಯಂಕ 5.50 ಪಾಯಿಂಟ್ ಏರಿಕೆಯೊಂದಿಗೆ 11,284.40 ಅಂಕಗಳಲ್ಲಿ ವಹಿವಾಟು ನಡೆಸಿತ್ತು.
ಐಶರ್ ಮೋಟಾರ್ಸ್, ಝೀ ಎಂಟರ್ಟೇನ್ಮೆಂಟ್, ಸನ್ ಫಾರ್ಮಾ, ಇಂಡಿಯಾಬುಲ್ಸ್ ಹೌಸಿಂಗ್ ಮತ್ತು ಯೆಸ್ ಬ್ಯಾಂಕ್ ನಷ್ಟ ಅನುಭವಿಸಿದವು. ಟೈಟಾನ್ ಕಂಪನಿ, ಭಾರ್ತಿ ಇನ್ಫ್ರಾಟೆಲ್, ಟೆಕ್ ಮಹೀಂದ್ರಾ, ಎಚ್ಡಿಎಫ್ಸಿ ಮತ್ತು ಎಚ್.ಎಲ್.ಎಲ್ ಲಾಭಾಂಶ ಕಂಡವು.
ಸೋಮವಾರದ ಆರಂಭಿಕ ವಹಿವಟಿನಲ್ಲಿ ಬಿಎಸ್ಇಯಲ್ಲಿ ವ್ಯವಹಾರಕ್ಕೆ ಒಳಪಟ್ಟ ಷೇರುಗಳ ಪೈಕಿ 295 ಷೇರುಗಳು ಮುನ್ನಡೆ ಸಾಧಿಸಿದ್ದರೆ, 398 ಷೇರುಗಳು ಹಿನ್ನಡೆ ಕಂಡವು.